Assalamu'alaikum warrahmatullahhiwabarakaatu. Dunsanak sapalanta nan ambo hormati............!
Bacarito tantang singkek manyingkek Baiak dalam manulih surek Atau dalam mangecek Sato pulo ambo saketek Walau agak talambek Kok lai bisa manyalek Indak bana dapek ciek Kok lai dapek sakarek Kalau ambo bapandapek Paliang tidak ado ampek Nan paralu kito ingek Dalam hal pendek mamendek Nan partamu danga kecek Kaduo caliak tampek Katigo nan tasurek Ka ampek nan tasirek Katiko mandanga kecek Mungkin ingin nak capek: dek talambek, kabarangkek,ka mamanjek,kamalompek,dek mancorek,sadang manyurek,sadang manyontek,sadang mangegek.sadang ma angkek, sadang mangarek. Atau mungkin salah samek,diberangi dek ranggaek,dek etek,dek nenek,batangka jo anak ketek,sadang panek,sadang angek,sadang tasumbek,sadang sandek,sadang sasek,sadang kanai upek,sadang bokek, sadang barubek, Atau jo paja ketek,mangecek singkek2,kadang bagulambek,e2,te2,ne2,me2,be2,pe2, Atau sadang mandapek ,sadang kontek,sadang malakek, sadang marapek,sadang manetek (ambiak niro),atau sadang tagalenjek ,dek kanai sangek, kanai api angek,sadang tajungkek,sadang tagolek, sadang tasalek, Nan kaduo caliak tampek, Mungkin sadang rapek,sadang basasak padek. Nan katigo caliak Nan “tasurek”: Baiak nan dalam surek,dek karateh saketek(ketek),tulisan harus singkek tapi padek, atau tulisan manyalek,dek sasek,robek,takalipek harus pakai fax. Nan katigo nan tasirek,Bak pasan ranggaek,caliak nan tasurek,pandang nan tasirek. Jadi kasimpulan pendek: kito acok terjebak dengan pola pikia sendiri,dan men just pulo isi kapalo urang sasuai jo apo nan kito pikia tanpa mamikiakan apo nan tapikia dek urang. Jadi sabananyo tagantuang dari kito ma aratikan maksud urang tu,yang tantunyo ndak jauah dari konteks. Kalau kito ka mamakaikan EYD (Yus badudu) Bahasa Indonesia yang benar. Tantunyo lah banyak bana kasalahan nan tasuo. Komunikasi nan baiak tantunyo adolah saliang mamahami maksud masing masing dengan mancaliak *SI*tuasi *KON*disi *TOL*eransi dlm jangko nan *PANJANG.* Alun bakilek lah bakalam Bulang lah sangkap tigo puluah Alun diliek lah tamakan Raso lah tibo dalam tubuah. Caliak kapalo pandangi ikua Baru tau sabatang tubuah Ulah dek mato jo talingo Kito ko acok takicuah Didalam tulisan acok bana kito tamukan tulisan: a.l. ,dll.tks,trims,d.a.up.cq. dst………………….Ass.Wr.Br ,Ass …………………… Wss. Saw,Yth,YME.co.ltd dan puluhan gelar. Banyak pulo bahaso awak dengan tulisan nan samo manganduang arati nan banyak tagantuang dari intonasi penyampaianyo. Contoh: Tabuang, bisa aratinyo bejana,bisa juo tabu ang, atau bisa juo tacampak. Kalau pamahaman awak surang nan dipakai bakomunikasi jo urang, alamat ka batangka taruih jadinyo, apolai kok bakomunikasi jo urang gagu atau bisu. Taruih tarang sajo ambo ndak mangarati mukasuik nan sabananyo dengan tulisan Pliss nan ditulih ajo Duta , apo aratinyo tu? Iko manuruik pandapek ambo nan fakir, mhon maaf kasadonyo,tarimo kasih Wassalamualaikum warahmatullahhiwabarakaatu. Y.Jambak. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
