Assalamu'alaikum, Mamak Ajo Duta dan Bapak Ibu nan di Palanta.. Pado dasarnyo, keluarga kami memang pedagang Mak. Namun, kami ado juo nan mantaranak an jawiko dengan sistem bagi hasil jo masyarakat sekitar. Di kampuang ambo Mak, masyarakat labiah suko mamaliharo Induak Jawi Simental daripado Penggemukan Jawi Simmental Jantan. Soalnyo, mamaliharo induak labiah mudah daripado maurus penggemukan jawi jantan tu. maurus induak jawi, bisa disambia, indak terlalu fokus bisa jalan juo. Sambia ka sawah, jawi dipauik an di pamatang. Sambia ka ladang, jawi ditambek an di lereng. Sedangkan jawi simmental jantan nan untuak penggemukan itu, harus yo bana fokus Mak, diparhatikan makannyo dan sagalo nutrisinyo. Indak amuah di sambia. Talaik makan atau kurang asupan gizinyo, bisa hilang 5-10 Kg dalam duo hari. Makannyo indak amuah rumpuik hijau sajo, ado dadak nyo, ado ampas tahunyo, ado mineralnyo, dan ado ubinyo bagai. Sadangkan untuak induak jawi, diagiah rumpuik hijau sampai paruik nyo bulek, itu alah cukuik sajo. Karano itu, urang di kampuang ambo suko mamaliharo induak Mak, bisa jadi side income sambia inyo ka sawah atau ka ladang. Dan, kok jawi simmental jantan ko Mak, iyo ndak ado urang nan mangabek an di pamatang sambia ka sawah, atau kalua main sambia inyo ka ladang. Jawi simmental jantan iko memang harus banyak dalam kandang, atau kalua main dalam kawasan nan bapaga kokoh. Pernah kajadian di kandang ambo, jawi simmental jantan sagadang gajah mudo tu, lapeh dan mambuek cameh urang sakampuang. Karano itu, kami pun kurang tertarik untuak mamaliharo jawi simmental jantan ko Mak. Bahkan, kok ado urang kampuang nan manjua jawi simmental jantan gadang ko ka kami Mak, minimal kami 3 urang harus mamandu untuak mambao ka ateh oto. Yo banyak karajo wak kalau mamaliharo Jawi Simmental jantan ko Mak, apolai bagi urang nan samo sakali alun pernah bataranak jawi. saran Ambo, jan lah dimulai dari mantaranak an jawi simmental jantan.
Walaupun di rumah ambo kapasitas kandang bisa dimuek untuak 50 ikua jawi, tapi kami indak ado mantaranak an di rumah do Mak. Kandang itu lebih berfungsi sebagai tempat transit sebelum dibao ka pasa taranak. Jadi, kami mambali ka urang kampuang, di simpan di kandang tu babarapo hari, dan baru dibao ka pasa untuak dijua kumbali. Paliang ado hanyo 3-5 ikua jawi simmental super (nan yo agak rancak) nan ka jadi pamenan dek urang gaek ambo nan kami paliharo di rumah, Mak. Salabiahnyo, kami sebarkan kapado masyarakat nan nio mamaliharo taranak sambia maningkatkan pendapatan mereka. Sistem nan balaku di kampuang kami Mak, kami balikan saikua induak, dan dipaliharo lah dek masyarakat di kandangnyo masiang2. Sakali sabulan urang gaek ambo datang mamantau, dan kok tibo musim kawin, kami panggiakan mantari untuak manyuntikkan bibit. Kok lah baranak Mak, peternak manjua anaknyo dengan harga yang ditentukan peternak. Jadi, walaupun kami nan punyo, tapi kami ndak maintervensi peternak pulo doh. Kami agiah kabebasan nio manjua ka toke lain pun indak baa, asal haragonyo labiah daripado penawaran nan kami barikan. Setalah itu, hasil penjualan anak ko baru dibagi duo antaro peternak dan pemodal. Sedangkan induaknyo, tetap dipaliharo untuak menghasilkan anak selanjutnyo. Baitu biasonyo sistem nan kami pakai di kampuang Mak. Bahkan, kini pun, urang gaek ambo indak hanyo mengelola ternak kepunyaan kami sajo mak, ado beberapa pemodal lain nan ikuik pulo sato dalam investasi bantuak iko. Tapi sayangnyo Mak, bagi kami di kampuang, sistemnyo iyo hanyo berlandaskan pado asas saling mempercayai. Indak ado pulo kami pakai laporan berkala, neraca keuangan, atau sistem kontrol rutin. Yang ado, kok pemodal ingin mancaliak baa perkembangan jawinyo, silahkan datang dan kito caliak basamo-samo. Kok minta laporan dari kami per bulan, iyo indak ado kami mambuek bantuak itu do Mak. Walaupun urang gaek ambo tetap memantau, tapi kami sapanuahnyo mampicayoan ka peternak baa pengurusannyo. Bahkan, kami memberi kebebasan pulo antaro peternak jo pemodal untuak saliang berhubungan secara langsung. Itu bahkan sangat lebih bagus, tanpa perantara kami pulo. Baitu sistem nan kami pakai Mak. Kok niaik untuak pemberdayaan masyarakat, menurut ambo memang iko sistem nan rancak Mak. tapi kok orientasinyo laba dan untung yang banyak, rancak dibuek peternakan komunal atau terintegrasi dengan sistem yang lebih modern, dan dengan pemanfaatan limbah jawi tu sebagai biogas bagai, itu akan lebih kelihatan manfaatnyo. Tapi mungkin, dengan sistem itu, bukan peternakan berbasis masyarakat sepertinyo, tapi lebih kapado peternakan modern nan lah terintegrasi dalam beberapa disipllin keilmuan. ha, iyo agak payah diterapkan ke masyarakat kampuang nan masih suko bataranak dengan pola tradisional seperti nan ado di kampuang ambo Mak. Mungkin sagitu dulu nan bisa ambo tambahkan Mak, kok masih ado nan bisa ambo bantu soal taranak mantaranak an jawi ko Mak, ambo akan sangat senang berbagi informasi. Mohon maaf kok ado salah kato, wassalam, Noveri/L/24/Bandung asal kenagarian Guguak VIII Koto 50 koto ________________________________ Dari: ajo duta <[email protected]> Kepada: [email protected] Terkirim: Rab, 27 April, 2011 13:48:57 Judul: Re: Sapi Simental [R@ntau-Net] YPRN dan Unit Usaha Sosial Tarimokasih Nakan Noveri, Apokah abak/keluarga nakan peternak-pedagang atau pedagang ternak? Mano tahu sambia mananti program YPRN ado nan ingin sato bainvestasi di kandang ortu nakan. On 4/27/11, noveri maulana <[email protected]> wrote: > Wa'alaikumsalam Mamak Duta, > > Tarimokasih atas tanggapannyo Mak. Iyo banyak keuntungan bamilis ria ko Mak, > lah > 1,5 tahun bagabuang, yo banyak pelajaran nan nakan ambiak. > > Baliak ka soal Jawi Simmental ko Mak, kalau sasuai budget nan Mamak > sampaikan di > posting lainnyo (sekitar 6-7 juta), itu adolah kisaran harago jawi nan biaso > sajo Mak. Kalau dari bantuak, untuak harago sagitu, iyo kurang pueh awaknyo > Mak. > Sebagai penjual pun, kok nan saharago itu nan ka Mamak bali untuak program > iko, > iyo kurang manyarankan kami nyoh. Tapi, kok memang baitu juo keputusan > program > iko, sesuai budget nan bantuak itu, yo nanti kami usahoan juo mambantu Mak. > > Kalau nak mamiliah, rancaknyo di kisaran harago 8-9 juta, Mak. Itu lah > harago > nan lumayan rancak untuak di taranakkan. Jikok dirawat dengan baik dan iyo > diparatian bana makannyo, dalam satahun bisa naiak haragonyo duo kali lipek. > Jawi simmental ko haragonyo yo bervariasi Mak. Tapi, kalau lah masuak Bulan > Juli > sampai abis Hari rayo puaso, harago anak Jawi Simmental ko jauah naiknyo > Mak. > Ibaratnyo, bagi kami panggaleh taranak ko, pado rentang waktu itu adolah > peak > season untuak manjua anak jawi simmental jantan ko Mak. Kok dapek, jan awak > ikuik pulo mambali pado maso musim itu karano harago sangat basaing. > > kok ado Mamak, Bapak, Ibu nan di palanta lai ado bajalan ka Payokumbuah, > cubolah > singgah ka pasa taranak dan sigi juo lah baa pasaran harago taranak ko kini, > bia > semakin objektif informasi nan ditarimo. Penjelasan ambo ko kan dari > perspektif > tukang galeh Mak, bia nak samo-samo pueh, silahkan pulo lah sigi ka pasa > taranak > atau ka toke taranak lainnyo. > > mungkin sakitu dulu informasi nan bisa ambo lewakan, Mak. Kok ado hal lain > nan > bisa ambo bantu, ambo dengan sanang hati akan ikuik berpartisipasi, Mak. > > Tarimo kasih dan banyak maaf, > > Wassalam, > Noveri/L/24/Bandung > Asal Kenagarian Guguak VIII Koto > 50 Koto -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
