Manolah dinda Yanto nan jauah dimato Ciek nan indak jaleh diambo Apo arti "manembak diateh kudo"
2011/7/1 yanto jambak <[email protected]>: > MANJAGOKAN " ULA LALOK " > > Assalamualaikum .wr.br > > Ajo Duta jo Bung Junaidi > Tigo jo Mmk Parapatiah > Tatumbuak tanyo ka badan diri > Nak mintak barito nan sahiah > > Umua di badan nan batanyokan > Jo kampuang asa ambo bari > Lahia di tahun limo lapan > Etan di lereang gunuang Marapi > > Bak pameo di minangkabau > Kok dicaliak di hituang umua > Tuo alun mudo talampau > Bak cando pinang sirah ikua > > Lahia di Canduang Koto laweh > Dulu didalam Ampek Angkek > Kini basibak lah babateh > Kacamatan lah bakarek > > Bagala yan -Majo Basa > Gala pusako urang Jambak > Tujuah ampek tamat sikola > Ka jawa badan tacampak > > Ilmu kurang sikola tangguang > Kamalah kakok ka di adok an > Daripado ditangkok binguang > Di cubo jadi nelayan > > Babilang musim badan di lauik > Bakawan badai jo galombang > Dek balayie bapantang suruik > Lah sasek sampai ka japang > > Bakanti nipon jo korea > Urang nan tangkeh jo galombang > Maharungi lautan samudera > Sabalun hasie bapantang pulang > > Karajo mancari ikan > Mamapeh jo manjalo > Malam bakawan bintang jo bulan > Siang bapaluah mangureh tanago > > Parasaian indak disabuik > Laku ikan indak dibaco > Badan lah rintang jo papeh kusuik > Dek ulah tuna jo gambolo > > Lah pucek bacamin ayie > Kadang tajalo lubuak baransang > Pitih umpan alun tabayie > Sewo kapa lah dimintak urang > > Duo baleh taun kalamonyo > Dimabuak angan tiok hari > Sasuai umua jo tanago > Patah tumbuah hilang baganti > > Sambilan baleh lapan lapan > Sasuai parintah induak samang > Badan di angkek di duduak kan > Dimasuakkan namo ka buku gadang > > Ikolah garih jo suratan > Tingga di badan mansyukuri > Umua panjang rasaki ba agak an > Itu pameonyo pagawai negri > > Bakisa duduak bapindah tagak > Namun di lapiak sa hamparan > Dari lauik turun ka tambak > Di Sekolah Tinggi Perikanan > > Maklumlah hiduik pagawai > Bak cando basalimuik handuak > Ditutuik di bawah, di ateh tagajai > Tapaso mam bungkuak bungkuak > > Panambah nambah bali maco > Pamasiah pasiah an lidah > Baciloteh di radio > Sambia bagurau jo bagarah > > Katiko dulu masih dikapa > Acok mambaco rajin manyimak > Dek cinto ka adat jo budaya > Baru iko hasianyo tampak > > Ibarat ta minum ayie lauik > Makin di minum makin jadi > Bak mangarek tali tagayuik > Makin di karek makin tinggi > > Samakin banyak di katahui > Samakin taraso andia badan > Itu tajadi di badan diri > Taraso banyak kakurangan > > Dek sabab karano itu > Sato bagabuang di palanta > Dunsanak kasadonyo ka jadi guru > Ambo muridnyo sadang baraja > > Acok mandanga sambia manyimak > Mambaco lingkungan sakuliliang > Bakomentar indak doh banyak > Tapi talingo tatap mangupiang > > Mangamehi ciek ciek > Mamilihi nan taserak > Di badan itu nan dapek > Karano ilmu di urang banyak > > Sambie manyalam minum ayie > Baraja sambia bagurau > Jo ansua hutang di bayie > Dek cinto ka ranah Minangkabau > > Dima sajo bumi dipijak > Disinan langik kito jujuang > Tantu bukan alasan nan bijak > Untuak kito lupo jo kampuang > > Adat awak di kundang pai > Kok sara' lakek di tubuah > Walau ka tingga di lua bumi > Dipakai bapantang lusuah > > Buliah mambebek di kandang kambiang > Mangaum di kandang harimau > Nak jan kito di anggap asiang > Duduak jo tagak urang ndak hirau > > Tapi jan lah marubah bantuak > Jadi harimau jo kambiang pulo > Kana asa nan sa isuak > Kito lah nyato balain bangso > > Putiah kapekh dapek di liek > Putiah hati baka adaan > Di lahie kito buliah basilek > Di bathin tagakan kabasaran > > Basilang kayu ditungku > Disinan api mangko ka hiduik > Walau dilahie ma adu tinju > Di bathin tatap arek bapaguik > > Kok tagangnyo ma leo leo > Kanduanyo badantiang dantiang > Kareh amuah di bao ba iyo > Kok lunak..pantang bapaliang > > Buliah sajo tagak bapindah > Taragak duduak nak bakisa > Asa ditanah nan sabingkah > Asa di lapiak nan tahampa > > Tapi kini kok dicaliak > Bak ganangan lapeh panyumbek > Bak cando ayam baranak itiak > Lupo induak mancaliak tabek > > Kok lai bana nan piduli > Tapi ba udang di baliak batu > Di lua licin bak kwini > Di dalam bak ambacang basimpulu > > Papek di lua pancuang di dalam > Talunjuak luruih kalingkiang bakaik > Manuhuak di nan kalam > Manyalingkik di nan sampik > > Kok di caliak pamimpin awak > Dibaco parangai nan buruak > Di dulukan salangkah nyo manyipak > Dibalakang awak nyo tanduak > > Di agiah amanat bakhianat > Di bari janji nyo ingkari > mangaku jadi wakia rakyat > Tapi jo awak ndak piduli > > Janji dahulu batapati > Kato kudian kato bacari > Itu nan indak ado kini > Makonyo banyak masuak bui > > Kini tingga dek kito > Pangalaman nan buruak kito ambiak > Usah tadayo jo bantuak rupo > Nan rancak alun tantu baiak > > Usah tarayu jo janji banyak > Usah tadayo muluik manihnyo > Bia satitiak tapi biyak > Pado saboto ruoknyo sajo > > Cupak panuah gantang balanjuang > Nyampang basuo saliter indak > Usah salahkan sarueh batuang > Kito manggantang nan kurang bijak > > Walau bak nangko nagari kini > Usah lupokan adat budaya > Kok nyampang salah guru mangaji > Jan sampai surek kito baka > > Santiang indak cadiak pun bukan > Ilmu di Tuhan talataknyo > Bukan manunjuak ma ajakan > Tapi kaganti ba iyo batido > > Salah cotok kok malatiang > Salah awai kok mahampeh > Ampun maaf salam mairiang > Upek caci usah di lapeh > > 01072011 Y.Jambak. > > > > -- > . > * Posting yg berasal dari Palanta RantauNet, dipublikasikan di tempat lain > wajib mencantumkan sumber: ~dari Palanta R@ntauNet > http://groups.google.com/group/RantauNet/~ > * Isi email, menjadi tanggung jawab pengirim email. > =========================================================== > UNTUK DIPERHATIKAN, melanggar akan dimoderasi: > - DILARANG: > 1. E-mail besar dari 200KB; > 2. E-mail attachment, tawarkan di sini & kirim melalui jalur pribadi; > 3. One Liner. > - Anggota WAJIB mematuhi peraturan serta mengirim biodata! Lihat di: > http://forum.rantaunet.org/showthread.php?tid=1 > - Tulis Nama, Umur & Lokasi disetiap posting > - Hapus footer & seluruh bagian tdk perlu dlm melakukan reply > - Untuk topik/subjek baru buat email baru, tdk mereply email lama & > mengganti subjeknya. > =========================================================== > Berhenti, bergabung kembali, mengubah konfigurasi/setting keanggotaan di: > http://groups.google.com/group/RantauNet/ > -- Wassalaamu'alaikum Dutamardin Umar (aka. Ajo Duta), gelar Bagindo, suku Mandahiliang, lahir 17 Agustus 1947. di Nagari Gasan Gadang, Kab. Pariaman. rantau: Deli dan Jakarta, kini Sterling, Virginia-USA ------------------------------------------------------------ "Kepedulian terhadap ranah Minang adalah salah satu misi RantauNet. Yayasan Palanta RantauNet (YPRN) dimaksudkan untuk menyalurkan kepedulian itu. Salurkan zakat, infaq dan sadaqah sanak antaranya melalui YPRN, rekening No. 0221919932 Bank BNI" -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
