Banyak urang nan takajuik dengan hasil samantaro PILKADA kota Pakanbaru. Ndak tabayang baa kok bisa Septina nan babarapo hari lalu dapek gala Puti Reno Bulan nan dilakek an dek LKAAM Sumatra Barat. Apo nan kurang dek urang rumah Rusli Zainal nan bagala Tuangku Rajo Nan Sati ko. Sajak awal sosialisasi sangat gencar. Dimano-mano ado gambar baliho tapampang. Sosialisasi jo kelompok masyarakat ditambah buah tangan indak pernah lupo. Erizal Muluk ketua DPC Golkar kota Pekanbaru nan urang awak tapaso mangalah indak jadi Pekanbaru satu dek dipaso oleh DPP Golkar kato putra asli Kurai ko. Alunlai dukungan penuh dari pak Gubernur sampai pagi hari manjalang proses pilkada. Seluruh pegawai pemprov Riau wajib hadir upacara pagi tanggal 18 Mei untuak mandanga an arahan si bos.
Tapi ruponyo usaho dan karajo kareh nan salamoko dibuek akhianyo manarimo kenyataan yang mengecewakan. Hampia seluruh kecamatan di kota Pakanbaru pasangan Septina dan Erizal Muluk kalah. Hasil samantaro dari koran pagiko di harian Riau Pos PAS dapek 58 % dan BERSERI 42 %. Hasil yang diyakini kemungkina indak ka banyak barubah sampai akhir perhitungan. Sampai kini banyak nan batano-tanyo baa bana nan sabananyo. Kok bisa kalah bantuak itu? Ruponyo "Cimeeh" salah satu tradisi nan ado di urang awak sarato urang Kampar jo Talauak Kuantan mampunyoi andil gadang untuak marubah peta pilkada ko. Ado babarapo ungkapan cimeeh nan beredar dilakalangan masyarakat manjalang Pilkada. Diantaronyo: - Indak adolai nan jantan di Pakanbaru ko? Kok dipiliah pulo padusi jadi walikota? - Lamak diagiah gala satinggi langik. Nan kami indak kamamiliah inyo. ( kalua setelah Septina dapek gala dariLKAAM Sumbar) - Paja ele, indak ado urang agam nan dibawah parintah batino doh. Untuak a kadipiliah - Sia sajo nan kajadi Walikota, namun awak ka bantuak iko juo - Yo sabana bongak urang nan namuah mamiliah batino jadi walikota - Katonyo jopitih awak bisa dibali - Ayah e nan punyo nagari ko. Sado nyo ka diambiaknyo Indak cukuik nan alah ado salamoko? - Indak ka awak piliah. Ibo awak. Biko kok jadi walikota, bacarai rumahnyo. Surang di Ahmad Yani (rumah dinas walikota) nan surang di Diponegoro ( rumah dinas Gubernur) - Awak cucuak Septina, bangih lah lakinyo. Manambah karajo jo Sadar atau tidak sadar nan cimeeh ko banyak beredar dikalangan masyarakat. Bagi urang Minang, Taluak uanta, dan Kampar kanai cimeeh samo jo manyingguang harago diri. Banyak nan tasuruik atau babaliak arah dek kanai cimeeh ko. Baa kati...? Salam, Ibnu -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
