Sampai datiak ambo manulih 'surek listrik' (sulist) ko indak sampai 24 jam lai "alek" MAPPAS di TMII nan banamo Mukernas diadokan. Smpai saaik ko, di sampiang 15 anggota nan mauruih MAPPAS, baru 9 (sambilan) urang nan alah "mandaftar" manyatokan diri lai namuah datang ka TMII jo niaik untuak manjadi panukuak panambah (babagi ide, mamabari masukan dan manyalekan kunci sukses). Indak saketek pun adoh niaik ka mancari cabuah.
Amiinnnn. Nan ambo herankan, baa mangko sagalemeang bana urang awak di bumi parantauan nan tapanggia jo gabah basa (basa = great) nan dipabuek dek anak-2 mudo atau (katokanlah) urang-urang nan tapanggia sumangaiknyo (idealis keminangkabauannyo) untuak babuek ka kampuang halamannyo nan sacaro teori banyak manganduang porensi pariwisata nan laku untuak dijua? Bisa sajo sacaro ilmiah, sakambuik buku-buku wisata "world class" diambiak dek urang-2 nan basumangaik (MAPPAS) tu untuak dimainkan seninyo dalam pariwisata Minangkabau nan panuah jo rambu-rambu "hiduik mati" ABS-SBK. Tapi....dalam mawujuikan "cito-cito" anak mudo dalam MAPPAS ko tantu paralu pandangan para pandahulu mereka dalam manjalankan roda MAPPAS supayo niaik baik nan dibungkuih dalam "road map" atau "action plan", atau "cetak biru", nan tantunyo dijalankan jo hati gadang dan sumangaik tinggi. Buek Dunsanak nan mambaco sulist ambo ko, apokoh indak ado saketek pun taniaik di hati nan dalam untuak datang sabagai "parami-ramian alek", supayo kuota nan dirancang dek MAPPAS sakitar 60 urang duduak di kurisi TMII dari pagi sampai malam (?) Masya Allah....,mm) bisa tacapai?! Kalau kito maliek ka sabuah paroduk manusia, misalnyo filem, indak ado ciek pun namonyo nan main dalam sabuah filem rancak atau buruak tu nan banamo FIGURAN. Kasado alehe dalam filem atau sinetron adolah pamain. Cuma, bamainnyo tantu sasuai jo ilimu wanyo, dan sasuai pulo jo tanago nan dimintak dan diatur dek sutragadihnyo. Kalau di kampuang awak ranah minang nan tacinto, manyangkuik alam takambang jadi guru ko dibakukan niniak moyang awak jo kalimaik basayok nan labiah kurang babunyi sarupo ko "nan buto datang mamangku si lumpuah, nan pakak datang maajak tukang bisiak, dan nan bagak datang untuak mamaga alek". (maaf,Mak Ngah, kalau papatah aslinyo --dlm kamuih Papatah Patitih Minangkabau-- indak samo pulo bunyinyo jo papatah versi Si m.m ko). Nah, karano masih ado ukatu untuak maubah pangana "Waden indak ka datang"., manjadi "Waden pasti datang, Yuang.... Piak Nts"...... ambo sabagai urang lua MAPPAS nan mancibo maliek dari suduik kaminangkabauan, hanyo manyampaikan tarimo kasi. Satidaknyo urang awak (nan terkenal jo banyak cik minyak; tasingguang labiah bak kanai; alun sampai alah babaliak) bisa mambuktikan untuak mangambangkan dan mamangun wisata Minangkabau ka muko, wanyo indak saroman tu doh. Salam dan maaf dari Bekasi. mm*** 0812 8033 925 NB : Khusus untuak Kakanda Rainal Rais nan mantan "Presiden" SAS, Dinda m.m mamintak untuak ijan maubah pangana UNTUAK INDAK KA MAAGIAHAN ILIMU BARANG 30 MINIK (13.00-13.30) sabalun Mukernas dimulai. Labiah baiak awak nan tuo-tuo ko banyak manahan ragam sajo. Mutiara hikmat nan ambo kutib di bawah ko, ambo raso salamoko acok mancogok di r@ntau-net bukan sabagi hiasan sulit sajo, bukan ?1."Kepedulian terhadap ranah Minang adalah salah satu misi RantauNet..........Maaf Jo Dut mottonyo ambo ambiak salamaknyo. 2. "Adolah rancak manjadi sapu lidi daripado manjadi sabatang lidi..................Maaf Oom Duta kredonyo ambo ambiak sakandak hati sajo 3. Bilo awak buntu bajalan, jalan nan didapek di muko adolah jalan ka tujuan....Maaf Sohibmbo ZulTan, ruok si Kissinger tu ambo translate sakandak hati 4.Awak marancang Allah nan manantukan.................................................... Maaf Pak Dubalang Saaf, ambo ambiak saketek motto Kanda nan sabana banuansa ABSSBK ko. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
