mm***
________________________________
From:Lies Suryadi <[email protected]>
To: [email protected]
Sent: Fri, May 6, 2011 2:15:36 AM
Subject: Bls: [R@ntau-Net] Berbagai Tipe Anggota Palanta
Salam Ajo Duta sarato Dunsanak di palanta,
Bayangkan sajolah dek Ajo Duta duduak di Palanta Lapau Jo Badek di Sunua.
Ado nan mendominasi kecek, ndak ado pandapek urang lain nan bana deknyo doh.
Tiok manggarik bibia urang nyo semba. Nan mandominasi co iko biasonyo tong
kosong nyariang buninyo, atau urang nan baru tau jo bungo silek. Urang2 sarupo
iko bisa dicuruan ko, bisa diabok2 co gas oto kijang. Kalau pandai maaboknyo,
namuah nyo mamanjek arik, namuah mamancuang cirik, namuah marameh pinjaik;
Ado nan masuak ciek-ciek komennyo. Nan ma nan paralu nyo komentari, kalau indak
nyo aniang sajo, sambia mamuta2 piriang tadah kopi, lakunyo wise kecek urang
kini. Urang co iko biasonyo sukonyo malempar isu sajo (ekonomi, politik, agamo,
dll), kalau lah bagulir bola tu, apolai kalau lah disambuik dek urang2 dari
tipe
nan partamo tadi, nyo anok-anok sajo lai;
Ado nan asik malambuik'an batu domino atau manyalisiak karateh koa sajo, ota
urang nan badantang2 di sabalahnyo bukan ndak nyo danga tu, nyo danga, tapi
mato
e tatap ka batu domino jo karateh koa, indak ado komen, indak ado reaksi, bara
lah ka kareh ota urang, indak tadanga nyo badatiak;
Ado nan manyuduik sajo di ujuang palanta sambia basikatuang dalam kain saruang,
cuek bebek. Bara ka kareh ota urang, bara ka kareh dantang batu domino, nan
inyo
maanguak2 balam mau sajo. Tipe nan tarakhir ko ado kamungkinan duo macam urang
e: 1) urang agak tabalakang saketek sacaro mental, saroman Yuang Sau atau Yuang
Jibun. Nan paralu dek e cuma rokok ciek-duo batang jo kopi sagaleih; 2) urang
pandai bana, laweh ilimunyo, leba alamnyo. Sambia duduak nyo nilai sia nan
'baisi' di lapau tu, sia nan ampo.
Baitu juolah kiro2 lapau siber kito ko, Ajo Duta.
Wassalam,
Suryadi
--- Pada Jum, 6/5/11, ajo duta <[email protected]> menulis:
>Dari: ajo duta <[email protected]>
>Judul: [R@ntau-Net] Berbagai Tipe Anggota Palanta
>Kepada: [email protected]
>Tanggal: Jumat, 6 Mei, 2011, 1:43 AM
>
>
>Assalaamu'alaikum sanak,
>
>Apokah analisa ambo alah pernah pulo dibuek nan lain di palanta ko, antahlah
>ambo
>tak ingek. Rasonyo alun.
>
>Hampia 20 tahun iwak sayo di palantako sajak diawal pendirian di tahun 1993.
>Buliah
>dikatokan ambo indak pernah absen, indak pernah cah dulu dan sebagainyo. Dari
>hampia
>1700 anggota, mungkin cuma beberapo persen nan aktif. Salabiahnyo iyo "silent
>mayority"
>sajo. Nah ado 4 ampek jinih atau tipe anggota palanta, nan ambo perhatikan
>salamoko.
>
>Tipe Pertamo : Pembaca. Iyolah karajo cuma menikmati mambaco sajo lintang
>pukang
>urang dipalantako.
> Heboh bana urang inyo tetap antap sajo. Badoncek apo
>lai....no way.....
>
>Tipe Kaduo : Penulis. Karajo iyo banyak manulih sajo, menyampaikan posting.
>Sudah itu inyo ilang,
> kemudian datang dengan tulisan baru. Komentar urang
> indak
>dibalehnyo. Paling kalau
> ado nan mamuji, cuma dibalehnyo: "tarimo kasih".
> Badoncek?
>Agak susah.....
>
>Tipe Katigo : Komentator. Satiak posting nan masuak selalu di
>komentari-nyo.
>Kadang komentar positif.
> Indak saketek pulo bakomentar negatif, mancemeeh. Jarang
>inyo memulai sendiri topik.
> Urang peduli inyo entar dulu.
>
>Tipe Kaampek: Partisipatif. Rajin manulih, rajin mambaco dan bakomentar. Urang
>maajak inyo sato. Urang
> galak inyo galak. Urang mancemeeh inyo tetap
> tasengeang.
>Urang berang inyo tetap sayang.
> Dalam tipeko ado pulo jarang manulih, tapi rajin
> mambaco.
>Kalau diajak lai namuah.
>
>Iko cuma iseng sajo. Antah iyo antah tido. Mungkin ado pandapek lain? Monggo
>sajo......Maaf kalau ambo keliru.
>
>--
>
>Wassalaamu'alaikum
>Dutamardin Umar (aka. Ajo Duta),
>gelar Bagindo, suku Mandahiliang,
>lahir 17 Agustus 1947.
>di Nagari Gasan Gadang, Kab. Pariaman.
>rantau: Deli dan Jakarta, kini Sterling, Virginia-USA
> -
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
