GURINDAM IBO BUEK TEKAWE NAN ALAH DI SARUGO
Karano sampai Minggu sore ko Alun mancogok lai buatan Si Yanto Ambo cibolah manyalek sibisanyo Untuak mamuehkan kandak Pak Saaf kito Samanjak marebaknyo kaba barito Surang TKW dipancuang kapalo Karano qishash ajaran ugamo Banyaklah opini kalua sambia manjua namo Kalau sajo sanak sudaro Nan bakomentar di koran, TV, internet atau radio Namuah mambaco dan tau asa usuanyo Tantu bakurang fitnah ka tibo Nan dijalankan hukum pancuang kapalo Dek pamarintah KSA nan dikapaloi rajo Adolah bardasarkan ajaran ugamo Tatulih dalam Al Quran sacaro nyato Kalau hukum negara itu pulo Nan awak komentari mambabi buto Baa kalamak dek awak surang sajo Samo sajo aratinyo awak tu gilo Nan dijalankan dek Arab nangko Adolah syariat islam bagi pamaluaknyo Bukan KUHP nan manyimplak dari Bulando Bukan pulo hukum buatan manusia biaso Pabanyaklah di diri awak raso picayo Bahaso hukum dari langik nan manimpo TKW asa Bekasi Sabtu kapatang ko Adolah susuai jo firman Nan Maha Kuaso Kalau hukum Al Qur'an sanak pahino Atau tapangaruah dek opini cilako Nan batopeng jo HAM, bak katonyo Alah samo pulo awak tu jo sontoloyo Tahukah Sanak a nan manjadi cito-cito Konspirasi Yahudi diateh dunia ko Untuak mangikih abih paham ugamo Buek umaik Islam nan samakin picayo? Opini dunia alah dikuasoinyo Koran, TV dan alam maya wanyo punyo Sacaro sistemik inyo buek skenario Saakan ajaran AQ tu indak baguno Kalau sanak baliak ka ajaran ugamo Anggaplah TKW tu khilaf & tapaso Kamudian didakwa "mambunuah" majikannyo. Dan, hukum qishash jatuah panabuih doso Mako sabananyo di mato Nan Kuaso TKW asal Bekasi tu langsuang ka sarugo Sagalo derita hiduik salamo ko Insya Allah indak ado lai manimpo kapalo Kalau sajo awak cadiak mambaco skenario Nan dirancang "musuah Islam" sacaro rahasio Indak paralu bana jadi silang sangketo Ateh "kamatian" TKW Dusnanak kito Baiaklah untuk hari-2 di muko Kito paelok sajo tata hukum di nagari ko Nan jaleh-2 salah tetap dipinjaro Nan korupsi capek diproses pulo Ijan dibuek juo standard duo Nan salamo ko balaku di nagari kito Kalau nan salah kalompok ambo Hanyo dibarantikan kamudian dibiakan pai bak katonyo Kalau rayaik badarai dan mantiko Misalnyo mancilok coklat paisi puro Sarupo nan tajadi alun lai lamo Wanyo dihukum anam bulan pinjaro Tapi kalau kalompok awak nan mantiko Capek disuruah pai ka nagari Cino Indak usah pulang untuak samantaro Sampai rayaik nagari ko manjadi lupo Baliak ka TKW nan alah hilang nyawo Karano dituduah mambunuah Bundo Ambiak selah kasus nan tajadi ko Sabagai pangajaran untuk hari di muko Bajanajilah pamarintah nan hari ko bakuaso Untuak managakkan hukum di ateh sagalo-galonyo Nan salah siapun urangnyo Harus dihukum sasuai pasal-2 nan ado Kamudian sangko di muko Hantikanlah mangirim budak ka mano sajo Pabanyaklah lapangan karajo Buek gabah rayaiak samakin marano Kalau sajo pitih rayaik nan masuak kaceo Para koruptor basarato gengnyo Dapek dibaliakkan untuk kesejahteraan basamo Tantu indak ado TKW pai karano tapaso Cubo etong di Sanak memori ambo ko : Rp615 triliun pitih BLBI hilang dimakan Cino Rp300 trilun pajak dimakan patugeh jo konconyo Alun lai rekening gapuak jenderal kito Samantaro tu sawah jo ladang baganti rupo Manjadi Mall, Plaza atau Ruko Si Kayo Panduduak asli duduak di tapinyo Jadi satpam, koki atau panunggu toko Data mangatokan semester partamo ko 40 juta pangangguran mancari karajo 64% aset rayaik urang lua nan punyo 72% pertambangan dikuasoi kapitalis nan samo Makonyo sangko di muko Kalau awak nio salamaik hiduik basamo Marilah kito saliang bakonco Babuek baiak saliang mancinto Kalau nampak ado Dunsanak nan bedo Capeklah sampaikan sacaro baengko Ijan malah dipadia-an wanyo Sampai taparosok masauak hotel pordeo. Mudah-2an gurindam si m.m ko Dapek mamuehkan raso auih Dunsanakmbo Nan tampaknyo alah panek maadu isi kapalo Soal TKW nan alah ka mati juo. Maaf sabaleh jo kapalo Buek Dunsanak basarato Bundo Ateh kalancangan ambo bagurindam paco-paco Untuak mahibur komunitas r@ntau-net ko. *** mm *** Lk-2, >50th, Bks From:Dr Saafroedin Bahar <[email protected]> To: "[email protected]." <[email protected].>; "Jambak, Yanto" <[email protected]> Cc: Suryadi <[email protected]>; "ko, andi" <[email protected]>; "SYARIEF, Syamsir" <[email protected]>; "Lani, Ambiar" <[email protected]> Sent: Sun, June 26, 2011 5:54:22 AM Subject: [R@ntau-Net] OOT: gurindam utk para TKW/PRT yg terpaksa membunuh majikannya karena tidak tahan lagi disiksa. Assalamualaikum ww Sanak Yanto dan para sanak sapalanta, Sambia basyukur indak ado padusi Minang nan jadi TKW/PRT di Arab Saudi, namun rasonyo sebagai urang Indonesia kito paralu manampakkan solidaritas taradok sasamo warganegara Indonesia nan dizalimi dek majikannyo baitu rupo sahinggo indak ado jalan lain nan nampak dek inyo salain mambunuah. Sabagai tambahan, anak bungsu ambo batanyo apo majikan Arab nan mambunuah TKW/PRT lai di-qishash pulo ? Lai bisa Sanak Yanto mambuek gurindam solidaritas taradok TKW/PRT nan dizalimi tu, nan hampia indak dilinduangi dek Pamarentah kito tu ? Talabiah dahulu tarimo kasih banyak. Wassalam, Saafroedin Bahar. Taqdir di tangan Allah swt, nasib di tangan kita. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
