Assalamu'alaikum WW. Dunsanak Palanta RN nan dimuliakan
Kegamangan dan kerisauan menghantui perasaan ambo babarapo tahun belakangan, dimano ditanah tumpah darah tampek kelahiran ambo sendiri di Ponggok Batipuah Baruah Kabupaten Tanah Datar dimano namo ponggok itu nan ambo nukilkan dibalakang namo ambo sendiri, sebuah dusun kecil nan banamo Ponggok nan penduduknyo seluruhnyo basuku Pisang (Tanjuang). Kegelisahan dan kegamangan itu datang karano Surau kami nan ado di Ponggokko hanyo dipakai 2 X satahun sajo, yaitu pado puaso sampai Hari Rayo Idul Fitri dan pado hari Rayo Korban sajolai, indak ado lai urang nan sumbayang satiok wakatu, indak ado lai anak-anak nan baraja mangaji, inadak ado lai pemuda nan baraja adat jo pasambahan kato saroman maso-maso ambo kutiko tingga dikampuang dulu. Seorang saudara maingekan agar ambo untuak pulang maajak urang kampuang babaliak kasurau dan agar nanak-anak dapek baliak mangaji di surau. Alah 2 kali minggu ambo satiok sabtu pulang dan bausaho mangajak masyarakat untuak bagotong royong mambarasiahan surau fan sakaligus maramikan surau, nan hasianyo io lai luar biaso kini alah panuah Surau Ponggok Baliak Sumbayang berjamaah tarutamo Magrib, Isya, dan Subuah, dan anak anak mangajipun alah mulai badatangan, berbagai kegiatanpun alah dirancang dan dimulai, seperti pangajian, baraja pasambahan kato dll. Dari pangalaman iko dapek kito simpulkan untuak babaliak ka surau di nagari awak io harus ado urang nan mamotoronyo untuak mamulai insya Allah nan masyarakaik awak lai tatap namuah diajak kanan baiak, dan sangat menyadari bahwa babaliak kasurau adolah kebutuhan masuarakat awak. kini insaya Allah dayiok Sabtu kalau lai indak ado kegiatan nan pantiang ambo jo keluarga bausaho pulang ka Ponggok Batipuah untuak pai basamo-samo ka surau jo utang kampuang. Mohon maaf postingko ambo sampaikan bukanlah untuak riya namun sekedat berbagi pengelaman jo dunsanak rantau nan lain kok lai ado wakatu pulang mari awak datang maajak urang kampuang awak.babaliak Basurau. Tks Afrijon Ponggok Katik Basa Batuah 44,L,Pisang,Batipuah Baruah, Luahak Nan Tuo,Pekanbaru -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
