Sanak Ephi sarato dunsanak di lapau sakalian, Memang tampak dek ambo kato ganti urang partamo (WA)ANG ko dalam bahaso Minang kini dianggap agak ganjia dan ndak populer lai. Padohal dulu biaso sajo. Nan aneh, nan gadih2 kadang-kadang mamakai kato ANG ko kalau mangecek samo gadang. Sabagai gantinyo, kini banyak dipakai kato SINAN atau SANAK (sarupo ambo basapoan jo JEPE). Kalau dulu kato (WA)ANG ko biaso dipakai dek urang nan tuo ka nan mudo dan urang mudo samo gadang. Misalnyo mamak maimbau kamanakan e. Dalam situasi sarupo tu nan mamak biaso e mamakai kato ganti partamo (W)ADEN, dan kamanakan mamakai kato ganti partamo AMBO atau AWAK. Katokanlah nan mangecek antaro Sutan Palindih (Mamak) jo kamanakan e, Rasidin. Kabatulan mamak jo kamanakan ko basobok di parak kambia Amak Rasidin, di parak (palak) baruah. Rasidin ba-MAK UTIAH ka Sutan Palindih, dek kulik e agak putiah dari mamak2 e nan lain. Sutan Palindih: Sidin, lah ANG bajak sawah di Simpang Ampek? Rasidin: Alah Mak Utiah. Duo kalawang talok dek Ambo baghu. Kabau gak maenyok jalan e. Alah duo aghi kabau ko boco. Gak sakik tampak e. Sutan Palindih: Eh...dek a kabau ANG tu? Colah (cibolah) ghamehan aia daun paku jo bungo ghayo. Babughiah muncuang e? Paneh di dalam kabau ANG tu ndak? Eh...jan lah dibao juo kabau tu mambajak dulu. Beko ghapun kabau ANG tu. Rasidin: Jadilah Mak Utiah. Iyo lo tumah. Beko mati kabau ko, ilang je inggik ameh Ambo duo. Sutan Palindih: Eh...kambia lah banyak kalapo nampak dek DEN mah. Ang panjek lah ko lai.Kapatang lah DEN sabuik lo ka Mak Itam jo Mak Uniang ANG (duo mamak Rasidin nan lain). Seo je banghuak si Munyar. Jua je kambia ko ka Labai Siri. Kan wee je nan biaso mambali kambia ko tiok bapanjek nyeh mah. Kepeang e agiah an lansuang ka Amak ANG. Wee kan sadang manabuang untuak naiak haji mah. Kok lai ka panambah-nambah tabuangan haji bali kambia tu dek e. Untuang2 bulan Lamang taun bisuak lah lansai tabuangan e tu. Kok ado juo kughang e beko ndak kayu jenjang dikapiang menah. Nan jaleih WAANG sugirokanlah mamanjek kambia ko. Rasidin: Jadilah Mak Utiah. Kok Ambo antaan ka umah Mintuo Reno di mudiak kambia ko nan gak paghampiangan gak salapan, baa Mak Utiah? Ambo piliah nan gadang2 nan lai bamiyak, ka pambuek ghandang je dek Mintuo. Sutan Palindih: Tasarah di ANG lah tu. Kok lai ado wakatu dek ANG, antaanlah kambia tu gak duo ghenjeang je ka mudiak. Kalau baitu jan lupo lo bini Mak Itam jo Mak Uniang ANG. Supayo nak dapek saketek soghang. Mamak ANG nan baduo lai tu, samo jo WADEN, kan lai cangok lo di ghandang mah. Tapi mintuo ANG sadang di Jawa kini. Cucu e lahia aghi Akaik kapatang. Minantu e bapasan supayo wee lakeh tibo. Lah bagageh je wee pai ka Katapiang naiak kapatabang. Ampun WADEN jo mintuo ANG tu. Kalau nan ka pai-pai sabana basumangaik wee. Baju DEN lah bi kumuah indak talakik bagai dek wee manyasah doh. Lah tigo aghi ko ha paghuik DEN basampa jo gogheang pisang tinalun di lapau Si Suna je nyeah. Kok lamo co iko, iyo ghaso ka capek maghedeang jalan DEN mah. Rasidin: Oh...sehat je andak e cucu Mak Utiah tu. Mak Utiah basaba je lah. Awak lah gaek ko saba je dipabanyak nyeah, Mak Utiah. Ka baa lai. Namo e je ughang baghu dapek cucu. Tantu indak tabado gadang ati. Indak di ughang indak di awak tu doh, Mak Utiah. Eh... dima tingga Uni Nursamsi di Jawa, Mak Utiah? Sutan Palindih: WAANG kalau mangadu WADEN ka WAANG soal Mintuo ANG tu, inyo ANG tagak'an taruih je. Kanai sogok WAANG dek mintuo ANG tu ndak? Nursamsi tingga di Pasa Umpuik mah, badakek'an tingga e jo Piak Lambuak kamanakan Ajo Damiri di Koto Mapak. Tadanga di DEN wee lah mambuek umah bagai di sinan. Tampak e lai barajaki wee jo laki e. Mah alun cukuik sataun maghantau ka Jawa doh lai lah tabuek umah di e. Rasidin: Basyukur juo lah kito, Mak Utiah. Lai tasingkok juo pintu razaki Uni Nursamsi jo laki e. Eh...apo karajo minantu Mak Utiah tu di Jawa? Sutan Palindih: Wee mambukak kantua notarih mah. Tumah, sudah tamaik sikola ukun (hukum), lansuang dapek dek e izin mambukak kantua notarih. Tadanga dek DEN kantua e tu di Proyek Senen latak e. Kecek Uni ANG (mukasuik e Nursamsi) pagawai e lai gak salapan ughang banyak e. Rasidin: Ondeh...iyo lah hebat Uda Uni Nursamsi yo, Mak Utiah. Kok dibao e anak Ambo nan gadang ka Jawa tu baa, Mak Utiah? Si Nuwar (nama aslinya: Anwar). Wee taun kapatang kan lah tamaik SMA mah. Kini maelong2 je dumah (di rumah), ilia labuah mudiak labuah maukua jalan. Onda nan dibalian dek Induak e lah punah ghaghah dek e. Raun-raun je pangana e. Tiok aghi ko balain-lain je anak gadih barengge di onda e tu. Pakau utak Ambo maliek e, Mak Utiah. Mamak e lah paniang lo maliek kalakuan kamankan e tu. Ambo takuik dek acok bagesoh antimun jo duyan, kok baghiang-baghiang beko antimun ko. Alamaik ka bakasiak juadah Ambo beko. Kini ko di kampuang banyak bana uwia-uwia mintak gatah, Mak Utiah. Indak dapek lalok ambo mamikiaan si Nuwar ko doh, Mak Utiah. Tiok sabanta je mintak bali bensin. Kudo awak mambalian, umpuik awak lo manyabik'an. Lah basaghok lo incek mato ughang kampuang maliek e. Kok ka dilanjuik'an sikola e pitih ndak ado. Kok ka dijua kabau badua nan sikua tu, ka jo a lo awak ka mambajak sawah jo mambaok padati? Colah (cibolah) tanyokan ka minantu Mak Utiah tu. Kok lai ka baguno dek e si Nuwar ko ka panyusun-nyusun karateih je di kantua e tu. Wee lai pandai lo main komputer saketek, dek pernah les komputer di Piaman taun kapatang. Colah pikia dek Mak Utiah, ka manga si Nuwar ko di kampuang? Karajo indak ado, kok ka makan tiok sabanta baulang wee ka sungkuik. Kini wee lah pandai lo maokok. Kok ka pai lala ka labuah lah nyo ughah kain pinggang Amak e mancaghi pitih balanjo. Sutan Palindih: Oh...kok itu iyo indak abeh di DEN tu doh, Sidin. Ghancak WAANG mangecek bana jo Mintuo ANG. Atau ANG cibolah manalepon Uni ANG (mukasuik e: Nursamsi). Ka bagha bana lah biaya manalepon ka Jawa tu. Kapatang lai gak satangah jam waden mangecek jo Nursamsi dari Wartel si Kamba, kanai waden tigo inggik nyeah. Kok untuang-untuang lai bisa dek laki e mambao anak ANG tu ka Jawa. Ndak baitu doh, lah masuak lo ukatu Asa ha. WADEN pai lah sumbayang ka ghaia ciek lu. Rasidin: Jadi, molah Mak Utiah. Bilo2 e je lah Ambo talepon Uni Nursamsi. Kalau lansuang je mangecek ka minantu Mak Utiah tu, tantu sagan lo Ambo. Tampak bana lo aghok awak beko. Jan dicaliak'an bana lo umah bughuak awak ka ughang maliang. O iyo, aghi Akaik bisuak Ambo panjek kambia ko, Mak Utiah. Sutan Palindih: Jadilah. Kok lah sudah kambia ko bapanjek, tolong ANG agiah kaba WADEN dih? Sabuik e susun je di balakang sangai. Kan baguno juo tu untuak malamang bulan bisuak. Rasidin: Jadi, Mak Utiah. *** Kalau pamakaian kato ganti (WA)ANG dan (WA)DEN untuak samo gadang, bisa diliek dalam rubrik JILATANG dari Wisran hadi di Padang Ekspres edisi tiok minggu. Sabana e lain pulo lasuah e mangecek samo gadang mamakai kato gandi urang partamo (WA)ANG dan (WA)DEN ko. Wassalam, Suryadi
--- Pada Jum, 3/6/11, Ephi Lintau <[email protected]> menulis: Dari: Ephi Lintau <[email protected]> Judul: Re: Haha... kan iyo juo kecek Re: tanyo sanak Ahmad Ridha Re: [R@ntau-Net] JOKES POLITIK “MACAN KUMBANG HITAM ITU BERMATA DAN TA Kepada: [email protected] Tanggal: Jumat, 3 Juni, 2011, 10:52 AM Mak St. Sinaro....., baa ko lah..ditalingo ambo ko....urang ma imbau jo kato Ang....tadanga kasa bana.......!.. maaf..hanyo persepsi pribadi....nan tantu lain lubuk lain ikan..lain urang lain pulo kebiasaanyo... salam Ephi On 6/2/11, Sutan Sinaro <[email protected]> wrote: > ha ha... kan iyo juo kecek ambo, barang ko sensitif... > tu alun disabuik foto-foto nan tagantuang di rumah lai tu... > pasti mengundang perdebatan, kontroversi... > tu mako ambo hanap-hanap saja.. > cuma ciek se nyo dunsanak,.. > Agamo Islam ko, ado nan bisa dilogika-kan, bahkan mengalahkan > ilmu pengetahuan,.. ado juo nan indak, dek karano ndak tajangkau > dek logika awak. Baa mangko babi haram,.. kan bisa disterilkan .. > baa mangko kanai jilek anjiang harus dibasuah 7 kali sakali jo tanah, > kan kini ado sabun jo sekian macam antiseptic... > ...kan, ndak tajangkau dek logika namonyo tu do ... > Kalau lah takah itu, indak tajangkau dek logika,... pulangkan se lah > ka Allah dan rasul-Nya, picayo se lah, turuik se lah, > patuah se lah "Bi laa kaifa" kecek Buya M. Natsir > (Baca buku "Keb. Islam dlm perspektif sejarah"). > Sabab indak tajangkau dek logika.. > Kok banyak-banyak tanyo juo, beko barang tu jadi susah... > takah carito urang Yahudi batanyo urusan jawi (ndak jawi simental doh hi > hi). > Atau takah nabi Adam as, nan akhirnyo kalua dari sarugo,.. > Baa dek kalua ?, > katiko tibo larangan "wa laa taqaraba hadzihis sajarah" tu > nabi Adam patuah, bi laa kaifa (tanpa kenapa-kenapa dan bagaimana-bagaimana > nya). > Patuah sarupo kaum Muslimah zaman rasulullah manutuik kapalo jo kain katiko > turun > ayat jilbab. Sami'na wa ata'na, Kami dengar dan kami ta'at. > Tu baa mangko kalua juo dari sarugo ?. > Haa... tibo lah Setan nan dikecekkan dek SBY tadi. > "Hei Adam, ang tau ndak baa mangko ndak buliah mandakek batang kayu nan ciek > ko ?". > "Caliak dek ang, buah nyo ranun, lamak tu ..". > "Eh, ndak tau den do ... baa tu ?". > "Ang pernah ndak batanyo-tanyo baa mangko ndak buliah ?". > "Indak lo do,... baa eh ?". > "Lai tau ang ndak, kok ang makan buah tu, ang bisa kekal dalam sarugo ko, > indak kalua-kalua". > "Aii.. iyo tu ?,... rancak dimakan buah tu". > Al hasil dunsanak, bamakan juo buah tu ... > Baa taruih caritonyo dunsanak lah tau... > Aa.. cubo caliak,... sia nan babisiak urusan tanyo batanyo ko, urusan baa > mangko bitu > baa mangko baiko. > Oiii, Sutan, ndak lo takao dek kami takah itu doh... > Eh, bara takao lah,...tasarah Allah ka manilai, narako tu batingkek-tingkek, > sarugo batingkek-tingkek juo, Allah nan manilai di ma awak. Usaokan bara > talok, > sudah tu pulang kan ka Allah swt. dan rasul-Nya. > Baitu .. > > He he, mohon maaf kok susah lo dunsanak di nyo. > Cuma dikatokan, "Maa anzalna 'alaikal Qur-aa na li tasyqaa". (QS:20:2) > Rancak kito turuik buya M. Natsir "Bi laa kaifa", kok ndak tajangkau dek > logika. > > Billaahil hidayah wat taufiq > > Wassalam > > St. Sinaro > > -- > . > * Posting yg berasal dari Palanta RantauNet, dipublikasikan di tempat lain > wajib mencantumkan sumber: ~dari Palanta R@ntauNet > http://groups.google.com/group/RantauNet/~ > * Isi email, menjadi tanggung jawab pengirim email. > =========================================================== > UNTUK DIPERHATIKAN, melanggar akan dimoderasi: > - DILARANG: > 1. E-mail besar dari 200KB; > 2. E-mail attachment, tawarkan di sini & kirim melalui jalur pribadi; > 3. One Liner. > - Anggota WAJIB mematuhi peraturan serta mengirim biodata! Lihat di: > http://forum.rantaunet.org/showthread.php?tid=1 > - Tulis Nama, Umur & Lokasi disetiap posting > - Hapus footer & seluruh bagian tdk perlu dlm melakukan reply > - Untuk topik/subjek baru buat email baru, tdk mereply email lama & > mengganti subjeknya. > =========================================================== > Berhenti, bergabung kembali, mengubah konfigurasi/setting keanggotaan di: > http://groups.google.com/group/RantauNet/ > -- =========== Salam Hormat ========== Yuhefizar a.k.a Ephi Lintau | Laki2 | 35 th www.ephi.web.id | http://blog.ephi.web.id www.web1juta.com | www.pengusaha-online.com e-Mail : [email protected] Handphone : 08126777956 ================================ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
