Assalamu'alaikum. w.w. Mak Ngah jo dunsanak kasadonyo. Kito sambuang carito kapatang,....
Jadi Iblis ko tamasuak dalam golongan Jin. Lalu jin ko baa ?, dari buku dialog manusia dengan jin, ruponyo jin ko samo jo manusia, ado masyarakat ado pemimpin. Kalau baitu ado pulo risalah untuak mereka ?, ado. Risalah untuak mereka samo jo manusia, akan tetapi tidak diturunkan nabi dari golongan jin. Lalu ?. Di dunia, jin ko ghaib bagi awak, artinyo indak nampak dek awak, tapi mereka manampak awak, isuak di akhirat tabaliak, awak nampak mereka, mereka ndak nampak awak. Dek karano nyo manampak manusia mako risalah yang mereka ikuti adolah risalah para nabi dari golongan manusia. Aa bukti ?, kito liek dalam surek Al-jinn (72), contoh da'wah Nabi Muhammad saw sampai kapado jin ko. "Qul uhiya ilayya annaHus tama'a nafarum minal jinni faqaalu inna sami'naa Qur-aanan 'jabaa" Katakanlah (hai Muhammad): "Telah diwahyukan kepadamu bahwasanya: telah mendengarkan sekumpulan jin (akan Al Qur'an), lalu mereka berkata: Sesungguhnya kami telah mendengarkan Al Qur'an yang mena'jubkan". (QS:72:1) Samo jo manusia, golongan jin ko ado yang beriman, ado yang indak. Nanma-nanma nan beriman, mereka akan ikuik risalah para nabi. Bagi nan indak, mereka ingkar atau kafir. Nah, di siko basuo yang mak Ngah sabuik-sabuik, mulai dari kuntilanak, hawa, langsuir, sampai ka Sibigau tu. Mereka adolah golongan jin. Jin-jin yang ingkar ko akan mengikuti langkah-langkah iblis dalam manyasekkan manusia. مِّنَ الْجِنِّ فَزَادُوهُمْ رَهَقاً Dan bahwasanya ada beberapa orang laki-laki di antara manusia meminta perlindungan kepada beberapa laki-laki di antara jin, maka jin-jin itu menambah bagi mereka dosa dan kesalahan. (QS:72:6) Mereka-mereka ko lah nan acok tasuo dek manusia karano memang tujuannyo manyasekkan manusia, sarupo manusia manyasekkan manusia pulo. Dari tadi nan disabuik jin, iblis (ubilih, ibilih), setan ma ?. Setan ko ado dua macam, ado nan dari golongan jin dan ado golongan manusia. "Dan demikianlah Kami jadikan bagi tiap-tiap nabi itu musuh, yaitu syaitan-syaitan (dari jenis) manusia dan (dan jenis) jin, sebahagian mereka membisikkan kepada sebahagian yang lain perkataan-perkataan yang indah-indah untuk menipu (manusia)..." (QS:6:112) Setan dari golongan manusia ko tantu sajo nampak, tapi bisa disabuik setan salamo karajonyo manyasekkan manusia. Babarapo ayat dalam Qur-an manyabuikkan setan- setan jenis manusia ko. Jadi ndak salah kalau urang-urang Yahudi nan bakarajo manyasekkan manusia dalam buku tu (Dajjal dan Simbol Setan) disabuik Setan. Iko ndak kito bahas kini, kito bahas di thread nan lain. Setan-setan dari golongan jin dimulai dari Azazil tadi, yakni Ubilih nan malawan perintah Allah untuak sujuik ka nabi Adam as. Urang bunian tu apo pulo ?. Urang bunian tu adolah masyarakat jin. Ado nan beriman (Islam) ado pulo nan kafir. Kuntilanak atau Pontianak kecek rang Malaysia, itu juo dari golongan jin. Sibigau, Genderuwo kecek rang Jawa, langsuir kasadonyo tu adolah golongan jin. Palasik kuduang tu apo pulo ?. Palasik kuduang tu, urang-urang nan bakarajo samo jo jin. Kabanyonyo kapalonyo bisa tabang kama-kama, itu adolah mamakai pertolongan jin. Urang-urang takah iko sarupo nan disabuik Qur-an tadi, adolah sasek, dek menghamba ka jin. Ado pulo urang nan basuo jo urang mati tu baa caritonyo ?. Diantaro manusia ko, ado nan diagiah dek Allah kemampuan maliek jin ko, tapi kebanyakan indak. Urang-urang nan basuo jo urang mati tu, sabananyo bukan jo urang tu basuo tapi jo jin nan sarupo jo urang tu. Eh baa lo tu ?. Manusia ko kalau lah mati, roh tu masuak ka alam barzah, indak bisa baliak lai, dan indak ka basuo dek manusia. Cuma, satiok manusia dilahirkan, akan lahia pulo jin nan sabantuak jo urang tu (kabanyo sabalah badan sarupo, sabalah lai bantuak jin), nan disabuik "Karin". Jadi tiok urang ko ado kambanyo dalam bentuk jin nan disabuik karin tadi. Karin ko, parangainyo tagantuang urang tu. Kalau buruak parangai nyo, buruak lo parangai Karin tu. Kalau bitu Nabi Muhammad ado lo jin Karin nyo tu ?. Iyo, tapi kecek nabi saw, jin Karin nyo tu patuah jo inyo, dan manuruik seluruh risalahnyo. Jadi kok ado urang nan basuo jo urang mati, aratinyo basuo jo karin urang tu. .... Ok, singan iko dulu... Wassalam St. Sinaro -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
