Ambo lupo-lupo ingek, maklum umuaukatu tu (4/5/58) ambo (Si m.m) baru jalan 3 th 10 bulan 3 hari.
Kutiko tu, kami tingga di Komplek Depsos simpang Sanjai, Bukiktinggi. Papa ambo, sabagai "pejabat ketek" di Depsos (instansi Kepolisian?) memang dapek rumah dinas dari pemerintah di Sanjai tu. Nan ambo lupo-2 ingek, sabagai anak bungsu (waktu tu) dalam kaluarga, adolah bunyi badantum gadang indak jauah dari rumah kami, di ateh bukik. Uktu tu, Amak ambo (my mother) sadang mamatiak buah taruang di kabun muko halaman rumah kami. Tanyato, kato Amak kamudian, sender (RRI Bukiktinggi) di ateh bukik tampek Hotel Pusako (punyo bini Pak Adam Malik?) kini tatagak dibom dek Tantara Pusek....!!!! Nan ambo lupo-2 ingak lai, Papa kami ---demi solidaritas jo kawan-2 baliau samo-2 asa TilKam--- ikuik-2 pulo lari ka rimbo. Nan jaleh, kutiko Bukiktinggi di duduaki Tantara Pusek, Papa kami kalua dari rimbo memang sempat dimasuakkan (babarapo bulan) ka dalam pinjaro nan di muko Hotel Jogja Bukittinggi kini. Yang lainnya ambo lupo. Nan jaleh, ambo "Si Bungsu" dalam keluarga, masih lupo-lupo ingek kutiko dibaok Uni Ambo nan tatuo jalan kaki dari Balingka manuju Maninjau. Kami naiak oto dari terminal Aua, tanyato tibo di Balingka jalan oto taputuih (sangajo dirusak dek Tantara Pusekkah??). Karano Papa kami di penjara (akibaik kalakuan baliau sabagai aparaik pamarintah nan ikuik lari masuak rimbo), untuak samantaro kami (5 orang anak-2 baliau) barantakan. Ado nan tingga di rumah bako kami di Tilkam. Ado nan ikuik Mandeh Ketek kami di Lubuakbasuang, dan ado pulo nan dibaok Mak Adang tingga di Jakarta (bahkan sampai TPU Tanahkusir Jakarta mamintaknyo, Kakak ambo tu indak namuah pulang ka Bukiktinggi). Ambo kiro, cukuik sakian dulu ambuihan saluang ambo sampaikan. Kalau awak urang Minang mancibo manyingkok "pahatan sejarah" tantang PRRI/Permesta ko malah mambuek dado nan masih hiduik manggalagak, dan di lain pihak banyak pulo nan (mungkin) mananagih. "Sejarah itu indak panah dibuek atau dirancang. Inyo tajadi demikian sajo akibaik perjalanan hidup & kehidupan anak manusia di ateh dunia". Tapi........., sejarah bisa dibuek sabagai palacuik supayo keledai nan banamo "urang awak" indak tataruang baliak di batu ketek nan samo. Salam & maaf buek Bundo & Mamak lainnyo........................., mm*** Lk-2, >50 th, Bks suku : Koto Datuak Tumangguang gala : Sutan Rangkayo Kaciak (sedang di Semarang) ________________________________ From:Hayatun Nismah <[email protected]> To:"[email protected]" <[email protected]> Cc:"[email protected]" <[email protected]> Sent:Thu, May 19, 2011 8:01:18 PM Subject:Re: [R@ntau-Net] Bukittinggi 4 Mei 1958 Assalamu Alaikum W. W. Bundo tanyo ka Google hari ko adolah hari pembebasan Bukittinggi oleh Tentara Pusat. Tantu urang2 sarupo bundo dan mak Ngah indak di Bukittinggi hari tu. Baralah kalebuiknyo ari 4 Mai 1958 ko tantu bisa dibayangkan. Biasonyo tentara pusat tu manembak dari kapa tabang mangiriangkan tentaranyo. Tentara ko manembak pulo jo bazooka dan mortir. Mortir ko kok kanai tanah nan indak ado urang mambuek lubang gadang sarupo kubangan kabau gadang. Tapi urang2disakaliliangnyo yo kanai pecahannyo. Dipaho alm. ko ado pecahan itu nan tingga bekasnyo. Kok salonsong peluru nan ditembakkan tu lah salasai "kusukehok" tu dikumpuakan anak2 untuak mainan atau panyambuang ujuang pensil. Hanyo sagitu nan dapek bundo caritokan dulu Sent from my iPad by Nismah Rumzy On May 19, 2011, at 5:00 AM, "sjamsir_sjarif" <[email protected]> wrote: >Adokoh adidunsanak nan di Bukittinggi tanggal 4 Mei 1958? Baa carito hari tu? >Atau kalau umua masih ketek-ketek wakatu itu, adokoh mandanga dari ayahbundo >nan >di Bukittinggi hari tu? Ingin awak mandanga carito hari tu apo nan tgajadi di >Bukittinggi. > > Salam, > --MakNgah -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
