Assalamualaikum ww Sanak Chairul dan para sanak sapalanta, Walau thread Sanak ditujukan ka pak Darul, mungkin ado juo rancaknyo ambo sato manjawab apo nan Sanak tanyokan, karano kabatulan ambo sato sacaro aktif dalam Gebu Minang sajak jolong. Macam ko caritonyo. 1) Sagalo sumbangan Rp. 1.000,- utk pembangunan Sumatera Barat melalui Gebu Minang ditaruihkan langsuang kapado BPR-BPR nan difasilitasi tagaknyo dek Gebu Minang. Jadi pitih tu indak balungguak di Gebu Minang doh. Untuak kaparaluan internal panguruih, dicari sumber lain, nan tantu sajo halal, antaro lain sumbangan/ badoncek. 2) Pernah administrasi Gebu Minang ko agak kacau, karano kantua pak Azwan Hamir di Jl Gunung Sahari, Jakarta - nan mambantu administrasi - tapanggang. Sabagian dokumen musnah, untuang ado copynyo di anggota pengurus nan lain, sahinggo bisa dirapikan baliak. 3). Ambo kenal jo sabagian gadang panguruih Gebu Minang sajak jolong, dan Alhamdulillah indak ado surang juo nan tipe NH doh. 4). Pengelolaan keuangan dilakukan dek YAYASAN Gebu Minang sebagai badan hukum tersendiri, bukan dek LEMBAGA Gebu Minang nan dipiliah dan dibantuak dek Mubes. Dalam tiok kali Mubes, Yayasan ko manyampaikan laporan keuangan ka Mubes, nan alah diaudit dek akuntan publik. Ketua Yayasan ko kini Bp Ir Azwar Anas Dt Rajo Suleman. 5) Khusus mengenai dana nan dikirimkan ka Gebu Minang sabalun iko dari sanak kito di Papua, tolong langkoki ambo jo data ttg ka sia dikirim, bilo dikirim, bara nan dikirim, kalau mungkin ado fotokopinyo. Akan ambo sampaikan ka Bendahara Yayasan Gebu Minang utk dicheck. 6) Indak ado saham Gebu Minang doh karano Gebu Minang bukan perseoran terbatas (PT). Nan ado adolah saham tiok-tiok PT BPR tu surang-surang nan ado di bawah pengawasan Rapat Umum Pemegang Saham (RUPS). 7). Sekedar tambahan, karano Gebu Minang ko adolah organisasi idealis dari para sukarelawan ( indak ado anggaran dan indak bagaji), nan bapaduli thd Sumatera Barat, kegiatannyo yo manuruik tasadionyo wakatu luang masing-masing panguruih. Biasonyo nan bisa aktif tiok wakatu adolah antaro 10-15 urang sajo. Kagiatan maningkek sabalun dan salamo Mubes. 8). Ciri khas Gebu Minang nan mambedakannyo jo IKM-IKM adolah sifatnyo nan lintas-nagari. Jadi indak tabateh pado para sanak dari satu daerah sajo, karano tu mungkin labiah tapek manangani bidang sosial budaya. Memang itu nan diputuihkan dalam Mubes III th 2001, wakatu mamiliah pak Fasli Jalal sbg ketua umum, dilanjuikkan dek kapangurusan masa bhakti 2005-2010 di bawah pimpinan pak Asril Tanjung. 9). Dlm Mubes V nan kadatang, SC di bawah pak Amri Aziz merencanakan membahas reposisi Gebu Minang utk manjawab perkembangan zaman. Apolagi dlm SKM GM Desember 2010 nan lalu alah disepakati visi Gebu Minang ttg ABS SBK, dan bukunyo alah salasai dicetak dan ditayangka di internet dalam bantuak e-book dek website pakguruonline. Sagitu nan dapek dek ambo. Talabiah takurang mohon maaf. Wassalam,
-------Original Email------- Subject :Re: [R@ntau-Net] Gebu Minang Perlu Direstorasi. >From :mailto:[email protected] Date :Fri Jul 01 16:34:24 Asia/Bangkok 2011 Mak Patiah, Tanyo wak ciek ka Mak Patiah, nan GEBU MINANG ko kan lai indak co PSSI dengan NH nyo KAN???? Apo paralu lo Turun CANDO FIFA menyelasaikan kemelut nyo dengan KN??? Kalau ambo sajak GM ko badiri nan ambo jo urang rantau di Papua ukatu tu, sasuai program GM tu, lah manyetor pulo Rp. 1.000 per urang per bulan, kecek nyo kalau lah sampai Rp. 10.000,- dapek ciek SAHAM GEBU MINANG Nan jadi tando tanyo dek ambo jo urang nan rantau Papua sampai kini dima tasangkuik nyo tu SAHAM GM tu????? Indak pernah ado penjelasan apopun dari PENGURUS GM ka kami dirantau ukatu tu???? atau ado penjelasan tapi indak sampai di kami???? Dari siko lah matah se etongan kami, sakik paruik deknyo Maaf kok ado nan tagisia dek naik talendo dek turun CDRSampono/Tangsel/62+senek Saafroedin Bahar Taqdir di tangan Allah, nasib di tangan kita. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
