Assalamu'alaikum. w.w. Dunsanak kasadonyo. Mak Ngah batanyo urusan makhluk gaib ko. Iyo barek tanyo mak Ngah. Dek karano nan tau persis urusan nan ghaib ko Allah swt. sajonyo. Ka awak saketek bana pengetahuan nan diagiahkan.
"Huwal laaHul ladzii, laa ilaHaa illa Huwa, 'aalimul ghaibi wasy syahadaH, Huwar rahmaanur rahiiim". "Dia lah Alaah yang, tiada Tuhan kecuali Dia, yang mengetahui perkara yang ghaib dan yang nyata". (al -ayah). Dulu mak Ngah, rasonyo lah ado awak bicarakan hal-hal nan ghaib ko sangenek, di file lamo rantaunet dalam "Alam Roh". Bisa kito caliak beko baliak, dan ambo lah lupo pulo baa bahasan tu. Nan kini kito cubo kaji dari mulo baliak. Dulu, dulu, katiko alun baralun mak Ngah. Katiko alun ado manusia ko lai do, Allah swt. sudah menciptakan Malaikat, tantu jo alam malakut. Bara dimensinyo kito ndak tau, ... itu mangko ghaib disabuik. Nan mukasuik ghaib ko mak Ngah, indak nampak dek awak manusia ko. Salain malaikat, jin jo Setan, banyak makhluk lain nan ghaib. Contohnyo dalam surah At-Thariq. "Was samaa-i wat thaariq" Demi langit dan at-thaariq, "Wa maa adraqamath thaariq". Tahukah engkau apa itu at-thaariq ?. Dulu para ilmuwan manakok, bintang "Siriyu" nan putiah. Akhir-akhir ko lah basirobok pulo nan labiah gadang dari itu, namonyo "Antarest", dakek jo namo At-Thariiq. (Ado gambarnyo jo ambo, kok nio mak Ngah ambo kirimkan). Iko makhluk ghaib dek karano indak nampak dek awak. Alun nan lain-lain lai, tu makonyo katiko I'tidal sudah rukuak awak mambaco. "Rabbanaa wa lakal hamdu, mil ussamaa waati, wa mil ul- ardhi, wa min uma syi'-ta, min syai-im ba'du". "Wahai Tuhan-kami, sungguh kepunyaan-Mu lah segala puji, dari segenap langit, dan dari segenap bumi, dan dari apa-apa yang Engkau kehendaki sesudah itu". ... dari apa-apa yang Engkau kehendaki sesudah itu tu, alam ghaib tu mak Ngah. Dima ujuang Ruang Angkasa (Space) ko ndak tau awak tu do, galaxy maa nan paliang akhir, iyo awak indak tau doh, ghaib tu. Allah swt. nan tau, tu mako disabuik, dan dari apa-apa yang Engkau kehendaki sesudah itu, bintang Siriyu ko lah, Antarest tu ko lah, atau apo sajo nan dikehendaki dek Allah swt., tibo di awak ghaib. Dan kalau taraso dek awak katiko itu bara ketek, sagaleme, sebutir, secuil diri awak katiko tu, dibandiangkan jo alam semesta ko se, ingin sujuik tu mak Ngah, tu mako rukun sudah tu sujuik. "Maha Suci Tuhan yang Maha Tinggi dan segala puji-Nya". Tu, alun bicara soal dimensi lai mak Ngah, bahaso manusia ko 4 dimensi, bahaso jin, punyo dimensi velocity (kecepatan), nan labiah kancang dari manusia sahinggo indak nampak, dimensi Malaikat nan sayoknyo bisa menutup seluruh ufuk katiko di liek dek Nabi saw. "Wa laqad ra-aHu bil ufuqil mubiin". Dan sesungguhnya Muhammad itu melihat Jibril di ufuk yang terang. (QS:81:23) Alun dimensi kecepatan bergerak dari Sidhratil Muntaha ke bumi, mangaja Nabi Ibrahim as. nan diloncek-an ka dalam api dek centeng-centeng Namruz. Dan indak takaja dek lawehnyo alam ko, hanyo bisa bado'a ka Allah swt., Lalu Allah swt. menyuruh api tu dingin, ghaib ko, baa mako dingin ?, ado lo api dingin ?, sia-sia nan baraja ilmu Thermodinamika tau tu, eh..ado api dingin. Tambah paniang mak Ngah dek ciloteh ambo ko, rancak kito paketek "Sukop" kito, supayo bisa mangaja "Sibigau" nan mak Ngah sabuik-sabuik tun. Kito baliak baliak, jadi sabalun manusia alah ado nan namonyo malaikat. Tu bilo jin jo setan ko ?. "Wa maa khalaqtul jinna wal insaa, illa liya'buduni". Dan tidak kami ciptakan jin dan manusia, kecuali (hanya) untuk menyembah-Ku". caliak mak Ngah urutannyo, jin dulu baru manusia. Eh, katiko Adam diciptakan dari segumpal tanah (At-Thuraab), nan ado malaikat se nyo ?. Jin kama ?. Di siko sabananyo kehebatan skenario dari Yang Maha Pencipta Skenario. Sabalun Adam, sadonyo disabuik malaikat, di alam malakut. Dan banyak baribu-ribu, cuma nan diagiah kaba ka awak, sapuluah se nyo. (Apo namonyo samo sekian malaikat, indak tau, ghaib). Tambah jo malaikat Rahmat, dan babarapo nan ambo indak apa namonyo. Dalam satu riwayat ado pulo tasabuik, malaikat gunuang. Tu makonyo katiko ado nan berseloroh, manuruik hadits kalau ada anjing di rumah, maka malaikat tidak akan masuk. Lalu anjing itu siapa yang cabut nyawa ya ?. Jaweknyo mak Ngah, Yang tidak masuk adalah malaikat rahmat, tapi malaikat el-maut indak dapek ditahan dek patuang jo anjiang bagai doh. Tibo masonyo nyo cabuik angok tu. Jan cubo-cubo. Nah, nan malaikat ko dulu, bukan diciptakan dari yang sejenis. Ado nan dari cahaya, dan ado pulo nan dari api. Mungkin ampiang samo lai, tapi babeda arti dan mukasuik tu. Nan dari cahaya, sami'na wa ata'na, indak ado malawan di nyo tu doh, batanyo lai tapi indak malawan. Nan dari api ko, ruponyo ado buruak Sirah api tu dinyo, kok ndak sasuai, malawan. Katiko dikecekkan dek Allah swt. "Inni jaa'ilun fil ardhi khaliifah" ado pertanyaan, "Kenapa Engklau ciptakan orang-orang yang akan membuat kerusakan dan menumpahkan darah di muka bumi, sementara kami senatiasa bertasbih memuji Engkau dan mensucikan Engkau" (QS:2:30) tapi alun malawan lai. Sadonyo masih patuah. Tapi sasudah disuruah sujuik. "Sujudlah kamu kepada Adam," (QS:2:34) Nan baparangai api tadi timbua sombong. Jadi sombong ko sipaik api, makonyo urang nan ado kesombongan sebutir di hatinyo indak masuak sarugo. Dek sombong mako indak namuah sujuik. Malawan ka Tuhan Allah swt. "maka sujudlah mereka kecuali Iblis; ia enggan dan takabur dan adalah ia termasuk golongan orang-orang yang kafir."(QS:2:34) Kok dihilangkan dek Allah swt. katiko tu juo, bisa tu. Lenyap langsuang, tapi Allah sungguh punya rencana yang matang. "Innallaaha khairul maakirin". Sesungguh Allah adalah sebaik-baik perencana". Nan malawan ko diagiah ukatu sampai hari kiamat, manggoda manusia. Ujuangnyo baru diazab. Nah, nan malawan ko lah nan disabuik Iblis, dan baru dikecekkan bahaso mereka indak samo jo malaikat, mereka adolah golongan jin. (QS:18:50) Nan Iblis ko mak Ngah, ketua nan malawan tu banamo "Azazil". Cuma jumlahnyo ndak tau do bara. Baranak pinak. Jin nan lain baranak pinak pulo. Jin ado nan mati, ado nan indak, Iblis ko bitu pulo, tapi nan banamo Azazil iduik sampai hari kiamaik. Dalam hadits dicaritokan katiko basuo jo Nabi saw., Azazil ko lah gaek bana. ndeeh... .... panjang lai ko mak Ngah... tapi dek lah panjang pulo, beko bosan... .... ari lah malam pulo, lah pukua 3:10 di siko ... mungkin 3:10 sore di tapi ombak nan badabua tu... ... bisuak kito sambuang... Wassalam St. Sinaro -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
