Assalamualaikum wr wb pak Ephi Lintau sarato angku, mamak, bundo jo adi dunsanak sapalanta RN nan ambo muliakan,
Iyo taraso agak ringan pundak ambo mambaco balasan email nan pak Ephi kirimkan ko. Tarutamo satantang tulisan nan iko. oh ya....kalau bisa web lintau.info bisa digunakan untuk mewakili nagari2 nan ado dilintau....(jadi klu ado nagari nan di lintau ka baminat silahkan diajak, utk biaya website dan hosting bia ambo yg tanggung....). beko ambo buek jadi subdomain sajo, sarupo : http://lubukjantan.lintau.info , http://taluak.lintau.info. Ambo kiro, kalaulah memang bantuak iko, labiah rancak kalau website & mailing list nagari di ka sambilan nagari nan ado di 2 kecamatan nan ko yaitu : Kecamatan Lintau Buo 1. Taluak 2. Buo 3. Pangian 4. Tigo Jangko Kecamatan Lintau Buo Utara 1. Batu Bulek 2. Balai Tangah 3. Tanjung Bonai 4. Lubuak Jantan 5. Topi Selo langsung sajo merupakan sub domain dari web lintau.info sabab akan labiah mudah dalam praktek pengelolaannyo dimaso nan kadatang. Sabab manuruik pandapek ambo pribadi, walaupun kalimo nagari nan di kec. Lintau Buo Utara ko alah berbeda kecamatan dengan Lintau Buo (pemekaran dari kec. Lintau Buo na lamo) daulunyo adolah nagari-nagari nan barasa dari kesatuan masyarakat nan samo. Satantang ka 9 nagari mantun, mungkin indak kasadonyo siap mengikuti pelatihan website & mailing list nagari nan ko, sabab berkaitan dengan kondisi peralatan nan ado. Namun akan ambo usahokan paliang indak minimal ado 2 nagari per kecamatan untuk mengikuti pendampingan. Kalau bisa labiah dari 4 nagari tantu labiah rancak. Kok dapek pak Ephi bantulah ambo menghubungi perantau-perantau nagari selain Lubuak Jantan agar kiro bisa dibantu mengenai peralatan komputer nan ko. Untuak nagari nan alah memiliki jaringan telepon akan kito pakai fasilitas speedy, untuak nan alun ado bisa manggunokan modem wirelles. Ambo sebagai tenaga pendamping berharap ijan dilibatkan mengenai peralatan pengadaan mantun, sabab akan memancing hal-hal yang bisa merugikan rencana pendampingan website nagari nan ko. Insya Allah pado perjalanan nan ka datang kan ambo kunjungi nagari Taluak jo Pangian di kec. Lintau Buo, sadangkan untuk kecamatan Lintau Buo Utara akan ambo kunjungi wali nagari beserta KAN di nagari Balai Tangah jo Lubuak Jantan. Memang keinginan hati iyo bisa dikunjungi ka 9 nagari nan ado, namun wakatu pulo nan membatasi hal iko sabab perencanaannyo hanyo bisa bajalan salamo 5 hari. Mudah-mudahan wali nagari-wali nagari nan akan kami kunjungi bisa pulo menyampaikan hal iko pado nagari-nagari sekitarnyo. Sebagai informasi tambahan, WN Balai Tangah saat kini baliau juo menjabat wakil ketua Perwana Tanah Datar, sadangkan WN Minangkabau adolah ketua dari Perwana Tanah Datar. Satantang pertanyaan pak Ephi nan mananyokan : satantang jo fasilitas komputer dan internet di masing-masing nagari baa ? apokah sudah tersedia semuanya Untuak nagari Lubuak Jantan, kalau ambo indak salah dari pertemuan dengan pak Firdaus HB nan lalu di kantor perwakilan PT Kumala basamo-samo ketua Pemuda nagari Lubuak Jantan, peralatan untuk website nagari nan ko alah disumbang sajak babarapo bulan nan lalu oleh pak Firdaus HB nan dikirim dari bundo Mufida Jusuf Kalla & pak Fasli Jalal. Kalau ambo indak salah selain personal computer (PC) alah ado pulo infocus. Sadangkan nagari-nagari selain Lubuak Jantan di kec. Lintau Buo & kec. Lintau Buo Utara memang alun jaleh bana baa kondisi peralatan komputernyo & fasiltas jaringan telepon. Untuak itulah rencana perjalanan babelok ka nagari-nagari nan ko akan kami lakukan. Kalau bisa, mohon dibantu dari pak Ephi supayo dilewakan pulo kapado perantau-perantau nan lain, sahinggo kebutuhan peralatan bisa dipasamoan basamo langsuang ke pamarentahan nagari. Dari hasil pertemuan dengan ketua Pemuda Nagari Lubuak Jantan nan difasilitas oleh pak Firdaus HB, untuk biaya operasional tenaga pendamping selama pelatihan sudah ditanggulangi oleh ketua Pemuda nagari Lubuak Jantan, sahinggo nagari-nagari lain cukuik manyadiokan peralatan sajo. Oleh karano itu, sekali lagi ambo mohon bantuan dari pak Ephi agar rencana iko dilewakan ka dunsanak-dunsanak perantau asa Lintau Buo sahinggo ka 8 nagari nan lain bisa pulo dibantu mengenai peralatannyo. Satantang waktu pelatihan nan pak Ephi tanyokan : satantang jo materi latihan...ambo baprinsip...bialah saketek tapi mereka paham dan bisa...dan lsg nampak manfaatnyo. jadi materi pengenalan dan pemanfaatan internet serta perakitan komputer ditambah pulo editing....itulah sangaik banyak jiko waktunyo hanyo 1 - 3 hari. krn org2 dikampuang ko masih sanang inyo diajari jiko ado tutornyo disinan...kalau dipalapeh dan diagiah ebook ambo khawatir ndak mereka baco beko. nan paralu bana....mereka pandai internet jo email dulu lah....agar ambopun dgn mudah bisa badiskusi dan kok butuh materi terkait dgn kebutuhan mereka...ambo bisa komunikasikan by email. Pelatihan nan ako akan dilakukan salamo 3 minggu untuk setiap clusternyo (bukan 1-3 hari). Insya Allah hinggo lebaran nan ka datang ambo sendiri nan akan bamukim di nagari-nagari. Dalam perhitungannyo, 10 hari partamo menyampaikan materi pelatihan hardware & software, seperti perakitan komputer, installasi program & maintenance peralatan. Untuak 10 hari barikuiknyo akan memberikan materi mengenai pengelolaan website & mailing list, sarato pelatihan beberapa software & kegiatan nan mendukung website itu sendiri. Seperti manajemen organisasi, dasar teknik perekaman video & editing, editing visual grafis, pembuatan peta, dasar pemahaman sekuritas akun email/facebook/website dan beberapa materi yang sangat diperlukan dalam pengelolaan website. Untuak itu paralu bana advis dari pak Ephi, mungkin bisa berupa saran-saran, ebook, paper atau nan lain sebagainyo. Sabab ambo ko indak pernah pulo kursus komputer & kuliah hanyo satantang bidang keilmuan pertanian sajo. Seluruh materi nan akan ambo barikan hanyolah dari pembelajaran sacaro otodidak sajo & pengalaman salaruik salamo nan ko. Satantang pertanyaan pak Ephi nan mananyokan : dulu ado pemikiran ambo.....donatur manggaji salah seorang pemuda disinan ttg pemanfaatan internet ko....dan waktu itu ambo lah diskusi jo walinagari lubuk jantan, bpk imran. beliau telah menyediakan 1 ruangan di kantua walinagari utk komputer sarato internet. tugasnyo pemuda ko adalah memberikan pelatihan gratis ttg internet dan plikasinyo kpd siapo sajo nan ka baraja internet...dan secara bertahap donatur akan mengirim2 buku, sahinggo akan terbentuk rumah baca....di kantua walinagari. sahinggonyo kantua walinagari bisa ramai..dek anak2 nan baraja komputer jo internet dan mambaco buku...... Dek sabab iko pulo ambo ingin minimal ado 3 nagari nan mengikuti pelatihan ditiap clusternyo (ado 112 cluster di 135 kecamatan nan ado di 11 kabupaten di Sumbar - belum termasuk 7 Kota). Untuk setiap cluster kita akan melatih 30 pemuda nagari yang dipilih oleh pemerintahan nagari masing-masing. Apabila ada 3 nagari yang mengikuti pelatihan, maka ada 10 pemuda nagari dari masing-masing nagarinya, apabila ada 5 nagari yang akan mengikuti pelatihan, maka ada 6 pemuda nagari dari masing-masing nagari yang akan dilatih. Harapan ambo, dari ke 30 pemuda nagari nan ko, mereka akan bisa melatih kawan-kawannyo nan lain, sahinggo ado kaderisasi nan taruih bajalan. Minimal 1 orang pemuda bisa melatih seorang pemuda pula, begitu seterusnya & seterusnya. Sehingga lambat laun pemuda-pemuda di nagari-nagari ranah minang bisa mengetahui dasar-dasar harware & software serta pengelolaan website/mailing list/page pacebook dan lain sebagainya. Dengan begitu mereka bisa mencari segala informasi yang mereka minati di google untuk menambah wawasan & pengetahuan yang akan sangat berguna nantinya apabila akan merantau ataupun tetap bermukim di nagari. Taruih tarang sajo, ambo bermimpi suatu maso nanti urang minang ko bisa mengatasi kendala komunikasi & informasi yang terjadi saat kini. Sahinggo indak ado batas antaro ranah jo rantau. Pemerintahan nagari memiliki data seluruh anak nagarinya baik dirantau maupun di kampung halaman. Dengan begitu seluruh kegiatan nan berhubungan dengan pembangunan nagari bisa dipasamoan sacaro basamo-samo. Antar masing-masing nagari bisa saling berkuomunikasi dengan baik, sahinggo seluruh potensi nagari bisa dikelola dengan baik pulo. Dengan begitu sirkulasi perpindah hasil bumi nagari bisa dilakukan secara sistematis. Bukan tidak mungkin suatu saat nanti petani-petani karet/coklat di Lintau Buo tahu benar harga karet dunia, sahinggo indak dipermainkan oleh cukong-cukong nan suko berspekulasi dengan hargo produk nagari. Baitu pulo para bundo kanduang di nagari-nagari bisa mempromosikan usaha rumah tangga nan dikelola di nagari-nagari, begitu pula dengan pariwisata, seni & budaya dan lain sebagainya. Mungkin itu sajo dari ambo, pabilo ado nan takurang mohon dibilai jo ditukuak dari angku, mamak, bundo sarato adi dunsanak sakalian, banyak maaf. wasalam AZ / lk / 33th Padang http://www.facebook.com/Ayo.Bangun.Nagari 12 cluster di kabupaten Tanah Datar total 75 nagari yang tersebar di 14 kecamatan Kecamatan Lintau Buo 1. Taluak 2. Buo 3. Pangian 4. Tigo Jangko Kecamatan Lintau Buo Utara 1. Batu Bulek 2. Balai Tangah 3. Tanjung Bonai 4. Lubuak Jantan 5. Topi Selo -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
