Sanak Afrinaldi, mungkin peta nan ko bisa labiah manjalehkan rute ka Rimbo Lisun. Kok sanak paralu alah ado ambo tinggakan filenyo di kantua wali nagari Sumpu. Ambo alah bapasan pulo supayo file mantun dibagikan pulo ka nagari-nagari di kec. Sumpu.
silahkan di klik pabilo file nan ko paralu. Download wasalam AZ/lk/33th Padang Sumpu Kudus Makkah Darek cacaran rajo, Indak rajo ka ganti rajo ________________________________ Dari: Afrinaldi Nal <[email protected]> Kepada: [email protected] Terkirim: Rab, 11 Mei, 2011 08:44:08 Judul: Bls: Bls: [R@ntau-Net] Wisata Nagari Sumpur Kudus MakNgah, Angku Afrrijon, Uda Armen, Ajo Duta jo Rang Lapau nan basamo. Mngenai Rimbo Lisun, seperti nan dicaritoan MakNgah bahwasonyo beliau lah samapai ka hulu Batang Sami, mancari ikan. Di batang Sami nan sabalah ateh aia taju, sampai kini masih banyak ikan ketek2, sprti ikan Limbek jo Ikan Gariang (ikan gariang sagadang2 ujuang langan). Jadi yg hobi mamanciang cocok bana ka situ. Karano dulu wakatu pai ka Lisun, Rinal malalui jalan ka hulu Batang Sami tu. Jadi sabana kalau MakNgah bajalan agak 1 Jam lai ka puncak Bukik tu, alah nampak Lisun di sabaliaknyo. Mngenai jalan ka Rimbo Lisun, ado babrapo jalan yg bisa di tampuah: 1. Malalui mudiak Batang Sami, yaitu sekitar 10 jam perjlanan dari Nagari Sumpu. Jalannyo banyak mandaki jo panurunan curam. 2. Malalui Bukik Simo Nagari Manganti. Sekitar 11 jam perjalanan. Ado yg manarik di Puncak Bukik ko, yaitu dulunyo ado samacam batu coran dari Semen, paninggalan Balando, urang kampuang ambo manyabuiknyo "villa'. Dulu urang picayo klw dalam Villa ko ado ameh paninggalan Balando, sahinggo di pacahkan urang. Tapi manuruik ambo, iko mgkin smacam perbatasan wilayah katiko itu. Yg asyiknyo di Puncak Simo ko, kito bisa mancaliak leluasa, karano puncaknyo lumayan tinggi. dari puncak bukik ko nampak Gunuang Talang. Gunuang Singgalang jo Merapai, sarato nagari2 sakaliliangnyo. 3. Malalui Nagari Unggan jo Silantai, ko hampia samo jo jalan Mudiak Batang sami. 4. Lewat Nagari Pinang atau Siluka, iko prjalananyo lumayan pendek yaitu sekitar 3 jam perjalanan, iko lah hampia ka lisun yg di ilia. Biasonyo urang pai manangkok ikan bisa baliak ari, karano di Lisun memang banyak ikan. Sabannayo manuruik ambo di Lisun ko banyak potensinyo dan sprti nan disabuikan Angku Afrijon tadi bisa untuak penelitian. Wakatu ambo ka sinan ambo basobok banyak sakali batang durian, mungkin ratusan. Nan manuruik cartito urang2 yg alah prnah pai ka sinan, ado bagai urang yg manamukan piriang2 lamo, tanaman kopi jo naneh. Jadi mungkin zaman dulu lah ado urang yg mahuni Rimbo Lisun tu. Mgkin perlu diteliti. Karano memang rimbonyo sangaik data dan luas. Disitu masih tadapek batang kayu yg gadang2, seperti kayu mantiah, banio, kulin dll. Faunanyo juo masih banyak, tapi sayang akhir2 ko buruang2 di sinan lah mulai habih ditangkok urang,seprti buruang Murai batu. Di tapi batang lisun tu ambo banyak mnjumpoi jajak Ruso jo jajak inyiak balang. Dan ikan dalm batang aia tu bantuak ikan dalam tabek, apo bilo kito campakan batu atau batang kayu ka sinan dikajanyo. Di situ juo masih banyak Cubadak hutan. Jadi sangaik manarik manuruik ambo untuak pai "camping" ka Rimbo Lisun tu. Apo lai kalau lagi musim Durian jo Musim Cubadak hutan babuah. Satantang yg disabuikan MakNgah tentang daerah kecamatan Singingi, manuruik urang yg alah prnah malewati Lisun untuak pai ka sinan, yaitu sakitar 2hari pajalanan baru sampai di daerah Singingi. Jadi sasudah basobok Batang Lisun tu, taruih bajalan dan basobok batang aia Bungo jo Batang Aia Singingi, nah itulah bateh Sumbar jo Riau. Ka tigo batang aia ko samo2 bamuaro ka Batang Kuantan ( batang Indragiri). Itu sapangatahun rinal. Salam, Afrinaldi Sumpur (Rang Makkah Darek) -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
