Waalaikumsalam w.w Pada saat baru tibo di rantau ko, ambo batanyo ka anak nan baru masuk sekolah menengah disiko. "Lai ado urang manyontek disikolah?". Lai lah yah, tapi indak bajamaah bantuak diawak.
Bak kato pak Sutan Sinaro, disiko murik bisa komplain ka guru kalau pelajaran talalu sarik.., tapi bagi nan amuah lari kancang bisa lo mamilih jalur nan tersedia.. Tiap negara bagian lainlo caronyo sebagai gambaran untuk studi banding para yang suka jalan2 SMA disiko 4 tahun, sadonyo naik indak ado acara tingga kelas..tapi kelasnya berbeda, yang membedakan adalah jenis mata pelajaran (kurikulum) yang di-ikuti atau yang dipilih -Kelas 1 sampai 4 dengan kurikulum yang memerlukan bantuan bahasa (bahasa inggris) naik semua - Kelas 1 sampai 4 akademik, dengan kurikulum biasa (naik semua) - Kelas 1 sampai 4 pre AP dengan kurikulum pre-Advanced Placement , kalau tidak mampu turun ke kelas biasa - Kelas 1 sampai 4 AP dengan kurikulum Advanced Placement , kalau tidak mampu turun ke pre atau kelas dan alun tadanga nan turun lai kecek anak ambo Nah kalau lah di universitas barulah basitungkin plus biaya nan indak tanggung2, contohnyo kalah masuak rice university disiko, selain nilai SAT yang terpenuhi, fulus harus lo kuat, tiok tahun bisa kalauik BMW ciek untuk biaya. Apo lai urang asing batambah lo fulusnyo anak kenek ambo baru tibo masuk ke kelas akademik, lepas satu semester, dianjurkan oleh konselornya unntuk mengambil AP, tapi si anak karena orang indonesia datang dari sekolah pinggiran kota jakarta dan ndak pernah dapek juara kurang percaya diri, memilih pre AP saja, semester berikutnya kembali dianjurkan sang guru untuk mengambil kurikulum AP. dan akhirnya dia setuju. Akibatnya, awak pulang jam 11 malam dari katua inyo masih basitungkin jo buku. Jam ampek pagi lah heboh didapua inyo mambuek kopi. Kama dibawo jalan jalan ndaklapeh novel novel barek (english zaman saisuak) nan wajib baca dari sikolahnyo. Kalau lah bantuak ko awak lo nan cameh, lah acok bantanyo are you ok?. Untuak mambalance jo bamain, yolah baagiah sajo apo permainan atau extra kurikulum nan diminta nyo .. walau lah batambah acok pulo mangecekan. slow down.. tak lari gunung dikejar. Wassalam Zulkarnain Kahar ________________________________ From: Sutan Sinaro <stsin...@yahoo.com> To: rantaunet@googlegroups.com Sent: Thu, June 16, 2011 12:02:21 PM Subject: Sistem Pendidikan Re: [R@ntau-Net] Manyontek Masal di Surabaya Assalamu'alaikum. w.w. Sanak JP jo dunsanak kasadonyo. (baco elok-elok tulisan ambo ko, supayo ndak salah tafsir). Kalau ambo manilai, sebagai urang tuo yo, sakali lai sebagai "urang tuo", nan salah adolah sistem pendidikan awak. Kemudian, kesombongan para menteri nan manjadi menteri pendidikan. Eh baa dek bitu ?, Iko lah salah satu kejahilan nan diturunkan dek pemerintahan Soeharto. Satiok menteri ingin mancaliakkan ka Soeharto apo karajo nyo nan boneh, supayo sakali periode lai bisa ta-angkek baliak, sahinggo maubah-ubah sistem dengan mudah dilakukan dan dibia-kan dek Soeharto. Mohon maaf aa, urang gaek ko lah mati, tapi itulah kenyataan. Satiok tuka menteri, tuka peraturan, alun jaleh lai peraturan tu elok atau indak. Tiok taun tuka buku, sahinggo buku indak bisa diwariskan, samantaro rakyaik mularaik. Kok bacamin kito ka negara maju takah Japang. Indak sumbarang buliah manuka sistem nan lah ado do. Kok kadituka juo, kecek kasa nyo takah iko, "Kok iyo santiang sistem ang nan baru tu, cubo ang buktian dulu, ang cubo di ciek lokasi, agak sataun, kalau iyo tabukti beko, aa buliah..., so desu" (lai indak pakai "bagero" doh he he he.) Jadi indak sumbarang manuka sistem nan lah ado doh. Balain bana jo nan diawak. Tipak di ambo JP aa,... soal sombong jo bangga diri, kecek sia ambo ndak bisa ?, ambo juara dari kelas satu SD sampai kelas tigo SMA, indak pernah nan indak naiak pentas tiok tarimo rapor do. Juara umum SD ijazah paliang tinggi, juara umum SMP ijazah paliang tinggi. Juara tigo umum SMA, dan sakolah ambo nan top-top se di Padang. Masuak ka PT nomor satu pulo di Indonesia. Tapi sombong ko indak buliah, talarang dalam agamo. "walaa tamsyii fil ardhi mar rahaa,..." Janganlah kamu berjalan di muka bumi dengan sombong. (al ayah). Nan buliah sombong ko, Allah swt. sen, "Sombong itu adalah pakaian-Ku" firman Allah dalam hadits Qudsi. "Dan tidak masuk sorga salah seorang diantara kamu, jika ada sebutir kesombongan di hatinya" (al-hadits). Dan itu kan ambo, anak ambo baa ?.... tibo di anak ?... ndak saroman. Samo jo hidayah......., "Dan kamu tidak akan dapat memberi petunjuk kepada orang yang engkau cintai sekalipun, tetapi Allah memberi petunjuk kepada orang yang dikehendaki-Nya, dan Allah lebih mengetahui orang-orang yang mau menerima petunjuk" (QS:28:56) ....nan namonyo pintar, arif, bijaksana .... indak bisa diwariskan. Walau apak jo induak pintar, tibo di anak alun tantu lai, ado kawan ambo nan takah itu. Apak Master, amak Doktor, anak.... masuak PT kelas bawah juo. Amak doktor, apak professor, eh, anak sipenmaru se ndak luluih. Sebagai urang gaek, tantu ingin pulo anaknyo maju. Tapi sistem lah dituka dek pemerintah. Sia nan indak luluih SD atau SMP atau SMA, indak buliah duduak di kelas tigo lai, hanyo bisa dapek ijazah kalau ikuik ujian ekstra. Dan kabanyo urang luluih ujian ekstra ko, susah lo masuak sekolah negeri. Kan barek tu. Sataun tu kama lo anak ko kadisuruahan ?. Les Privat ...pitih, masuak swasta...pitih, itupun mintak ijazah. Kok lai pandai anak, urang gaek bisa sombong takah nan mangadukan ka polisi tu, kok indak ?... kok palai lo anak ko ?... Raso ka didabiah nyo tiok ado ujian akhir SD, SMP, SMA tu tu mah. Tantu mancari sagalo caro baa anak ko ka luluih. Manga diterapkan sistem sarupo itu ????. Di Malaysia memang ado ujian UPSR nomonyo sudah SD, PMR sudah SMP, SPM sudah SMA. Tapi dari SD sampai SMA ndak adoh acara tingga kelas doh. Samo jo di Japang (mungkin iko nan disabuik beka PM Mahathir Muhammad "Pandang ke Timur"). Kalau di Japang JP, kok masuak awak ka gedung SD (Sho Gak Koo), di gerbang nyo tu tatulih : "Yoku Asobu,.. Yoku Manabu", gadang-gadang (iyo dalam kanji). aratinyo, bermainlah dengan baik, dan belajarlah dengan baik. ... nampak kan ?, bamain dulu, baru baraja... kan aneh ?. Beko, lah ka masuak PT sajo baru agak ketat, dek ado ujian saringan masuak, tapi indak sabarek di awak doh. Tapi hasilnyo sungguh mencengangkan, dan sistem tu bajalan walau sekian puluah menteri pendidikan lah batuka. Di urang Japang malah buliah, "benkyo ga kirai desu", mukasuiknyo, sorang anak buliah mengecekkan "benci belajar". Kok di awak, kan nan ka indak-indak se do tu. Kanai lambuik anak kok mangecek takah itu. Tapi baitu mereka. Apo nan jadi pemikiran mereka ?. Dek mereka, utak manusia ko indak bisa di ukua katiko SD sajo, SMP sajo atau SMA sajo doh. (Iko tabukti di kawan ambo nan nakal, nomor pincik ka naiak kelas 3 SMA, nomor di bawah nyo tingga kelas 2, tapi luluih di IPB Bogor, tantu sajo setelah kesadaran tibo di inyo dan basitungkin manuruikkan ambo sataun) Toh Einstein, bukan anak nan pintar katiko SD, malah dikabakan agak "bele" saketek, De Gaule, bukan pandai di SD. tapi mereka, bisa jadi ilmuwan dan tokoh terkemuka di dunia. Aaa.... manga di kito dipakai sistem nan mandabiah dari ketek tu ?. Tantu barubah perilaku urang, tamasuak urang gaek. Beko lah bicara segala godaan, TV, game, internet,... caliak sistem awak dulu, baru disalahan urang. Anggota DPR lai rami-rami study banding ka lua nagari, sampai ibu-ibu pejabat bagai, apo nan dipelajari mereka ?. Ndak kacaia juo nagari ko..?? Inok ranuangi lah nan dari ambo ko, bilo paralu kecek kan ka menteri pendidikan. ... aii... maaf, ko bukan marabo ko JP ...he he he he... iko sekedar .... bak kecek ambo ka pak Saaf, iko sebutir dari pemikiran anak Indonesia nan malang. Wassalam St. Sinaro --- On Thu, 16/6/11, jupardi andi <jupardi...@yahoo.com> wrote: From: jupardi andi <jupardi...@yahoo.com> >Subject: [R@ntau-Net] Manyontek Masal di Surabaya >To: "rantaunet rantaunet" <rantaunet@googlegroups.com> >Received: Thursday, 16 June, 2011, 7:17 AM > > >Dunsanak palanta > >Ambo mambaco status wall FB Ronald Chandra tentang amnyontek masal anak2 >sekolah >di Surabaya, antahlah iko saketek potret caruik maruik dunia Pendidikan kito >di >jaman kemajuan IT ko, baa pengalaman sanak2 jo anak2 nyo nan masih sakolah di >pendidikan dasar (SD-SMA) kalau pengalaman ambo sebagai urang tuo > >Ambo dulu lah baa ambo sekolah di pendidikan dasar dulu > >Kalau manyontek tu katiko ujian memang ambo pernah tapi ambo manyontek indak >bantuak anak nan ongok raya bana nan indak tahu jo Alif sagadang tonggak >maksud >ambo > >Katiko ambo Ujian dulu di SMA nan lah gak barek pelajarannyo tarutamo di IPA >(Matematika, Fisika dan Kimia) secaro prinsip ambo lai mengusai ilmu ko dengan >nilai nan lai lumayan, baa "manyontek" ambo, jujur ambo sampaikan ambo katiko >ujian tu memang saketek uring2an dan kalimpasiang katiko suatu perhitungan nan >ambo tahu nan bisa ambo karajokan dengan segala rumus nan lah ambo kuasai tapi >ambo lupo nilai sebuah koefesian atau unsur satua Zat bara massanyo (mambuek >mentok perhitungan) yo batanyo atau "manyontek" ambo ka kawan subalah dan >mambana misalnyo bara berat masa Unsur Sulfur (belerang), nah biasonyo lai >diagiah tahu kawan, katiko lah tahu massa dari Sulfur tu atau koeefesian tetap >dari sebuah rumus mako sagalo perhitungan jadi lancar dan ambo bisa >manyalasaikan perhitungan tu, bukan ambo manyontek abis dari A sampai Z suatu >peretongan tu, baitu juo wakatu kuliah ambo dulu sabana sarik dan stres ambo >kalau lah ujian apolai maso Tingkat Persiapan Bersama (TPB) nan paralu >standarisasi dulu mauji anak2 diseluruh Nusantara nan masuak IPB, dapek >celurit >madura alias C sajo ambo dulu lah sanang hati, sabana padiah mandapek B, ndak >heran lai darin 1.500 Urang TPB satiok tahunnyo di IPB dulu 300 Urang lansuang >DO dek karehnyo standarisasi pelajaran di bidang IPA katiko tu, anak2 nan DO >lansuang ko IP nyo dibawah 1.5 *standar 4,0), ambo lolos di TPB dengan nilai >pas2an sajo 2 koma sekian, sabana sujuik syukur ambo dulu, maso2 TPB sangai >menguras utak dan penuh tekanan dek mandanga 300 Urang tiok tahun DO > >Tibo dek anak ambo > >Yo ambo pasakan bana katalingonyo, jaan sakali-kali manyontek, ambo kecekan >papa >bangga walau dapek nilai 6 atatu 7 kalau itu hasil pencarian sorang indak >manyontek (tantu carito ambo diateh ambo caritokan lo ka anak ambo) soalnyo >kalau manyontek ko akan babahayo sakali walau di rapor atau hasil ulangan >rancak >dek manyontek sejatinyo anak kito tu indak bisa apo2 dalam memahami sebuah >ilmu >dan alun lai hal2 negatif dampak dari manyontek ko mambuek inyo indak jujur ka >dirinyo sorang dan lain sebagainyo, ambo jarang maaja-ajakan anak mato >pelajaran SMA Fak IPA (bukannyo apo2 lah lelet ndak tahu bana lai ambo jo >ulemu >SMA nan sakiro dulu ambo lai kuasai he he he) tapi ambo hanyo memberi arahan >secara philosopi ilmu sajo tentang sebuah ilmu pasti dan cara2 >berlogika,artinyo >jaan talalu tapaku mahapa rumus2 di pelajaran IPA (Matematika, Fisika dan >Kimia) >tapi liek "main stream" dari sagalo rumus2 biasonyo saliang kaik-bakaik jiko >di >turunkan maupun jiko di integralkan lalu apo nan ditanyo (satuan akhirnyo), >kalau lai bantuak iko anak awak mempelajari ulemu disikolah insya Allah >utaknyo >berkembang, punyo nalar dan logika nan rancak dengan catatan sakali-kali jaan >manyontek katiko ujian (kecuali "manyontek" ala Papa kecek ambo ka anak ambo) > >Ambo sabana heran mancaliak anak2 kini nan terlalu gaul, terlena jo mainan >gadget2 nan canggih2 sarato di manjo jo sagalo kemewahan fasilitas dek urang >tuonyo (kalau lai utak santiang tanpa manyontek baa lai lah jamannyo lo anak2 >kini manjo takah itu dek lai urang tuonyo kayo balindak) > >Itu saketek sekedar carito palapeh panek-panek santai2 iduik mambujang disiko > >Salam-Jepe -- . -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
