Mungkin mukasuik angku manamapuahjalan ka Durian Tinggi tu salah namo, mungkin Durian Gadang ndak?
Ondeeh, dengn uraian ko dan konfirmasi Inal (Angku Afrinal, asli Sumpur Kudus, Makah Darek) iyolah tandeh kayu-kayu di Rimbo nan MakNgah kenal baik hutan lindungnyo. Karo-karo kesayangan MakNgah di Batang Sami kama ka pai bagayuik lai? Dahulu hampia duoratuih ikua tiok hari datang ka Dangau MakNgah main-main manyasok aia. Taibo hati, kok pai mancaliak Sumpu nanti mungkin agak sasak angok maagaki beda satangah abad ko. Sudah tu, Jembatan Silukah manyubarang Batang Kuantan dakek DurianGadang tu dibuek mungkin dengan restu para pembalap kayu hutan ko sebagai guna utama bukan untuak mamudahkan kudobaban (nan kini mungkin indak ado lai) manyubarang. Sudah tu, sadang bajalan dari Pekanbaru - Loge - ke Sijunjuang dan Bukittinggi awal 2004 Makngah acok basobok Oto-oto gadang bakonvoi manuju arah Pekanbaru panuah muek barek kayu-kayu balak. Wakatu tu alah agak curiga saketek kalau-kalau kayu ko lah dibawo jauah dari Kecampatan Sumpu Kudus bagai. Gambar oto-oto tu lah MakNgah kirimkan ka Lapau wakatu itu. Ruponyo kayu-kayu tu dihanyuikkan ka hilia Batang Kampar di Lipek Kain taruih ka Pelalawan lapeh ka kapa diLauik basa Selat Melaka. Wakatu Makngah sabalunnyo di jalan lintas tengah dari Tambilahan - Rengat - Pekanbaru, di Pangkalan Kerinci Makngah mancigok Sungai Kampar. Pinggir Sungai di Pangkalan Kerinci tu tu panuah jo kayu-kayu bulek panjang rancak-rancak (bukan bulek basandiang doh :) nan ditampuang dari hulu kebanyakan dari Lipek Kain tu barangkali. Fascinating mamikia jaringan-jaringan balakkayu ko malalui jalan-jalan dagang maso saisuak. Tabayang kayu dari Agam Puagadih ka Kototinggi taruih lapeh ka Guntuang Mahek Bukikbarisan, dihanyuikkan ka Batang Kampar di Pangkalan Kotobaru. Dari Batukambiang Angku Armen tantu malalui Kotoalam, Tantaman baru taruih ka Matua. Tabayang jalan-jalan kaki MakNgah di sekitar tu baiak antaro Alahan Anggang, Kotoalam, Muaro Tontang Gudang jo Malampah, maupun antaro Bonjol, Kumpulan, Palupuah, Puagadih Kototinggi and beyond... Waah bakhayal MakNgah baliak ka maso lalu, mairuik udaro barasiah rimbo dengan suara burung-burung nan merdu ... Salam, --MakNgah Sjamsir Sjarif Santa Cruz, CA May 1, 2011 --- In [email protected], Armen Zulkarnain <emeneschoobie@...> wrote: > > > > Inyiak Sunguik, > > Satantang jalan dari Sumpu - Siluka sabananyo memang buruak, sabab di aspal > caro > lamo (aspal siram) nan alah bapuluah tahun pulo indak dipaeloki. Mengenai > pembalaka liar, memang ado, bahkan kutiko manampuah jalan ka Durian Tinggi > nan > ko ambo, mak Dutamardin jo pak Afrijon manamui kayu balak nan alah dionggokan > ditapi labuah. > > Sadangkan jalan di Koto Tinggi bisa kalua di Pagadih Palupuah ataupun di Limo > Koto, Bonjo. Kondisi jalannyo daulu adolah jalan tanah nan kudian di cor jo > simin. Karano tonase nan lalu labiah barek dari kemampuan jalan nan ado, > akhianyo lah caia pulo. > > Kapatang tanggal setelah bapisah jo mak Duta di Gasan Gadang, ambo taruih ka > Bawan, Batu Kambiang, Sitanang jo Sitalang. Dek tagiah malala panjang kami > putuihkan melalui Palambayan untuak menuju ka Bukiktenggi. Barangkek jam > 22.30 > wib dari nagari Sitalang (kampuang pak Indones St Sati) manaju Koto > Silungkang > taruih ka Palambayan, Baringin kalua di Lawang. Kutiko sampai di pasa matua > hari > alah jam 24.00 wib. Kondisi jalan seluruhnyo rancak, hanyo sayang jembatan > nan > ado mulai dari Batu Kambiang hinggo Lawang saluruhnyo titi papan nan alah > banyak > tangga kayu-kayunyo. Sempat pulo ambo jo kawan manggeser-geser papan nan > tasiso > supayo bisa kendaran bisa lalu dengan baiak. > > Kutiko barado di pasawangan antaro nagari Sitalang (kec. IV Nagari) jo Koto > Silungkang (kec. Palambayan), banyak tasusun kayu-kayu balak ditapi labuah. > Ambo > kiro masyarakat nagari lai tahu satantang penebangan kayu mantu, sabab indak > ado > jalan lain nan bisa ditampuah untuak malaluan kayu-kayu mantun. Apokah memang > dimiliki oleh masyarakat nagari atau kayu dari rimbo gadang, iko nan indak > jaleh. > > wasalam > > AZ/lk/33th > Padang > > Jalan dari Suayan ka Siamang Bunyi nan bisa taruih ka Taratak lalu ka balai > nagari Kubang kini alah diaspal. Sebagian kecil jalan pandakian ka Siamang > Bunyi > (di pasawangan) dicor jo simin. Kutiko manamui wali nagari di kec. Akabiluru > (Batu Ampa, Sariak Laweh, Sungai Balantiak, Suayan jo Pauah Sangik tanggal 15 > April nan lalu, ambo dapek kaba dari wali nagari Pauah Sangik ado tabiang nan > longsor saketek, sahinggo kendaraan roda ampek indak bisa lalu, kok nan > baroda > duo iyo indak ado masalah. > > Khusus jalan di Taratak nan ko, pandakiannyo agak panjang, lagi pulo jalannyo > sampik. Pabilo batamu lawan iyo jadi tamehek-mehek nan mandaki dibueknyo. > Sadang > nan ka manurun alah paniang pulo ka manapi, sabab lurah disabalah kiri lai > dalam > pulo. > > > > ________________________________ > Dari: sjamsir_sjarif <hambociek@...> > Kepada: [email protected] > Terkirim: Sen, 2 Mei, 2011 08:01:58 > Judul: Re: Bls: Bls: [R@ntau-Net] [YPRN] Program Bantuan untuk Siswa di > Daerah > Terpencil > > Ooh ... Pek Mudiak tuh? > > Ambo baru batanyo ka Angku Perry Burhan kok lah ado jalan oto dari Pauah > Sangik > ka Taratak Kubang. Tapi olun. Sabab jalan ambo dari Suayan ka Kubang dulu tu, > naiak Bukik ka Taratak Kubang. Dari bukik tu tompak Ranah Pek Mudiak nan > subur > indah dan kayo, jaleh lapeh ka Gunuang Bongsu dan Padang Manggateh. Nan lah > ado > dari Pauah Sangik ka Mudiak Liki toruh ka Suliki. Baitu juo konfirmasi dari > kawan ambo nan sadang rapek Kecamatan di Suliki. Kalau dari Suliki ka > Guntuang > iyo lah ado keceknyo. Cuma indak dopek pulo toruh ka Mungka jo Talang Maua. > > > Nan ibo awak keceknyo, sabab ambo tanyoan jalan dari Pua Gadih ka Kototinggi > nan > jaraknyo sapaimbauan. Ambo lah tahu ado jalan oto karano kakak ambo baru > malapor > baliau baoto dari Palupuah ka Suliki. Ulang, tapi nan ibo hati awak, jalan > nan > bari diaspal Puagadih - Kototinggi tu lah hancua pulo dek oto-oto gadang > mambawo > kayu balak... > > Nah, dek karano Angku Armein lah nan kaduo kalinyo kini ko baturihan ka > manampuah Sumpu Silukah, sadang nan partamu komplain tantang jalan buruak. > Ingin > bobatanyo, apokoh jalan buruak tu karano oto-oto mambawo kayubalak pulo. Ambo > takuik kalau-kalau Rimbo Sumpu lah dilateh pulo Silukah sampai-sampai ka > Unggan. > Cubo engong-engong. Sadangkan jalan Sumpu -- Kumani nan rawan tu mungkin ka > rarak pulo dek oto-oto kayu tu. Apolai oto-oto kayu tu dari Unggan, baranti > mandok di Sumpu dakek Tugu PDRI mananti malam, baru barangkek ka Pakanbaru > supayo indak tampak dek urang kalua rimbo di Kumani... > > Salam, > --MakNgah -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
