Assalamu'alaikum wr wb, Indak ado mukasuik apo2 selain keingintahuan sajo nan nio babagi carito ateh topic ko,
Ambo santako sambia "manyilam minum aia" manalepon Papa manyanyoan kasus ko, sebab Papa saingek ambo naiak haji 2 tahun sasudah kudeta ko, kok ado caritonyo dek Papa. Kironyo ado bana Papa dapek carito satantangan peristiwa ko yaitu kawan kantua liau di Rumah Sakik bahaji pas di th kudeta ko dan mancaliak kajadian nan sahari tu. Berikut ambo cubo carito ulangkan sesuai jo paparan Papa. Nan nampak dek dek kawan Papa tu urang-urang nan sato kudeta tu sarupo urang Iran dan kebanyakan urang Iran ko adolah Syi'ah. Jamaah sadang rami di dalam Masjidil Haram ukatu tu. Nampak ado nan mausuang jenazah nak kadisambayangan. Kironyo itu hanyo kamuflase untuak mamasuakkan sinjato ka dalam Masjidil Haram. Nan sato kudeta tu banyak mungkin ratusan. Ado nan di lantai dasar ado nan di lantai ateh 2 jo 3. Datang tantara Saudi dari jalan jo oto, bitu mereka kalua oto langsuang ditembak dek tentara nan di lantai 2 jo 3 tadi. Banyak korban tantara dari tantara Saudi nan nampak baserak di jalan sekitar Musajik. Ampia satangah hari Masjidil Haram dapek dikuasai tantara pengkudeta tu. Tabarito waktu tu kalo mereka dari sebuah aliran nan ingin pulo manguasoi Masjidil Haram ko. Jadi indak Saudi sajo nan buliah manguasoi sebab Masjidil Haram kan punyo sadonyo umat Islam. (Papa lupo namo sebutan untuak aliran mereka tu). Jadi ukatu tu gentian mereka nan manguasoi Masjidil Haram laih. Indak lamo sudah tu tentara Saudi mangepung Masjidil Haram. Jamaah nan ka kalua Musajik dicheck surang-surang. Tapi kalo nan bakupiah beka (peci hitam ala Indonesia) langsuang disuruh kalua. Sehinggo kawan Papa waktu tu nan bakupiah beka pulo selamat langsuang disuruah kalua Musajik. Indak lamo sasudah itu, dimasuakkan aia ka dalam musajik sampai tarandam lantai dasar tu. Lalu disentrumlah aia tu sahinggo sia sajo nan barado di lantai satu tu mati tasentrum. Nan di lantai 2 jo 3 manyarah dan diadili. Banyak nan kanai pancuang sasudah tu. Ikolah versi dari carito Papa. Maaf pabilo ado nan jangga atau aneh Ambopun kini baru paham manga Papa salalu mamakai kupiah beka liau kamapun pai. Dari carito Mama nan manjapuik Papa pulang haji dulu tu, sadono jamaah mamakai kupiah putiah bulek atau kupiah Turki. Hanyo Papa se di Pelabuhan Tabiang Padang tu nan jamaah haji nan mamakai kupiah beka. Ambo raso hal ikolah nan manginspirasi Papa. Tersirat dari carito Papa barusan. Baso urang Indonesia di Makah sangaik dharagoi. Buktinyo kepercayaan ateh nan mamakai kupiah beka langsuang disuruah kalua musajik indak dipareso2 laih. Wassalam Rina, 33+, batam -----Original Message----- From: [email protected] [mailto:[email protected]] On Behalf Of andi ko Sent: Saturday, July 30, 2011 9:21 PM To: RantauNet Subject: [R@ntau-Net] Mekah 20 Sept 1979 Sanak palanta Tadi ukatu mailangkan suntuak di toko buku, ambo batamu jo buku bajudul "Kudeta Mekah Sejarah Yang Tak Terkuak". Buku ko mengulas pertempuran di Masjidil Haram pada tanggal 20 Sept 1979 yg tak pernah terkuak apo sabananyo nan tajadi. Seorang wartawan menelusuri peristiwa iko kemudian hari dan menyimpulkan bahwa peristiwa iko tidak sesederhana insiden kudeta lokal sajo, tapi akan bvertalian dengan peristiwa besar lain di dunia. Para pelaku peristiwa yg kemudian ditangkap, dihukum pancuang di beberapa kota di Arab Saudi sebagai peringatan kapado rakyat banyak. Nah kalau ado mamak nan punyo curito ttg iko atau barangkali ado di makah waktu itu, tentu akan menarik disampaikan utk sekedar palapeh akhir pekan. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
