Bayangkan Joduta, jalan nan ditampuah tu adolah jalan kaki Makangah maso saisuak, satangah abad nan lalu. Mungkin jalan nan disabuik jalan tanah lumbang lambiang tu, antaro Sumpu jo Silukah Durian Gadang. Di tangah-tangah jalan rimbo tu lah nan ambo kecekan ado saisuak tamoek parantian pondok ketek, pisang jo lado kutu bagantuangan, jo jajan ala kadarnyo. Kadai Kopi nan bamerek karateh "Iyobana" tu lah nan maingekkan MakNgah jo Restoran Iyobana nan Joduta caritokan diMuntok, Banka.
Kalau dibandiangkan jo jalan-jalan rimbo lain, jalan Sumpu - Durian Gadang tu buliah dikatokan malenggang, sabab lai pasa jo Kudo Baban mambawo Gatah dari Sumpu ka Durian Gadang ka dihanyuikkan taruih ka Batabng Kuantan ka Pintu Batu ka Lubuak Ambacang. Yah taruih ka Rengat Tambilahan Selat Malaka Singapura. Disinan lah, dari pohon-pohon gatah dan mairiangan kudo baban dan mancaliak Batang Kuantan, MakNgah bakhayal dahulu. Gatah nan den iriangkan kini ko ka sampai ka Amerika, mudah-mudahan nanti gatah satitiak-satitiak ko ditakiak dapek juo maingekkan MakNgah pai ka jajak langkah gatah nan sajauah tu... Indak tahu dima jambatan manayubarang apokah di Durian Gadang atau kahilianyo saketek. Nah kalau ka arah kailianyo saketek, Jalan Koretapi Loge antaro tu lah jalan nan Makngah tampuah juo, sudah tu manyaubarang jo parahu dayuang ketek ka subarng.... Wakaktu baliak dari Pintu Batu, sasudah manyubarang Kuantan tu baliak ka Silukah, MakNgah panah suatu sanjo misti bajalan surang malinteh rimbo pimpiang hilalang, sarang harimau, misti dilalui, indak ado lai tamoek baranti. Dahulu padang hilalang/pimpiang/samaksamak tu pasti rimbo gadang juo, tapi kayu-kayunyo lah ditabangi Romusha Japang untuak mambuek bantalan-bantalan atau karajo jalan koretapi Muaro - Loge tu. Manyubarang padang hilalang/rimbo pimpiang di sanjo rayo tu ka Silukah, Makngah bae balari-lari anjiang, tapi jo tangan saroman baranang gaya dado untuak manguakkan hilalang/pimpiang untuak manjago muko jan tandeh tasaik luko-luko.... Sakitu duolu sakadar sabingka kenangan lamo antaro Sumpu Silukah Durian Gadang. Salam, --MakNgah Sjamsir Sjarif Rabng Bunian Rimbo Sumpu Santa Kuruih, April 12, 2011 --- In [email protected], ajo duta <ajoduta@...> wrote: > > Assalaamu'alaikum sanak, > > Bauntuang bana kami dek nakan Afrijon bagabuang jo tim Kuliliang Nagari. > 1. Baliau mambawo oto 4WD nan siap ba offroad. > 2. Pangalaman baliau batugeh banyak dilapangan sangat membantu penguasaan > medan. > 3. Tibo ka mambayia inyo iyo sigap bana mandahului ambo. > > Soal Offroad iyo pengalaman pertamo bagi ambo. Dari Sumpua Kudus ka > Muaro Sijunjuang nan cuma sekitar 30km, 20km adolah jalan desa dan > 15km adolah jalan tanah lumbang lambiang balubang co kubangan kabau. > Bajalan dimalam kalam ditambah jo hujan labek, kadang masuak rimbo, > iyo mambuek sero dan seru perjalanan. AP nan dikemudi dgn navigator AZ > mambuek perjalanan menantangtu lai lancar, kadang basalisiah jo speda > motor, tantu kami harus memberikan kesempatan dulu, terutama di medan > mendaki dan tikungan pulo. Bagitu ban radial oto manapak baliak di > aspal licin, tantu basorak dihati mangucap syukur kami lai salamaik > menempuh medan berat. Tabayang kami bak habis ikut Rally Paris-Dakkar. > > Salanjuikknyo kami memasuki jalan propinsi menuju Muaro. Sabananyo > pemandangan menyusuri Batang Ombilin sangat indah. Terutama saat kami > melintasi tebing bukit terjal kiri-kanan seperti di Harau. Panasaran, > kami baranti juo ditangah jalan persis disisi dinding terjal nan > tinggi tu. Dipasoan mato mamandang di malam kelam. Senter ketek lai > membantu sekedarnyo. Rasa panasaran ingin melihat keajaiban ciptaan > Allah ini, kami putuskan untuak kembali baliak bisuak. > > Habis dikocok di offroad paruik iyo alah menuntut utk diisi. Jam 9 > malam masuak restoran tantu lauak indak lengkap lai. Kami masuak > restoran kaduo, lumayan tapi tetap ikan alah abih cuma tingga daging > ka daging sajo jo kalio talua bulek. > > Sambia makan kami badiskusi taruih baa caro mmajukan nagari dengan > kenderaan YPRN dgn orientasi bisnis. Yang terlihat bisnis Wisata > Nagari dan Penggemukan Sapi Simental dgn sistim bagi hasil antara > pemilik sapi dan peternak/pemelihara. Bisakah? > > -- > Sent from my mobile device > > Wassalaamu'alaikum > Dutamardin Umar (aka. Ajo Duta), > gelar Bagindo, suku Mandahiliang, > lahir 17 Agustus 1947. > di Nagari Gasan Gadang, Kab. Pariaman. > rantau: Deli dan Jakarta, kini Sterling, Virginia-USA > ------------------------------------------------------------ > "Kepedulian sanak terhadap anak-anak nagari ditunggu. Mari sisihkan rejeki > kita Rp.250.000 untuk satu paket baju seragam bagi anak-anak yang tak > bersekolah, hanya karena tak sanggup beli baju seragam" > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
