Assalamualaikum wr wb pak Suryadi nan ambo hormati, Kok jadi ka pulang bulan Juli bisuak, ajak-ajak lah ambo manamui Ajo Kancia jo Ajo As ko. Mungkin bisa dibuek pulo paket wisata di Sunua sambia dilangkokkan ka wisata ziarah jo sejarah Surau Syekh Burhanuddin Ulakan. Tantunyo iko bisa dimasukan dalam unit usaha YPRN sub Wisata Nagari. Tantunyo ambo basadio jadi driver pak Suryadi jo Keluarga. Kok namuah, beko pak Suryadi ambo bao pulo ka raun Sulik Aie, Talang Babungo/Sariak Alahan Tigo jo Sumpua Kudus. Tantunyo wisata nagari mantun masuak ka unit usaho YPRN pulo. Baa gak ati?
wasalam AZ/lk/33th alah lalok samalam di rumah Gadang Dt Rainal Rais Kok namuah hati, pak Suryadi jo keluarga ambo bao mandaki gunuang Papan Nan manjadi salah satu titik pantauan pasukan Paderi dimaso lalu. ________________________________ Dari: Lies Suryadi <[email protected]> Kepada: [email protected] Terkirim: Ming, 1 Mei, 2011 01:07:24 Judul: Re: [R@ntau-Net] Silek Salam Mamak Zubir sarato dunsanak di lapau, Iyo wakatu ketek lai talakik baraja silek Sunua ko, Mamak. Guru ambo namo e ICIK KANCIN. Kini lah maningga. Tapi ambo indak mandalami bana, kawan2 nan lain lai ado nan dapek deknyo. Ambo ngari maliek main kaki guru ko. Kalau dapek dek kakinyo anak pisang timbatu bisa patah tabu dek e. Wakatu ketek2 di pertenganan 1970-an ambo ambo acok mancibuak'an para pandeka Sunua ko balatiah dalam samak2 indak jauah dari rumah, di bawah satu pohon rambai nan labek di tapi Batang Mangau. Kalau para pendeka silek Sunua ko 'bacakak', buni kabau baradu bunyi e, lesok daun paku di sakaliliang batang rambai tu. Nan ambo ingek bana adolah teknik MANYAMBUIK TIKAMAN PISAU BALATI JO MUNCUANG. Ngari ambo malieknyo. Ambo raso ciek duo pandeka silek Sunua ko masih ado kini. Nan ambo ingek adolah AJO MUSA di Kabun jo SI KANCIA nan babini ka Palak Aneh (dakek Marunggi, Kuraitaji). Ambo raso ado rancaknyo mendokumentasikan silek Sunua ko (buek videonyo) sabalaun aliran silek nan tamasuak tamusahua ko abih punah dimakan zaman. Apokoh Dinas Kebudayaan di daerah2 indak tertarik untuak mendokumentasikan aspek2 budaya awak nan alah langka ko? Ambo ka pulang bulan Juli bisuak. Ambo cubo mambao handycam untuak marekam silek Sunua ko. Mudah2an ambo bisa basobok jo Ajo Kancia dan Ajo Si As nan penah maaja ambo dulu, tapi sudah tu baranti dek indak talok taruik kanai sipak dek kaki e. Wassalam, Suryadi --- Pada Ming, 1/5/11, [email protected] <[email protected]> menulis: -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
