Assalamualaikum warahmatullahi wabarakatuhu, Tarimo kasih Angku Lembang. Karano alun banyak nan mandanga ruang pendiddikan di Kototuo ko ingin pulo awak tahu aa caro awakno "Ma'had tahfidzul Quran" Yayasan Syekh Ahmad Khatib ko.
Maa Rang Lapau nan Basamo. Dalam suatu pajalanan pagi awal 2011 bajalan kaki 3 jam kuliliang kampuang Balaigurah ambo tasirumbun jo Sikola ko. Ambo panah mandanga tapi alun panah mancaliak. Sacaro incognito ambo singgah maengong-engong, mancaliak dari lua dan macigok ka ruang dalam, sarato maota ketrek-ketek jo anak-anak sikolano. Ambo kagum dan takajuik katu mandanga carito murik-murikno nan (kiro-kiro 20an di sinan sapagi tu), baiak lokasi dan program nan dialami anak-anak tu. Mereka memperkenalkan diri, tanyato datang dari berbagai tampek (daerah) jauah. Ado nan datang dari Aceh, ado nan datang dari Al Qahirah (Cairo). Taraso di ambo sikolah ko Unik. Mudah-mudahan sikola ko dapek dilewakan dan dapek labiah dikenal nanti. Manganai Universitas H. Agus Salim nan ambo sarankan lokasinyo rancak di Kotogadang, rasonyo dapek ambo bayangkan Kampusnyo di kemudian hari berdasarkan keunikan Kotogadang itu sandiri dalam Sejarah. Mangko ambo imbau pulo Buya Mas'oed Abidin karano baliau dari sinan nan tahu bana lokasi nan mungkin unik untuak Kampus tu. Tabayang di ambo daerah Subarang (nan alun ambo tampuah sacaro detail) akan unik untuak jadi kampus tu, baik dari sagi ketenangan, keindahan, dan kesejukan untuak masyarakat Universitas tu nanti. Sacaro fisik, Lingkungan pamandangan di bulakang Nagari Kotogadang tu arah ke Barat, lapeh dengan latar bulakang pemandangan sampai-sampai daerah Palembahyan dan Matua ambo raso akan rancak bana. Daerah tu alun banyak dicaliak urang nan kabanyakan acok mandanga namo Kotogadang tu sajo tapi alun dapek mancaliak daerah laweh dan lingkungannyo nan rancak. Satantangan jauah jalan babega untuak pai ka sinan, kalau Kampus tu nanti alah dibangun, pertanyaan tu indak ka manjadi masalah lai. Para mahasiswanyo mungkin akan datang jauah sacaro global pulo. Toh lah samo kito rasokan bara jauahnyo antaro Nagari Cino dari Nagari Arab; ka baraa lah jaraknyo antaro Bawah Jam Gadang jo Kotogadang. Bahkan ado jalan mamutuih; mandorek sajo malalui Ngarai sambia basiua lah sampai ka Subarang. PS. 1. Istilah "mandorek" malalui Ngarai ko adolah istilah unik anak-anak Kotogadang sandiri nan ambo danga dari kawan-kawan samo-samo sikola SMP Bukittinggi dalam tahun 1946 waktu revolusi kemerdekaan. 2.Postiang asli ambo sabalunnyo tampak banyak salah ketik, lah ambo peloki, edit, saketek di baeah. Maaf, salah ketik ko lah agak acok akia-akia ko. Kok tampak lapeh ka Lapua biasonyo lai ambo peloki. Salam, -- MakNgah Sjamsir Sjarif April 26, 2011 --- In [email protected], Muhammad Dafiq Saib <stlembang_alam@...> wrote: > > Ma'had tahfidzul Quran Yayasan Syekh Ahmad Khatib, nyiak..... > > > Nan di Koto Tuo Balai Gurah tu satingkek SMP jo kurikulum khusus mahapaan al > Quran > > Wassalamu'alaikum, > > > Muhammad Dafiq Saib Sutan Lembang Alam > Suku : Koto, Nagari asal : Koto Tuo - Balai Gurah, Bukit Tinggi > Lahir : Zulqaidah 1370H, > Jatibening - Bekasi > > > ________________________________ > From: sjamsir_sjarif <hambociek@...> > To: [email protected] > Sent: Tuesday, April 26, 2011 11:38 AM > Subject: Re: [R@ntau-Net] Universita H. Agus Salim di Bukiktinggi > > Alhamdulillah. Rancak dibangun di Kotogadang. Baa tu Buya Mas'oed? > > Bukittinggi lah sampik. Sadioan tampek untuak Sekolah Tinggi Inyiak Djambek. > > Kalau indak salah PTAIN [IAIN?] lah dakek Sungai Pua. > Di Kototuo Ampek Angkek lah muloi pulo Pendidikan nan diarahkan Yayasan Sekh > Ahmad Khatib. Aa namo resmi langkokno Angku Lembang? > > --MakNgah > > --- In [email protected], "Madahar (madahar)" <madahar@> wrote: -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
