Pak AI YAH, Ambo ubah sajo subject nyo, karano carito balanjuik ka topik lain dari topik samulo.
Pak AI manulih : "Olah ambo tanyo ka kawan kawan satantangan tanggal peristiwa tsb. tapi indak ado nan mancatat atau ingek." Ikolah kakurangan dari kami pak, khususnyo nan pernah mengalami peristiwa/tragedi tsb. Bahkan ambo pun indak pernah mandanga carito tragedi ko dari nan tuo2 pun dari keluarga ambo. Sampai kini indak pernah mandanga caritonyo apolai mambaco. Se akan2 tragedi ko indak pernah tajadi di balai Sumaniak. Barangkali Do Herfim, nan lai juo sakali2 masuak di palantako bisa bacarito tentang tragedi penyerangan tentara pusek hari Okoak/Ahad di Balai Okoak Sumaniak. Saketek ingatan/pengalaman ambo di hari tragedi tsb, umua ambo 5 th + : 1) Pado saat kajadianko ambo pun kebetulan sadang di Sumaniak. Ambo kakak baradiak sajak tahun 59/60 lah dibaok tingga di Padang dek urang tuo nan punyo usaho di Padang. 2) Kajadian penyerangan ko pagi manjalang tangah hari, katiko kegiatan di balai baru dimulai dan urang sadang rami. 3) Nan ambo danga sesaat setelah tragedi ko korban nan maningga 3 (4) urang. Salah surang nenek nan rumahnyo dakek rumah rang kami. 4) Saat tembakan2 balangsung rang tuo padusi, ambo baradiak kakak dan nenek manyuruak dalam biliak di bawah kolong kopuak padi. Rumah kami bukan rumah bagonjong, kopuak padi babuek dari kayu/papan ukuran 2,5x3,5 m dengan tinggi +/- 2 m dan ado kolongnyo agar lantai kopuak indak basentuhan jo lantai kamar berupa tembok/beton. 5) Saat bunyi tembakan salasai kami kalua dari kolong, secara bersamaan datang adiak ibuk mananyokan kondisi kami. Sedangkan mamak ko salamo tembakan balangsung manyuruak dalam banda dakek rumah. 6) Kamar tampek kami manyuruak kanai sasaran salah satu peluru tembakan, jenis pelurunyo indak tau. Meninggakan bekas lubang di dindiang rumah. Tigo dindiang berhadapan satu sama lain bajarak sekitar 5 m tembus dek satu peluru. Duo dindiang sisi lua rumah dengan bekas lubang bentuk tidak beraturan berdiameter +/- 10 cm, sedangkan dindiang ditangah bateh ruang keluarga dan kamar jebol dengan bantuak indak beraturan cukup besar +/- 30 cm x 40 cm. Rumah kami rangka/tiang kayu dengan dinding kawat anyaman dilapisi coran/tembok dan lantai tembok. 5) Khususnyo bagi ambo, ado ciek bekas luko di kaki akibat kanai pecahan tembok pacah dek peluru ko. Pada kesempatan/waktu lain, katiko nagari lah di bawah penguasaan tetara pusek satu kamar (kamar paling depan) rumah kami sempat dipakai sabanta dek tentara pusek (sepertinya dari Silihwangi) nan dijadikan sebagai markasnyo. Carito ibuk/nenek, lai lo ambo sempat digendong dek tentara2 pusek nan manempati rumah kami. Rumah kami talatak di tapi jalan (raya?) Sumaniak - Situmbuak, +/- 250 setelah balai. Bukik Simbatak sebagai pelintasan pelarian ka rimbo atau kalau ingin manuju Payokumbuah talatak di nagori Situmbuak. Lainnyo bakeh manandokan adonyo kontak senjato di Sumaniak dan cukuik lamo taliek adolah bangkai oto tentara pusek, barangkali rusak akibaik serangan dari tentara daerah. Keberadaan bangkai oto ko cukuik lamo taonggok talatak +/- 250 dari rumah kami arah ka Situmbuak. Setelah daerah di kuasai tentara pusek, Sigarungguang Batusangka digunokan dek tentara pusek sebagai tampek melakukan razia oto nan manuju Padang/Padang Panjang. Babarapo kali ambo alami, katiko ka Padang, oto tujuan Padang (al. ADS) nan ditompangi dirazia di Sigarungguang ko. Nan di razia antaro lain bareh, langsung disita. Marauang-rauang induk2 nan bareh nyo disita mamohon agar barehnyo jan disita, namun sitaan tetap dialami. Pak AI, hanyo pangalaman nan ambo alami dan nan takonoa di ateh bisa ambo caritokan. Moaa bilo indak berkenan. Zalmahdi. Powered by Telkomsel BlackBerry® -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
