Untuak aa Rumah Gadang RN? Ongkosnyo maha, fungsinyo indak jaleh. Untuak "mejan" sajo? Sudah dibuek biko lapuak takulai surang pulo. Untuak simbol iyo rancak, untuak produktivitasnyo, lai ka dapek pitih tu?
Baa mangko indak tapikia mambuek Lapau, sabana Lapau nan banamo "Lapau Rantanet" dan balogo Rantaunet di papan namonyo. Muloi lah ketek-ketek agak ciek di Jakarta. Samporonokan fungsinyo sabagai Lapau, tampek manggaleh katan, kopi, makanan ketek-ketek, langkok jo Palanta tampek maota, fungsi utama. Sudah tu sadiokan pulo ruangan tampek manjua buku. Nanti kalau lah gadang, manjadi Lapau langkok jo Toko Buku, atau Toko Buku Rantaunet nan barisi Lapau, saroman Book Cafe di Rantau MakNgah. Buek koneksi Wifi sahinggo pangunjuang Lapau dapek mambawo laptop atau notebooknyo, kok kamoota jo maya-maya atau ka maota samo nan iduik di Lapau. Kok ado nan jauah nan sasek ka Jakata sakali-sakali lah ado tampek manapek mancari kawan sabaun atau indak. Tambah katahuan silaturrahim bakopi darek. Diadokan pulo ruangan pertemuan, di bulakang, buliah pulo disewokan bagi urang-urang nan ka maadokan rapek-rapek ketek, atau luncheon. Atau kok ado nan ka baheptah-heptah bagai lah ado tampek nan privacy. Tapi jan lupo toiletnyo misti rancak barasiah sahinggo ... lamak ... duduak atau mancongkong di sinan :) Kalau lah sukses di Jakarta tu, buek lo lah di Padang, Pakanbaru, Palembang, Surabaya, Den Pasar, Balikpapan, atau Kuala Lumpur. Namonyo saragam jo Logo Rantaunet. YPRN, atau organisasi-organisasi off-shoot dari Lapau buliah batamu rapek-rapek atau jarang-jarang di Lapau-lapau di ruang bulakang tu balega saantero Nusantara jo Jiran. Joduta kok ka tour lah jaleh dima tampek duduaknyo. Tangguang babissness. Murai kok tabang-tabang lah jaleh pulo rantiang tampek inggoknyo. Baa gak ati? Duo puluah tahun lai pajalanan salangkah-salangkah indak lamo. Bahyangkanlah Lapau maya kito ko lah ampia duopuluah tahun umuanyo, taraso sabanta sajo dek Nyiak Sunguik sajak Day-1 nan duduak makan katan jo goreng pisang basamo Angku Gindo Arisman, Bundo, dan kawan-kawan sabaun di Lapau Baru sisuak. Salam, --MakNgah Sjamsir Sjarif --- In [email protected], Dasriel Noeha <dasrielnoeha@...> wrote: > > He he he apo ado rencana ka mandirikan Rumah Gadang milik RN??????? > > Pasti banyak komentar nan menggairahkan, mari kito tunggu yo, > > wassalam, > dasriel > > --- Pada Sel, 5/4/11, Nofendri T. Lare <nofend@...> menulis: > > > Dari: Nofendri T. Lare <nofend@...> > > Judul: [R@ntau-Net] RUMAH GADANG Lakang dek Paneh, Lapuak dek Hujan > > Kepada: [email protected] > > Tanggal: Selasa, 5 April, 2011, 12:52 AM > > KONDISI UMUM rumah gadang atau rumah > > asal hampir penjuru nagari di Sumatera > > Barat memprihatinkan. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
