Mancaliak kato "Iyobana" dalam namo "RM Iyobana" nan Joduta katangahkan tu, pangana ambo malayang baliak jauah dari Santa Kuruih Kalipornia ka Rimbo Gadang. Dalam pajalanan Rimbo satangah abad nan lalu 1959-60, antaro Silukah (dakek Durian Gadang, Sijunjuang) jo Calau (Kampuang Buya Sjafe'i Maarif) dakek Sumpu Kudus, ambo basuo jo Pondok Kopi, tampek parantian jalan tapak kaki di tangah Rimbo. Namo KadaiKopi tu, ditulih tangan "IYOBANA". Kadai kopi tu cuma mangatangahkan Kopi jo Aia Angek, sakadar palapeh hauih Rang Musafir dalam Pajalanan Barek di Maso itu. Ambo pun panah minum kopi di sinan dan batarimo kasih ka nan punyo lai namuah manyadiokan tampek baranti dan batuka informasi nan manyanangkan hati.
Sia tahu, kalau "RM Iyobana" di Muntok tu, ado hubuangan cakalbakalnyo dengan Pondok Kopi "Iyobana" di tangah Rimbo Gadang satangah abad nan lalu tu. Kok masih di Muntok Joduta barangkali rancak ditanyo didanga-danga Urang Maa nan punyo RM Iyobana tu. Kalau ado hubuangan jo maso saisuak tu, iko dapek manambah katarangan dan ciri-ciri Sayok Marantau nan tabang-tabang sasudah Maso Pagolakan satangah abad nan lalu. Salam, --MakNgah Sjamsir Sjarif Di Tapi Riak nan Badabua,mar 29, 2011 --- In [email protected], ajo duta <ajoduta@...> wrote: > > Dihari kedua di Muntok menjadi tamu bupati, ambo minta ijin ka nyonya > bupati untuak makan dilua. Ambo minta ka supir nan mangawani untuk > mambawo kami ka RMP. Supir mambao oto agak kalua kota dakek komplek > perkantoran. Nan dituju adolah RM Iyobana nan katonyo paling gadang > dan laku di Muntok. > > Begitu masuak memang nampak resto lai barasiah dan rami. Pelayan > datang mananyokan: "Mau dihidang pak". Tanpa mengerti mukasuiknyo ambo > mannguak sajo. Setelah ambo perhatikan tamu nan makan, baru ambo tahu > mukasuik tanyo tu. Ternyata ado opsi "sanduak sudah". > > Mancaliak nan dihidang, indak ado nan mambuek salero manjalejeh. > Pilihan jatuah ka goreng lele sajo. Dicubo juo mencolek ikan panggang, > gulai cubadak. Rasonyo jauaaahhh. Nyonyapun maamini pandapek ajonyo. > Ruponyo bagi urang satampek alah cocok. Indak bagi si Minang asli co > kami. Makan batigo kanai 115 ribu, indak maha. Kasir malapor nan punyo > lapau urang Solok nan alah 40 tahun jadi guru di Muntok. > > -- > Sent from my mobile device > > Wassalaamu'alaikum > Dutamardin Umar (aka. Ajo Duta), > gelar Bagindo, suku Mandahiliang, > lahir 17 Agustus 1947. > di Nagari Gasan Gadang, Kab. Pariaman. > rantau: Deli dan Jakarta, > kini Sterling, Virginia-USA > ------------------------------------------------------------ > "menjadi bagian dari sapu lidi, akan lebih bermanfaat dari pada menjadi > sebatang lidi" -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
