“MANEMBAK DI ATEH KUDO”
Dunsanak palanta nan basamo Sasuai judul isi carito Manembak di ateh kudo Bung Duta nan batanyo Kalau manuruik pandapek ambo Iko karajo cowboy jo jenggo Manjarek kijang jo ruso Kadang mamakai tali lasso Cadiak dalam bakarajo Pandai mahemat tanago Saketek modal banyak untuangnyo Awak buliah urang nan seso Kok di buka isi tambo Sajak di jaman cindumato Sampai ka jaman apollo Nan iko lah ado juo Di zaman japang jo bulando Di Zaman Tuangku Imam Bonjo Baiak di adat jo agamo Nan urang ko lah lamo sato Masuak ka zaman Sukarno Taruih ka orde Suharto Sampai ka Bambang Yudoyono Samakin banyak kito basuo Dima sajo kampuang jo koto Dari hulu sampai muaro Bak kuciang ayie jo buayo Susah di tangguak jo di jalo Banyak contoh ka tambiahnyo Banyak ibarat jo umpamo Nan intinyo parangai cilako Halal ditumpahkan darahnyo Mamapeh dalam balango Mangaruak dalam puro Mancilok isi kaceo Ma ambiak untuang di ateh sansaro Diterminal manjadi calo Baiak kapa atau jo oto Sadonyo urang kababao Tapi nan inyo haram kok sato Jadi makelar kato rang siko Pokok duo katokan limo Untuang ciek keceknyo saparo Urang barugi awak balabo Di tanah abang atau di toko Tukang kantau tu namonyo Modal hanyo suaro Mato nyalang nyariang talingo Bakadai indak manyewo Manggaleh indak barupo Bialah urang modal nan punyo Awak ba untuang lipek duo Urang lain nan babalanjo Inyo nan kareh ma ago Urang nan punyo toko Inyo nan sibuk manjojo Kadang ma rayu ma ibo ibo Bakatokan badan lah ta aniayo Dangki jo iri nan babaco Isi paruik panuah jo duto Dalam sagalo ba usaho Di satiok lapangan karajo Dalam politik ba bangso Disabuik juo pa ambiak muko Urang lah jariah manaruko Manabeh rumpuik jo banto Ma usia panyakik jo hamo Lah panen awak kamuko Muluiknyo bak induak gulo Galak nyo manih bak niro Hati asam bak cuko Niat hanyo nak mancido Ba*basi* lai ndak ba *baso* *Basi** *engak *basi *bego *Bas*i pakak *basi *bodo Kok luponyo *basi *ngajo Bijak tingga cadiak babao Bijak sini ndak bijaksano Kecek asa mangango Masa bodo urang ka luko……. Yanto Jambak nan bacarito Sambia baciloteh di radio Bulan tujuah tanggal duo Jam tigo lewat limo. 02072011.Y.Jambak -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
