Ambo caliak dalam matrix tu no. 4 wakatu di Abdul Aziz Airport Jeddah. Caliak bana barang-barang bawoan awak tu kama painyo dan indak tapisah jo rombongan atau masuak garobak lain.
Pangalaman paik ambo di Jeddah Airport. Para Jemaah dari sagalo bangso dan kelompok sabana rami. Kelompok ambo kabatulan nan sakapatabang dari AlQahirah,Mesir. Rombongan ambo dari US dan ambo surang nan pakai pasport Indonesia. Salainnyo Mesir, US dll. Jsdi ambo takudian sakali, taicia. Wakaktu lah manunggu barang-barang ka barangkek ka Makah, rombongan ambo dakek rombongan Turki basabalahan. Sabana rami. Sabalun barang-barang diangkek, kabatulan ambo misti "ka bulakang" sabanta mangosongkan kendung kemih. Wakatu ambo baliak, tas ambo indak ado lai, barang-barang lah diosong pekerja ka garobak-garobak dan taruihkan muek ka Oto. Ambo langsuang lapor ka patugeh. Barang ambo mungkin lah masuak ka rombongan lain. Lai tampak takikleh tapi lah jauah taimpik di subalah bawah. Kecek mareka, indak baa doh, taruihlah naik oto, nanti di Makah diantakan ka Hotel tamek masing-masing manginap karano lah jaleh dimaa awak ka manginap. Jadi, sananglah hati. Awak pakai ihram duo halai sajo, indak ado nan lain salain money belt nan iyobana bapalilik di pinggang nan indak basarawa kotok tu... Tibo di hotel, urang lah dapek barang-barangnyo sadonyo, nan tas awak indak ado tampak. Malapor ka urang hotel. Mudah-mudahan beko, keceknyo mungkin tabawao ka Hotel tampek lain. Kok sampai nanti, kami bari tahu... Baitulah, salamo limo hari di Makah, tiok hari tiok sabanta ditanyo tas nan ditunggu indak datang-datang. Pakaian ihram nan duo potong tu masih lakek sadangkan urang-urang lah batuka pakaian. Dalam rombongan kami cuma MakNgah sajo lai nan pakai ihram. Awak surang se nyo lai nan indak basarawa kotok.... Subhanallah ... :) Baitulah ...lah sampai ka barangkek ka Madinah, namun tas itu indak basuo sampai kini. Tibo di Madinah, lah jaleh indak ka basuo barang awak, barulah dibali sarawa kotok jo baju nan paralu untuak mangganti duopotong ihram ko... Nah, panjang amek carito sadiah, pasan MakNgah, hati-hati jo barang-barang awak surang-surang di Airport Jeddah nan sangat rami jo jemaah tu. Salam, --MakNgah Sjamsir Sjarif Di Tapi Riak nan Badabua Santa Cruz,Californria, Oct 17, 2011 --- In [email protected], "Darwin Bahar" <dbahar@...> wrote: > > "Barang siapa berhaji dan tidak berbuat rafas dan fasiq, maka diampunilah > dosanya sebagaimana ia baru lahir dari kandungan ibunya," Hadist Nabi SAW. > > Angku Abraham, Sanak Darius sarato Sanak Sa Palanta nan ambo hormati > > Mengetahui bahwa saya akan menunaikan ibadah haji melalui Palanta RN, > seorang sanak yang bermukum di Batam mengirimkan kepada saya Matriks > Perjalanan Haji Gelombang II dalam PowerPoint. Matriks tersebut saya lihat > sangat bermanfaat dan kemudian saya update dalam MS Words. Silakan lihat > pada lampiran. > > Akhirulkalam, semoga selamat dalam perjalanan pulang dan pergi, selamat > selama di sana serta memperoleh haji yang mabrur. > > Wassalam, HDB St Bandaro Kayo (L, 68) -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
