Mak Chairul Djamal, pak Jepe, sanak Sidi Boby Lukman sarato angku, mamak, bundo jo adi dunsanak sapalanta nan ambo hormati,
Nan ambo pikiakan, ado 972 orang nan akan tibo dalam 1 titik di Taluak Bayua (paliang indak hinggo kini), dengan rincian Padang 285 org, Pariaman 45 org, Padangpanjang 35 org, Bukittinggi 246 org, Agam 155 org, Payakumbuh 64 org, Painan 25 org, Solok 37 org, Batusangkar 35 org. Kalau dipikia-pikia iko caro nan mudah mangumpuakan urang rantau dalam 1 titik sakali tabeh kasadonyo. Baa kok baitu? Mambuek halal bi halal tantu makan biaya pulo, nan iko alah takumpua tanpa repot pulo pemda provinsi jo kabupaten untuk mengumpuakannyo. Kok dek ambo, biro pemerintahan nagari jo kerjasama rantau baiak di pemrov jo pemkab bisa mambarikan gambaran terkini kondisi nagari dikampuang asa perantau-perantau nan ko. Tantunyo mandapekan data mantun indaklah sarik bana, sabab sipangka acara pulang basamo alah jaleh nan ma organisasinyo. Pemprov jo pemkab tingga mangambangkan lapiak sajo agak satangah hari di Taluak Bayua. Kok ditanyo mambuek karajo repot pulo pemprov jo pemkab ambo kiro indak pulo, sabab sambuah bus dinas nan dimiliki oleh instansi nan ado di provinsi jo kabupaten. Masalah BBM jo jariah si supir, indak ka lanteh angan bana urang perantau ka mintak perai. Ambo kiro, di bulan puaso nan panuah rahmah nan ko, elok kito batanang-tanang, ijan bingik pulo mancaliak urang sakampuang saranah minang pulang basamo jo kapal parang. Mak Chairul, takadang kurenah batiru jo kamanakan, dek batulih gadang-gadang pulo jo huruf kapital, sanak Bobby alah tabawo sato pulo. Ambo kiro taratik bamilist ado SOPnyo, insya Allah mamak indak pulo talupo, banyak maaf. Pak Jepe, nan di ambo kini, si biyai gaek Juve masih tapuruak juo. Mudah-mudahan musim nan baru ko bisa malambuang baliak.... :) wasalam AZ/lk/33th/caniago Padang ________________________________ Dari: "[email protected]" <[email protected]> Kepada: rantaunet rantaunet <[email protected]> Dikirim: Selasa, 23 Agustus 2011 9:44 Judul: Re: Bls: [R@ntau-Net] Mudik Lebaran Minta Disambut Gubernur Yo batua tu Armen "Sia awak ko" terkesan rada2 feodal Iko labiah kapado masalah kemanusiaan (humanish) dan hubungan silahturahhim antara pemimpin dgn rakyatnyo dan berjalan apa adanya saja serta wajar Seandainyo ambo gubernur Sumbar ambo akan japuik dan sadiokan waktu tagak dijanjang kapa tu manyalami sia nan dulu parantau mainjak bumi sajo ambo ajak stek staf ahli ambo dinda Rahyu he he he Ambo labiah maliek kesan secara psikologisnyo sajo "manyanangkan hati urang nan tibo dijapuik dek pemimpinnyo" Sekian dan terima kasih Wass-Jepe Powered by Telkomsel BlackBerry® -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
