Al Haj Dutamardin Nan Ambo Horomaik-i (NAH),
Sarato saluruah Sanak Sudaro komunitas r@ntau-net nan saakidah dan (insya
Allah) sacito-cito.
Sabana sadiah dan manggaritih ambo mambaco kiriman nan Ajo Duta via milis RN
ko, padohal baru sajo ambo sabalunnyo mambaco pakiriman dari Dinda Yuhefizar
tantang korban dari "mandi balimau nan tampaknyo masih juo dikarajokan sabagian
urang awak, dan pamarintah satampaik masih juo mampadiakan demi kelestarian
event pariwisata sarato demi HAM (kantuik...!!!!) nan salalu dikamukokan kaum
sekuler basarato kelompok JIL di Nusantara ko.
Padohal ambo tahu bana, kutiko ambo rinuak di Bukiktinggi dulu, nan partamo
kali mambuek karupauk dari gabelo (singkong) ko adolah Dunsanak kito nan barasa
dari Sanjai (desa ketek) nan sakitar 5 KM dari Jamgadang Bukiktinggi. Uni Jus,
Uni Roih, Amai Piah (nan jadi tetangga di sakitar rumah komplek Depsos Sanjai
tampaik kami tingga) satiok hari mambuek karupuak sanjai nantun jo kuali
gadang, dan dibaok ka Pasaateh untuak dijua ka paminat (umumnya urang lua
Darek) nan mambali sabagai "buah tangan" dari Bukiktinggi.
Pokoknyo era tahun 50-an s/d tahun 80-an, karupuak sanjai adolah maskot dari
"buah tangan" Kota Jamgadang.
Era ambo masih rinuak manuju remaja tu, buliah dikatokan : alun datang ka
Bukiktinggi lai namonyo sabalun "turih lokal" nantun indak mambaok kupuak
sanjai untuk dibagi-bagi ka dunsanaknyo di kampuang tampek wanyo baliak.
Sahinggo mitos nan bakambang biak ukatu tu, dari Darek "buah tangan" nan tanamo
adolah katupuak sanjai jo karupuak karak-kaliang ("karupuak angko lapan"); dari
Pikumbuah galamai jo batiah, dari Padang bingkuang, dari Padangpanjang --bako
dari Amak (mother) ambo : Haji Hasan Datuak Bungsu, asli urang Padangpanjang--
adolah pargedel jaguang, dan dari Piaman adolah sala laukbusuak.
Kamudian....., proses evolusi ---nan indak dapek ditulak dek urang minang---
tajadi satiok datiak. Samantaro ambo marantau dibaok urang gaek (nan pulisi) ka
Jakarta (1970), dan ambo masuak es-el-a di Jakarta, tajadi pulo proses
modernisasi di Minangkabau.
Surang katurunan Cino (tapi dibuliahkan dek undang-undang mangaku "urang
minang" karano induak ayahnyo lahie dan gadang di Padang, dan wanyo lahie,
sikola, gadang, balaki dan baranak pinak di Padang pulo) mamulai usahonyo jo
mamoles karupuak sanjai asli "hak paten' (tando kutib dari ambo;....===>mm)
urang Sanjai di Bukiktinggi, manjadi karupuak lado.
Kalau Dunsanak kito di Sanjai ukatu tu mambuek karupuak sanjai dari gabelo nan
diirih tipih-tipih babantuak sagi ampek, mako Si Kristin (Christine Hakim)
basarato kawan-kawannyo sapacokian di Kampuangcino (Jl.Niaga) Padang, mambuek
tampilan baru. Kalau karupuak sanjai buatan urang sanjai Bukiktinggi bantuaknyo
sagi ampek atau persegi panjang, mako karupuak ubi nan dibuek urang cino di
Kampuangcino Padang potongannyo panjang-panjang, dan nan sabana barubah :
karupuak dari gabelo tu alah wanyo agiah lado nan dicampua gulo.
Dan..............., karupuak sanjai madein Si Kristin dari Kampuangcino Padang
manjadi tenar ka lua kota dan saluruah Nusantara, karano ----kunci sukses
sebuah produks--- jaringan untuak mampopulerkan "kripik balado" nantun
dipunyoinyo. Saluruah warga turunan (Cino) nan mambukak usaho toko makanan/
oleh-oleh di lua Minangkabau salalu sato sakaki mampamerkan "kripik balado"
sarupo nan dibuek Si Kristin.
Mako karupuak sanjai di desa Sanjai Bukiktinggi nan dikelola sacarao alami,
tradisonal, dan mamakai "manajamen baa tibonyolah" lamo kalamoan sabana
dirasokan ditabeh dek kalihaian urang cino di Kampuangcino Padang tu. Namuah
indak namuah, Dunsanak kito di Sanjai nan ---sampai datiak ko--- masih
manggaleh di Pasa-ateh, Pasa-bawah, dan Pasa-aua di bawah payuang gadang khas
Bukiktinggi, mulai pulo maniru kurenah urang cino di Kampuangcino Padang.
Karupuak sanjai mulai pulo dilumari jo lado bacampua gulo. Gabelo nan
dikuduang/ diirih tipih, alah (tapaso pulo) diirih panjang saroman mode pesaing
dari Padang.
Dan............., parang "barata yudha" soal kripik balado (d/h karupuak
singkong balado, d/h karupuak sanjai) nan dimulai dek Si Kristin medio tahun
1980-an bakataruihan sampai hari kiamaik.
Ambo takana Si John Nisbich (1984) nan panah manulih esai panjang soalfutures &
forecast, nan tampaknyo alah tajadi hari ko : ...."dalam era globalisasi
nantik, hanyo urang nan cadiak mampagunokan puragaik pambantu di suok
kidanyolah nan ka salamaik......."!!!!
Tanyato......, anam puluah satu tahun samanjak karupuak sanjai "go publik" ka
konsumennyo di bumi Sanjai, Minangkabau, kiniko ---sarupo nan ditulih puragaik
pambantunho via internet/ blog di bawah ko-- karupuak sanjai indak lai manjadi
trade mark Dunsanak kito dari Sanjai Bukiktinggi. Tanyato Maicih (Amai Icih?,
Amak Si Icih...?) dari tanah Sunda alah mamproklamirkan produksinyo malalui
"hak paten".
Kabaa nyano awak?
Apokoh satalah nangko, karupuak sanjai (balado) dari Sanjai, Bukiktinggi atau
kripik balado dari Kampuangcino Padang ka pugaik dicido Makicih? Tantu ukatu
sajolah nan kamanjawaoknyo.
Usulan awak sabagai urang minang nan mampunyoi raso chauvinsisme
(positif..!!!...==>mm) tantu bapulang bailek ka ribuan "Si Padang" nan
cadiek-cadiek di ateh dunia ko.
Ambo pribadi manulih poin-poin saran sarupo ko:
1)-Kalau iyo di Minangkabau tu ado pamarintah nan mancintioi rayaiknyo,
mampunyoi program untuak maningkekan daya saing pengusaha ketek (UKM) di
Sanjai, alun talambek lai untuak babuek nyato.
2)-Untuak ganarasi mudo, nan cadiek-cadiak dan ---adokalonyo--- dapek dana
segar dari "jaringan LSM/NGO" lua nagari, buktikanlah niaik baiak adiak-adiak/
kamunakan untuak maningkekan "kualitas manusia" nan manggaleh karupuak sanjai
di Bukiktinggi. Aja dan latiah Amai basarato anak kamunakan wanyo cadiak
mampagunokan internet basarato puragaik multi media sakuliliangnyo.
Nah, sengan ko dulu pandapek si m.m sahabih sumbayang subuah di pagi Ramadhan
nan indah ko.
Labiah kurang, mohon dimaafkan.
"Majulah Minangkabau nan den cinto"!!!!!!!!!
Salam........................,
mm***
LAMPIRAN DARI ROUK NAN DIBUEK KAKI TANGAN MAICIH DI INTERNET :
............Cara pemasaran yang cukup unik ini terbukti mendongkrak nama Maicih
di
jagat twitter. Banyak yang penasaran seperti apa produk Maicih
gara-gara membaca kicauan pengguna Twitter yang bersliweran tiap saat. Dan
biasanya mereka yang sudah merasakan kripik setan Maicih pastinya
bakal tericih-icih alias kepedasan.
Dan puncak ketenaran Maicih adalah saat produk ini ikutan nangkring di
program Provocative Proaktif-nya @Pandji di Metro Tv. Produk ini
kemudian diburu. Dan jika sudah berhasil membeli, biasanya para Icihers
(sebutan bagi Icih lovers) bakal memajang foto bersama produk hasil
buruannya di twitter. Ada nuansa petualangan sepertinya ditawarkan oleh Maicih.
Kesuksesan Maicih selain dipasarkan dengan cara tak biasa, yakni
melalui jaringan twitter dan para jenderal, juga karena mengemas
produknya secara berbeda. Selama ini seingat saya belum pernah ada snack yang
menawarkan tingkat (level) kepedasan yang beragam seperti yang
ditawarkan Maicih.
Keberhasilan Maicih juga saya kira lantaran tim di balik layarnya
berhasil mengawinkan produk lokal yang jadul dengan unsur kekinian
(teknologi informasi, twitter). Mereka sukses mempraktekkan “think
locally act globally”. Berpikir produk lokal dengan cara global.
Setelah tenar dan membuat demam, konon produk Maicih kini mulai ditiru
para pesaingnya. Namun sejauh ini para follower Maicih belum
menggunakan cara pemasaran seperti yang digunakan Maicih di
twitter.....................................
________________________________
From: ajo duta <[email protected]>
To: [email protected]
Sent: Monday, August 1, 2011 6:33 AM
Subject: [R@ntau-Net] Karipik Balado Alah Diakui Urang Pulo
Assalaamu'alaikum sanak.
Salamaik bapuaso sanak,
Iko ado pulo nan maakui "kripik pedas" dari daerahnyo.
http://www.maicih.co.id
--
Wassalaamu'alaikum
Dutamardin Umar (aka. Ajo Duta),
gelar Bagindo, suku Mandahiliang,
lahir 17 Agustus 1947.
di Nagari Gasan Gadang, Kab. Pariaman.
rantau: Deli dan Jakarta, kini Sterling, Virginia-USA
------------------------------------------------------------
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
