--- Pada Sel, 13/9/11, azmi abu kasim azmi abu kasim <[email protected]> menulis:
Dari: azmi abu kasim azmi abu kasim <[email protected]> Judul: Bls: [R@ntau-Net] Ucapan Terimakasih Kepada: [email protected] Cc: "dedi yusmen" <[email protected]> Tanggal: Selasa, 13 September, 2011, 12:33 PM Assalamualikum w.w Kelapa Gading, 12 September 2011 Angku Dedi Yusman Dt.Rajo Panghulu Nan Tinggi Sarato Dunsanak di Palanta nan Ambo Hormati Menanggapi tulisan nan disampaikan oleh beliau angku Dedi Yusman Dt.Rajo Panghulu Nan Tinggi, nanlah taserak katangah-tangah, tatabua kanan rapek, tatumpah kapado kito nan basamo di majlis rantau net nangko. Ramo-ramo sikumbang jati, katik endah pulang bakudo, Patah tumbuah ilang baganti, pusako lamo baitu juo. Birik-birik tabang kasamak, Dari samak ka halaman, Patah sayok tabang baranti, Tasuo ditanah banto. Dari ninik turun kamamak, Dari mamak kakamanakan, Patah tumbuah hilang baganti, Pusako dibao dek nan mudo. Adat pulai bapangkek naik, maninggakan rueh dengan buku, Manusia bapangkek turun , maninggakan adaik jo pusako Ujuik kato buah rundingan, nyoto tawalak kaukuran, tabayang barih jo balabeh, bana bak andai kato bida, dek curing barih dahulu, dek adat pusako lamo, kalau basiang dinan tumbuah, joko manimbang dinan ado, tumbuah sarupo iko kini. Yolah Sehubungan dengan pengangkatan dan pelawaan beliau sebagai seorang niniak mamak nan bagala Dt.Rajo Panghulu Nan Tinggi. Kok kalawik pelang alah balayia, karantau kulansing alah dilapeh, kanagari seriah alah bajalan, kok adat alah di isi, limbago alah di tuang, lah takanak puntiang jo ambalau, iyolah dari suku Sikumbang Kanagarian Sianok Anam Suku enten di Luak Agam iyo di ranah Minangkabau. Kok batali alah buliah di irik kok batampuak alah buliah di jinjing, alah teserak kabumi alah tabayang kalangik, kok katehnyo alah taambung jantan, kok kabawah alah kakasiak bulan. Didahulukan salangkah ditinggikan saranting, kok kapai katampek batanyo, kok kapulang katampek babarito A, lah kiro-kiro nan manjadi buah panitahan atau tulisan dari baliau kapado kito majlis di rantaunet nangko, kok indak salah ambo manyimak: Nan partamu, adolah sebagai wujuik dari tando putiah hati. Kok putiah kapeh dapek diliek putiah hati tantu bakadaan, yolah “kok tibonyo tantu tampak muko, kok bajalan tantu tampak punggung”. Kalau dahulu atau sabalunnyo, beliau nan kito kenal adalah Dedi Yusman nan Bagala Endah. Kini beliau Dedi Yusman namo keteknyo, Panghulu Jabatannyo, Datuak Rajo Panghulu Nan Tinggi Gala pusako dari kaumnyo, niniak mamak kumpulannyo. Nan kaduo, adolah sebagai ucapan terima kasih kepada kito ateh “Ucapan Selamat Nan Alah Kito Sampaikan Kepada Beliau” Atas Pengangkatan Beliau Sebagai Penghulu Nan Bagala Datuak oleh kaum beliau, karena sejak palewaan beliau lah diketehui oleh masyarakat umum, baitu juo kito majlis di rantau net nangko. Elok nagari dek Panghulu, Rancak tapian dek nan mudo, Elok-elok memegang hulu, Pandai manjago punting jo mato Tagangnyo bajulai-julai Kanduanyo badanting-danting Hati lapang paham salasai, Cukuik syarat kato jo runding. Kito nan bukan cadiak pandai Ilemu di Tuhan tasimpannyo Kok kurang mari kito saling mambilai Tando panghulu saandiko Punting nan dari ampek angkek Dibao urang ka bandiangin Kok tibo ginjing nan jo upek Di sangko sitawa jo si dingin Upek nan mamaliharo, sanjung nan marusak. Dan selanjutnyo marilah kito badoa semoga Allah S.W.T akan memberikan kekuatan kesehatan kepada kita semua, dan meridhoi serta memudahakan semua urusan serta amanah yang telah diterima hendaknya,amin. Sakitu sajolah dari ambo, sebagai tando putiah hati, mohon maaf jikok ado nan kurang pado tampeknyo, dan terima kasih ateh sagalo perhatinnyo. Wasalam, Azmi Dt.Bagindo Sekum LAKM Jkt --- Pada Sen, 12/9/11, dedi yusmen <[email protected]> menulis: Dari: dedi yusmen <[email protected]> Judul: [R@ntau-Net] Ucapan Terimakasih Kepada: "[email protected]" <[email protected]> Tanggal: Senin, 12 September, 2011, 3:01 PM Assalamualaikum wr. Wb. Niniak Mamak, Cadiak Pandai, sarato Alim Ulamo. Indak lupo Bundo Kanduang sarato Rang Mudo nan capek kaki ringan tangan, di salingka duduak Palanta RantauNet. Ka pai tampek batanyo ka pulang tampek babarito. Sabalun balanjuik tutua kalimaik ambo nangko. Mohon ditarimo ucapan tarimokasih ambo kahadapan Mamak, Etek, Apak, Ibu, Uda, Uni sarato Dunsanak, Tuan Jo Puan sapalingkaran Rantau Net, atas ucapan Selamat pada Pengangkatan dan Pengukuhan diri ambo sabagai pangulu Suku Sikumbang, di Kanagarian Sianok Anam Suku, Agam, 3 September 2011 lalu, Saririang pado itu, Sambah kapado Allah sajo kito paruntuakkan, barangkai kato ambo sampaikan ka bakeh Tuan Jo Puan. Dunsanak, Tuan sarato Puan rang palanta RantauNet, ketek indak baimbau namo gadang indak dipanggia gala. Alah tarantang cupak jo usali, alah tabao kato jo laku, disarato pulo baiyo jo batido kabakeh diri ambo. Indak pulo ado rancana nan balatakan, baitu pulo indak ado pikia sabalum timbang. Dalam hari nan singkek, Kun Fa Yakun, Allah bukakan nan tatutuik, di kambangkan nan talipek. Itulah Tuan jo Puan, nan sampai ka diri ambo. Mako bari maaf badan diri nangko, Kok indak taduduak-an sutan di tampek sutan. Nan mamak di tampek mamak. Bak kato rang Minang, kok kurang tasusun nan basiriah, kurang manih nan batangguli, kurang lamak nan basantan maaf jo rilah kami puhunkan. Pun indak sangajo, ado pulo nan talendo naik, atau tasingguang ka turun. Bari maaf jo muluik nan manih, sarato hati nan suci. Bukan mukasuik indak kababarito, yo cu mantun lah alua kisahnyo, co ibaraik mambaliak talapak tangan, indak disangko sako ka turun. Kapado Allah sajo ambo minta ampun, dan berserah diri. Aslamtu Lirabbil ’alamin. Sakali lai, Kapado Tuan jo Puan ambo harok dibari rela jo maaf. Allah saja yang mambuka dan mempertalikan hati setiap manusia. Alah babukak barito di kanagarian badan diri ambo diturunkan, Sianok Anam Suku (SAS pulo singkatannyo) satantang rancana batagak gala sanagari nan alah banyak balipek sajak puluhan tahun nan lalu, ado 28 Payuang Panji di Kanagarian Sianok Anam Suku. Alhamdulillah alah tagak 7 Payuang Panji sabalumnyo, ditambah 10 Payuang Panji saat acara tanggal 3 September 2011 M ‘batagak pangulu’ di Kanagarian SAS. Nan di acara tanggal 3 September nantulah badan diri dilewakan, iyo lah bana Allah telah mengatur segalanya, nan indak tabayang di badan diri ambo sabalun nanko. Iyolah indah Minangkabau, baitu nan badan diri ambo rasokan dalam proses batagak pangulu nanko, musyawarah mufakaik, baiyo-batido, manutuik-manambahi, manukuak-mangurangi, mamatuik-maalua-i, manimbang-mamutuihi, manuruik-mamatuahi, basarato-disaratoi, baadia-bakaadilan, meliek-maluak, malakok-malakuak , manakiak-manokok, nan tasurek-tasirek-tasuruak-tasorok. Raso-Pareso, Aka-Budi, Polah-Santun, Akak-Akuak, Agak-Agik, Garak-Garik. Jadi iyolah Tuan jo Puan, sabana Indah Adaik Minangkabau nantu. Namun nan Batang iyo bacabang, nan Cabang iyolah barantiang, nan Rantiang iyo badaun, nan Daun iyolah babungo. Coitulah nan kadang tampak, dek bungo nan buruak tumbuah, dek ranting nan rapuah patah, basangko batang nan alah rusak, ko iyo batang Minangkabau nangko alah pulo kopong, indak patando di makan jaman, karano urek lai masih urek tunggang, batang kosong indak maruntuahi, karano di limpok dek ganarasi nan masih peduli, co kayu lapai di pandai sikek co itulah kondisi nagari-luhak-ranah, mungkin, kiniko. Alhamdulillah, kopong batang iyo indak mambuek jatuah. Itulah ka manjadi tugeh pangulu, niniak mamak, cadiak pandia, alim ulamo, hulu balang, bundo kanduang, nanmudo, nantuo, mampakuek batang, maisi adaik jo manuang limbago sasuai alua jo patuik. Akhirul kata. Mamak, Sanak-Dunsanak, Tuan jo Puan. Sakali lai, Baulang kato jo mukasuik, Tarimokasih banyak atas ucapan selamat atas pengangkatan dan pengukuhan diri ambo sebagai Pangulu nan diamanahkan Suku Sikumbang Payuang Panji Datuak Rajo Pangulu Nan Tinggi, di Kanagarian Sianok Anam Suku, Agam pado 3 Septemb 2011 lalu. Insya Allah Amanah nangko menjadi jalan bagi badan diri untuak menambah pahala kebaikan dalam bingkai kebenaran di Kaum-Nagari-Minangkabau . Jayalah Minangkabau Wassalamualaikum wr wb. DY. Dt Rajo Pangulu Nan Tinggi -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
