Angku Riri, Angku Arfi, Niniak Mamak nan Gadang Basa Batuah, sarato Rang Lapau nan Basamo,
Ambo polos indak punyo kualifikasi di dalam adat dalam mangomentari masalah ko. Cuma macaliak pilihan kato "Pangulu" (dari Angku Riri), "Datuk/Penghulu" (dari Angku Arfi) tabayang di ambo dari sagi Bahaso mungkin ado persamaan atau perbedaan dalam peranan antaro kaduo kato tu. Mungkinkah nan "simbolik" dalam hal iko adolah pandangan terhadap Datuk dengan sagalo sarat-sarat upacara adat untuak mandirikannyo, managakkannyo. Sadangkan Pangulu atau Penghulu, peranan dan syarat-syaratnyo mungkin labih condong ka pandapek Angku Riri. Dalam pangalaman ambo maso ketek-ketek ado babarapo kawan-kawan dan kenalan ambo nan baimbauan "Datuak". Ado nan memang lah malalui acara atau seremoni pangangkatan Batagak Datuak. Tapi ado nan indak cuma baimbauan Datuak baitu sajo. Sahinggo acok tadanga ungkapan: "Datuak alah Pangulu alun". Pertengahan April 1985 sacaro incognito ambo manghadiri Upacara Baralek Batagak Datuak di Ampang Gadang, Ampek Angkek Bukittinggi. Wakatu itu 40 urang Datuak ditagakkan dalam upacara adat. Partamu kali Batagak Datuak sakali banyak dalam Sejarah Ampek Angkek. Incognito, karano lah lamo maninggakan kampuang, indak ado urang nan tahu jo ambo dalam upacara tu doh. Ambo kabatulan bakupiah beka datang jo BA-1 dari Tri Arga Bukittinggi dibawo Pak Gubernur (wakatu itu Uda Azwar Anas). Sabalun barangkek dari Tri Arga tapso talembek saketek karano ambo biaso indak bakupiah. "Pakai Kupiah lah Sir [imbauan akrab ka ambo, Sjamsir]", kecek Uni Jus Aswar, "Awak ka pai Baralek Datuak". Dicubo tigo Kupiah Beka nan disalangkan Pak Gubernur tanyato agak sampik, tapaso baliau suruah ajudan pai ka Tokoh Kupiah H. Syarbaini mambali kupiah No. 9 untuak ambo :). Rombongan didahului jo Jeep balampu merah dan kadang-kadang babunyi sarine pulo di muko. Ambo duduak sabalah supir, Pak Gubernur jo isteri baliau Uni Jus duduak baduo di bulakang. Rombongan Bupati Agam ado di bulakang kami. Wakatu sampai di Medan nan Bapaneh rombongan disambuik jo Silek Tari Galombang. Dalam upacara tu, ambo sempat bajalan lambek-lambek mamparatikan upacara agak mendetail. Wakatu ambo di bulakang podium, MC Uda Mansoer Thaib, nan lah lamo bana pulo indak basuo, mengenal ambo, batanyo babisiak agak tacangang, "Sjamsir goh yo?". Ambo jawab babisiak, "Iyo Uda." "Alhambdulillah," kecek baliau. Wakatu ambo bajalan lambek-lambek di daerah tampek Datuak-datuak tu duduak di kursi, salah saurang Datuak tu tagak dari kursinyo, basalam jo ambo. Sambia basalam, Angku Datuak ko babisia pulo ka ambo, "Sir -- [imbauan akrab ka ambo, Sjamsir]-- "Ko nan lah iyobana no go ha", sambia galak manih dan raso bahagia tabayang di wajahnyo. Ruponyo baliau ko adolah kawan arek ambo dari maso ketek, Azmi Zakaria, nan lah diimbauan Datuak sajak maso ketek, nan lah puluhan tahun pulo indak basuo. Ondeh, dengan balinang aia mato karano gembira, ambo ucapkan "Salamat, Mak Datuak!" Cuma duo urang tu nan menganal ambo pribadi dalam upacara tu. Dalam retrospektif, kini takana di ambo, ucapan angku Datuak kawan ambo ko, "Sir, Ko nan lah iyobana no go ha!", ambo ambiak poin sabagai baliau sadang malalui proses rite de passage untuak manjalanankan Peranan dan Tanggung Jawab sabagai Pangulu. Patang ko, awal 2011 ambo kabatulan basobok jo Datuak kawan ambo tu di dakek Surau Gonjong Pasa Bawah Bukittinggi; baliau indak pakai Saluak doh tapi pakai Kupiah Saroban Aji. Barangkuahan pulo lah kami di pasa rami tu, lah lamo indak basuo jo Datuak nan kini Bakupiah Haji. Salam, -- MakNgah Sjamsir Sjarif Di Tapi Riak nan Badabua Santa Cruz, California September 8, 2011 --- In [email protected], "Riri Mairizal Chaidir" <mairizalc@...> wrote: > > Sanak Arfi, > > Tarimokasi penjelasannya. > > Salamoko ambo polos2, sajo. Ambo pikia Pangulu itu selalu urang yang memenuhi > kriteria tertentu yang pokoknya tempat bertanya, mengayomi dst dst. > > Riri > > -----Original Message----- > From: Arfi Bambani <a_bambani@...> > Sender: [email protected] > Date: Thu, 8 Sep 2011 00:07:07 > To: [email protected]<[email protected]> > Reply-To: [email protected] > Subject: Re: [R@ntau-Net] Pangulu bisa SImbolis? > > Kebanyakan posisi Datuk/Penghulu kini simbolis, kalau menurut Ambo. Basis > material sebagai Datuk sudah banyak yang 'abih tandeh' yakni ulayat. Basis > ulayat ini mendasar bagi posisi seorang Datuk karena menyangkut hajat hidup > banyak anak-kamanakan. Tanpa ulayat, si Datuk semata mengandalkan karisma, > senioritas dan keilmuannya. > > > Bukan hanya Datuk yang sudah hilang ulayatnya, tapi juga sekarang banyak > Datuk yang tiba-tiba muncul karena punya uang untuk 'mambali' gelar. Ini > bukan rahasia umum lagi, banyak "Datuk jadi-jadian" tak bisa menjelaskan di > mana 'urek' jo 'pucuak'-nyo. Kalau di lauik, indak bisa manjalehkan dari ma > balahan kaumnyo. > > > Memang ado model 'simbolis' satu lagi di stelsel Koto-Piliang karena ada > semacam titah atau ditinggikan seranting (mendahulukan yang terdekat > kekerabatannya). Jadi, mau tak mau, jika Datuk terdahulu telah bertitah > penggantinya si A, meski si A baru berusia 10 tahun, itu bisa jadi Datuk. > > > Salam > > Arfi Bambani > Suku Tanjuang, Tiku > Bapanghulu ka Datuak Mangkuto Dirajo, Tiku. > > Stelsel Bodi Chaniago > > ________________________________ > From: andi ko <andi.ko.ko@...> > To: [email protected] > Sent: Thursday, September 8, 2011 1:48 PM > Subject: Re: [R@ntau-Net] Pangulu bisa SImbolis? [was: Re: Selamat Pengukuhan > Dedi Yusmen sebagai Datuk Rajo Pengulu Nan Tinggi] > > > Kalau Pak Riri ingin mendalami isu ko, memang ado fakta, literatur dan > jurisprudensi legalnyo. Iko salah satu konsekuensi dari stelsel hukum > Kalarasan Koto Piliang. Kalau stelsel hukum nagari itu Bodi Caniago, itu lain > lagi. Tapi yang dimaksud dgn "simbolis" yang pak Riri maksudkan itu ambo agak > ragu menanggapi, karena bisa jadi cara pandang terhadap simbolis itu berbeda > diantaro kito. > > Salam > > andiko > > > 2011/9/8 Riri Chaidir <mairizalc@...> > > Dunsanak Sadonyo, > > > >Jujur, ambo bukan "pemerhati" masalah iko. > > > >Tapi dari pertanyaan Jepe, Penjelasan Andiko, dan pertanyaan Ajo Duta > >dan jawaban da Taufiq di subject lain, tagarik pulo ambo nak ka > >batanyo. > > > >Nan ambo danga salamoko, kalau Pangulu itu fungsinya sangat vital > >(tanpa bermaksud membahas job-desc nya, yang ambo memang ndak tau). > > > >Nah, kalau memang fungsi Datuak itu bisa diserahkan ke Panungkek nya > >karena menunggu ybs dewasa, atau dek karano ybs tidak berdomisili di > >tempat "citizen"nya, apakah artinya jabatan Pangulu itu bisa berarti > >simbolis saja? > > > >Kalau di struktur pemerintahan, itu memang sering ambo danga, tapi > >kalau di struktur adat Minangkabau apakah memang demikian juga? > > > >Riri > >[sadang tabayang jo film Last Emperor] > > > >On Sep 7, 10:17 pm, andi ko <andi.ko...@...> wrote: > >> Biasonyo nan mode iko di agiah panungkek nan manjalankan hak serta > >> kewajiban baliau malakik bisa dibao sailia samudiak. Pangulu nan > >> dirantau juga sering diadakan panungkeknyo. Itu satu caro nan lazim di > >> kalarasan koto piliang karena karambia tumbuah di mato. > >> > >> Jadi jangan apriori dulu > >> > >> Salam > >> > >> Andiko > >> > >> On 9/7/11, jupardi...@... <jupardi...@...> wrote: > >> > >> > >> > He he he...ondeee > >> > >> > Dunianyo penghulu SMP ko yo masih sebatas bamain petasan baru atau > >> > bamain-main > >> > >> > Nan penghulu lain bakuhampeh baretong diateh balairuang nagari nan we e > >> > masih asyik juo maanjuangkan alang-alang ditangah sawah > >> > >> > Ado nan bisa manjalehkan baa kriteria penghulu dari segi umur, apo memang > >> > ndak ado batasannyo ? > >> > >> > Wass-Jepe -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
