Sanak Palanta Sakatiko mandarek di Hang Nadim, yo taniek me netralkan kembali lidah nan alah dikacau dek seni kuliner ala hotel, barat antah timur pun bukan, bagalau se. Diayun langkah ka pasa sayua, dilayangkan pandangan suok kida, kok ado nan ka mauruik lidah nan rangkik-rangkik. Eh batamu jo pusako rimbo, Honje kato urang Kincuang caro awak. Diambiak bungo kincuang duo buah, langkok jo teri sa ons, sato pulo cindawan jirami duo bungkuih. Sasudah kincuang di cacah, di kinca jo lado merah, bajatuahkan daun salam jo daun limau. Ndak lamo api bamain, mulai bakapusuang baun kincuang, nan kuahnyo mulai babuiah, diserakkan ikan teri Medan tu. Sagalagak duo galagak, diseraikan pulo cindawan jirami, putiah lambuik di siram ambun pagi, di bao kabuik gunuang marapi. Ondehhh sanak, indak saba nasi di piriang.
Kok sanak sadang patah salero, cubolah sambaladi kincuang, kok dapek sanak, disaik patai mudo agak sa papan, dijatuahkan pulo ka pariuak tanah tampek kincuang dibuek, kalau indak ado patai, buliahlah dikawinkan jo jariang tuo. Onnndehhhhh, ambo jamin bapilin suok deknyo. Mungkin indak tahimbau mintuo makan bagai doh. Sakitu dulu sambalado kincuang Salam andiko -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
