Rina, MakNgah tinggaan carito Palasik Hapee, karano lai banyak nan ka manangahi. Disigi sajo dahulu tanyo Rina tantang "Palasik" jo "Basaga".
Palasik. Mangko MakNgah garahan ka Angku Lembang, "songohan" Hapee tu ka palasik, MakNgah anggap Angku Lembang tahu istilah di Kamouang Awak tu. Di Kampuang kami di Kototuo, Balaigurah, Ampek Angkek, saisuak -- di maso angkatan Amak MakNgah -- ado saurang padusi nan dikenal dan dianggap urang kampuang sabagai Palasik. MakNgah indak panah basuo jo urang padusi tu, tapi namun jaleh di urang Kototuo, kasado urang Kototuo tu lah paham,lah manjadi rasio umum, manganggap urang padusi tu palasik. Dalam kahidupan sahari-hari urang biaso sajo. Indak jaleh di awak baa carono malasik anak. Tapi biasono kok ado anak-anak ketek nan agak pucek-pucek indak bakailiaran, dianggap Rang Kampuang, anak ko lah kanai papasik. Ubekno indak barek doh. Bawo sin anak tu ka urang padusi tu "disongohan", aratino dionyokan bana ka urang padusi tu, bialah dipangku no dicaliak-caliakno sabanta. Sudah tu indak ado lai kakhawatiran kalau-kalau anak tu ka dilasik palasik lai. Kalaiu jimat tangka palasik, di kampuang kami biasono dipakai sin,biji Pinang Kareh. Kecek urang, kalau pinang kareh ko tampak di palasik, taruih palasik tu lari... Basaga. Memang MakNgah ado mandanga istilah "basaga" ko. Tapi pangaratian no agak balain jo nan Rina tarangkan manuruik urang nan mangecekkan hati-hati anak jo palasik. Basaga ko, ado urang nan batando garih hitam saroman saga di kuku. Urang nan basaga disuruah hati-hati manggunokan tanganno, supayo jan sampai manggantiak anak atau urang jo jari nan basaga tu. Babahayo, kecek urang. Mungkin ado magical power tasimpan di dalam jari urang nan "basaga" tu. Nah dengan katarangan tu, MakNgah indak khawatir jo anggapan urang tu supayo anak 11 tahun sensitif ka dicapak palasik. Malahan sabaliakno MakNgah anggap Palasik indak ka barani mahampiai anak tu doh. Iko cuma pandapek MakNgah sasudah mandanga katarangan tantang basaga tu dari urang nan MakNgah anggap tahu. Katarangan tu MakNgah dapek bukan wakatu MakNgah ketek, tapi sasudah dewasa. Karano ano takajuik mancaliak jari malang kida MakNgah nankecekno basaga. Dinasihatkanno, jan sampai kanai gantiak anak urang jo jari tu. Jadi MakNgah iyo hati-hati sajo, bana atau indakno. Basaga atau indak, mangaa lo awak ka manggantiak-gantiak atau ka malaluan tangan ka urang. Saba sin lah nan ka dipabanyak. Salam , --MakNgah Sjamsir Sjarif Sept 29, 2011 --- In [email protected], "Rina Permadi" <rinapermadi@...> wrote: > > Waalaikumsalam Warahmatullahi Wabarakaatuh Mak Dave, > > > Hp ko kini ko goh iyo sambuah panyakik no Mak > Sacacah ko ambo baru dapek SMS mode ko ha : > Pengirim : +6282190735979 > Mako nyo no ha Mak: > Maaf sebelumnya, tolong diusahakan uangnya dikirim hari ini ke Rek BRI : > 0132-01-0313485-03 A/N Asep Pratama, sms saja kl udah dikirim, trims. > > Naknyo ati ka mangatai baliak sms ko, takana lo bana baliak, manga lo awak > ka kalua pulsa lo mangatoi urang ko. Rugi duo kali nah awak. Sudah tun > takana lo pagi kapatang disaruan urang di radio Batam ko baso ado jenis > penipuan baru hipnotis via telp ko. Nan dapek sms dek bangih hati manalepon > ka nomor nan mangirim sms macam2 ko. Tapi sudah tu mnuruik sen disuruah > mangiriman pulsa njek urang tun. Sampai 3 kali mangirinan sabanyak 300 rb. > Sudah tun kecek no laih kiriman sakian laih sudah tun diagiah Honda. Baru > tasadar apak ko baso alah ditipu contun. Kadang iyo heran pulo awak iah Mak, > baa dek bisa lo dihipnotis ko goha, indak lo lansuang doh, tp lewaik > mangecek di talepon. > > Untuak kasus Mak Dave ko, komplen se lansuang Telkomsel > Ambo mamakai Simpati biaso no ambo pakai layanan Talk Mania > Jadi pulsa awak saharian tun paliang abih no 2000 noh. > Mahabihan nan 2000 tun iyo alah salatiah ha lo mangecek duh. Kadang acok > ndak abih dek ndak ado nan paralu ditalepon laih. > Mantun dulu duh Mak > > > Nyiak Sunguik, > > Nak kabatanyo ka bakeh Inyiak ciek goeh > Saisuak ukatu si Farrel cucu Inyiak masih umua 11 bulan balari2 di laman. > Ado lalu urangtuo kawan nan kebetulan urang awak juo. Ditenok2 liau si > Farrel ko, kato liau," Hati-hati manjago paja dih, paja dek basaga mah > nampak di Den. Awak dek liau sambia lalu mantun sen, tu bajadihan se nan > disabuik liau tu. Bekoh takana bana a lah mukasuik liau basaga ko. Kabatanyo > liau indak ado nampak2 li doh. Pai main ka rumah kawan tun, wak tanyoan ka > kawan tun, aa kecek ayah duh sangkek tu, basaga paja tu a mukasuik no. Kiro > no kawan ko lai tau lo, kato noh baso kalo anak basaga tu dimuko no palasik > gampang mairuik darah no, misalkan anak lain nan biaso musti dakek2 kalo > basaga tun saratuih meter sen alah bisa. > > Antah iyo goh antah indak. > Baa lo ajak no goh Nyiak? > Iyo mantun carito no goh? > Btw, baa ajak no palasik ko goh Nyiak? > Baa dek sapicayo tun bana urang awak jo Palasik? > Alah jauah naa marantau banyak juo kawan2 nan dr Sumbar picayo jo hal iko. > Antah kok adolo palasik nan marantau kiyoh duh? > > Wassalam > Rina > > > > -----Original Message----- > From: [email protected] [mailto:[email protected]] On > Behalf Of sjamsir_sjarif > Sent: Thursday, September 29, 2011 7:09 PM > To: [email protected] > Subject: Re: [R@ntau-Net] Pulsa awak disasok 'palasik' > > 'Alaikum salam wa rahmatullaahi wa barakaatuhu, > > Di kampuang awak dahulu, kalau ado anak ketek kanai palasik, dibawo anak tu > ka palasik tu bana, disongohan ka no ... > > Kadang-dadang ado lo jimat, tangka palisk namono. > > Jadi ubek Hapee Angku Lembang: > 1. Songohan bana hapee tu ka palasik tu bana. > 2. Pakai jimat tangka palasik hapee ... :) > > Salam, > -- Nyiak Sunguik -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
