Insyaallah ni pintak buliah kandak balaku, Ambo emailkan ka alamat uni, Untuang kok lai ibarat tabu, Palapeh hauih tangah hari,
On Jun 10, 12:38 pm, Hanifah Damanhuri <[email protected]> wrote: > Waalaikum salam Wr Wb mamak Yanto > > Awak nio ciek mamak, mulai dari seri satu sampai 12 ... > Awak iyo tamasuak induak-induak nan bakarir > > Lasuahlo kanai-kanai sindia dek pantun mamak dun > Bia awak bagikan pulo pantun dun ka anak-anak dan sahabat awak dih. > > Wass > > Hanifah > > Pada 10 Juni 2011 12:04, yanto jambak <[email protected]> menulis: > > > *Ass.Wr.br……………………………* > > > Dunsanak sapalanta nan dicintoi, nan sakampuang lain nagari, sajantuang > > mngkin ndak sahati, sahati indak sadanyuik nadi, dima sajo barado kini, di > > ateh oto,bemo jo taksi,atau di ateh kureta api, diateh bendi jo padati, atau > > nan sadang bajalan kaki, nan sadang mancari cari, atau sadang manyigi > > nyigi,dima kolah ado rasaki, nan halal nan di ridhoi,kadimakan anak bini > > walau > > hanyo sasuok nasi,sisonyo kok li lai,dapek pai haji, > > > Maklumlah di zaman kini, kok di agak jo di kaji, hiduik samakin nafsi > > nafsi, banyak nan indak piduli,kok lai bana ba organisasi, hanyo ka ganti > > bendi,tampek manompang kama ka pai, lah dapek tampek baranti, jo kusia ndak > > lai sudi, jo kudonyo apo lai, nyo lah malucuih pai, mancari meja jo kurisi, > > > Tingga manulih nulih kwitasi, mahituang pitih indak baseri, tuak maisi > > pundi pundi, > > > Kok lai ado tagarak hati,itu mngkin satahun sakali,manyumbang ka > > nagari,katiko barami rami, untuak sakadar manaikkan gensi, itupun ba ikua jo > > batali, mintak toloang dipahami, kok tibo pamilihan nanti, jan lupo jo kami, > > pado urang lain di cari, rancak jo dunsanak sandiri, bak kuah talenggang ka > > nasi. Sadonyo kandak ka babari, tapi bajanji, insyaallah kok tapiliah sakali > > lai. > > > Baitulah kisah acok tajadi, dari sahari kasahari,abih tahun musim baganti, > > nan janji tatap di ingkari…………… > > > Itulah reality, usah lai organisasi,atau caraito nagari, dalam rumah tangga > > sandiri, antaro awak jo bini, banyak salisiah nan tajadi, ulah dek ego jo > > emosi, hak azazi emansipasi. Salah paham salah arti, awak pulang bini pai, > > dmintak susu nyo bari kopi,mintak makan nyo agiah roti, mintak donat nyo > > agiah ubi, ka bangih muluik takunci, dek maraso lah samo tinggi……… > > > Kamalai kito ka pai, lah hilang suluah panarangi, lah taban surau tampek > > mangaji,ulama sakik kiyai lah mati.. > > > Namun,pasan dibawah kok disigi,mudah2an manganduang arti, sakadar > > introspeksi, > > mamak2 nan ambo wakili, PASAN MAMAK VIII JUDUL BABARI, kok lai berkenan di > > hati,bukan manunjuak ma ajari,mohon maaf saribu kali…. > > > * * > > > * PASAN MAMAK VIII* > > > * > > * > > > Nan kanduang kamanakan mamak > > > Intan parmato ayah jo bundo > > > Lah panjang tutua dari mamak > > > Nan baranti alun juo > > > Lah panyakik di urang tuo > > > Nak baciloteh tiok hari > > > Nyinyia kato nan mudo > > > Rasokan di kamanakan nanti > > > Dek mamak rajin manyimak > > > Baco Koran,mandanga radio > > > Di TV jaleh tampak > > > Babagai bagai nan taraso > > > Mancaliak padusi ba unjuak raso > > > Bicaro hak azazi jo emansipasi > > > Kamanakan kok sato pulo > > > Itu nan cameh di mamak kini > > > Dek sabab karano itu > > > Ingin pulo mamak jalehkan > > > Itu karajo nan indak paralu > > > Adat awak lah ma ajakan > > > Nan disabuik hak azazi > > > Merdeka caro kasanyo > > > Ma atur diri sandiri > > > Babuek apo nan suko > > > Tapi indak sagampang itu > > > Kitokan hiduik jo lingkungan > > > Di awak lamak di urang katuju > > > Ba itu adat manjalehkan > > > Lamak di awak katuju di urang > > > Itu nan hiduik bamasyarakat > > > Kaputusan nan indak di awak surang > > > Tapi saiyo jo mupakat > > > Tapi kini nan mamak liek > > > Lah bak ayam baranak itiak > > > Lupo sangkak manampak tabek > > > Lah jarieh induak mancaliak > > > Kacak langan lah bak langan > > > Kacak batih lah bak batih > > > Lupo adab jo kasopanan > > > Baa tingkahnyo anak gadih > > > Kok iyo nak tagak samo tinggi > > > Duduak nyo nak samo randah > > > Tapi bukan di sagalo segi > > > Tapi babateh jo bapilah > > > Samo sajo pamatang jo sawah > > > Indak babateh jo bahinggo > > > Iko namonyo salah kaprah > > > Emansipasi bak kandiak buto > > > Kok sadonyo ka ba ukua ukua > > > Nak samo raso samo rato > > > Tantu ibarat karambia jo talua > > > Kamanakan juo ka taniayo > > > Ibarat antimun jo durian > > > Nak ma uji samo kareh > > > Panek mahinggo ma agak an > > > Lah jaleh sia nan tandeh > > > Tuhan lah jaleh manciptakan > > > Masiang masiang jo kodratnyo > > > Manga itu nan ka dilawan > > > Itu karajo mambuek doso > > > Sagalo kakok ka di awai > > > Sagalo karajo ka dicubo > > > Ujuang dapek pangka tagajai > > > Alamat karajo sio sio. > > > Kamanakan kanduang dek mamak > > > Cobolah hinok di manuangkan > > > Tutua mamak cubolah simak > > > Baa kodratnyo parampuan > > > Ibarat mangaji dari alif > > > Bak mahituang dari aso > > > Santano kamanakan bijak jo arif > > > Indak ka panjang tutua mamakko > > > Sasudah Adam diciptakan Tuhan > > > Barulah Hawa nan kaduo > > > Dari tulang rusuak babuek an > > > Baitu sara’ nan mangato > > > Di umua sajo lah jaleh kalah > > > Jo tanago apo lai > > > Santano indak amuah mangalah > > > Alamat ka cayie rang padusi > > > Buliah sajo baradu cadiak > > > Di ateh raso jo pareso > > > Tapi bukan bak cando kandiak > > > Luko mambabi buto. > > > Kini banyak nan mamak liek > > > Tingkah laku dijaman kini > > > Nak ma adu tulang lapan karek > > > Lupo kalau awak padusi > > > Kok ba tutua pantang kalah > > > Protes manjadi jadi > > > Lah maleh ma unyi rumah > > > Nak manjala satiok hari > > > Karajo laki nan bakakok > > > Tugeh awak batinggakan > > > Lah sanjo baru macogok > > > Anak lah urang ma abehkan > > > Pancarian laki untuak awak > > > Pancarian sandiri makan surang > > > Tangguangjawab ma ilak ilak > > > Bicaro hak kareh arang. > > > Iko di mamak nan mancameh > > > Mancaliak sarupo iko kini > > > Dek saba ado bateh > > > Raso nan buruak ka tajadi > > > Dek sabab karano itu > > > Bukak lah hati tanyo nurani > > > Tanyokan bana ka urang nan tau > > > Apo maknanyo emansipasi > > > Kok lai namuah kamanakan manyimak > > > Aturan adat kito di minang > > > Lah cukuik banyak nan mamihak > > > Mambagi indak samo gadang > > > Banyak contoh kok di baco > > > Adat bapihak ka parampuan > > > Diantaronyo harato bando > > > Tamasuak garih katurunan > > > Kok ka manggadai tigo syaratnyo > > > Salah satunyo untuak padusi > > > Kami hanyo tangguangjawabnyo sajo > > > Tapi ndak sato manikmati > > > Kadang bak abu ateh tunggua > > > Kok manjadi rang sumando > > > Kuduak sakik kaki malatua > > > Tapi ndak dapek bakuaso > > > Cubolah di inok di kiro kiro > > > Agak I dulu ka malangkah > > > Pakaikan raso jo pareso > > > Jan manabang baliak awah > > > Jan dijagokan ula lalok > > > Usah mancari ilik ilik > > > Salah awai salah kakok > > > Nak jan isuak jadi panyakik > > > *24012011.**y.jambak*** > > > (iko marupokan Pasan Mamak yg ke 8 dari 12 seri > > > yang baminat buliah.........).tks > > > -- > > . > > * Posting yg berasal dari Palanta RantauNet, dipublikasikan di tempat lain > > wajib mencantumkan sumber: ~dari Palanta R@ntauNet > >http://groups.google.com/group/RantauNet/~ > > * Isi email, menjadi tanggung jawab pengirim email. > > =========================================================== > > UNTUK DIPERHATIKAN, melanggar akan dimoderasi: > > - DILARANG: > > 1. E-mail besar dari 200KB; > > 2. E-mail attachment, tawarkan di sini & kirim melalui jalur pribadi; > > 3. One Liner. > > - Anggota WAJIB mematuhi peraturan serta mengirim biodata! Lihat di: > >http://forum.rantaunet.org/showthread.php?tid=1 > > - Tulis Nama, Umur & Lokasi disetiap posting > > - Hapus footer & seluruh bagian tdk perlu dlm melakukan reply > > - Untuk topik/subjek baru buat email baru, tdk mereply email lama & > > mengganti subjeknya. > > =========================================================== > > Berhenti, bergabung kembali, mengubah konfigurasi/setting keanggotaan di: > >http://groups.google.com/group/RantauNet/ > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
