Pak Saf, Pak Saf, ambo dan kawan2 lain nan lah cukuik banyak bajalan-jalan kian kumai mancanegara dan bahkan marantau sacaro mancanegara kian kumai, lah sajak dulu mancaliak dan bahkan ikut marasokan hal nan samo nan diteliti dek duo kawan awak sesamo muslim dari George Washington Univ tu dan pengamatan dari ustaz2 awak nan diundang ka Japang tu seperti nan dirilis dek tokoh liberal awak Rektor UIN tu di Kompas tu. Jadi dilema urang Isilam di masa kontemporer kini ko, di ma sajo, iolah itu: tidak serasi dan kompatibelnyo antaro sisi ajaran dan sisi pengamalan dari agamo dan penganut Islam tu. Di satu sisi duniapun mangakui: Al Islam ya'luu wa laa yu'laa 'alaihi. Islam itu sebagai agamo adolah "superb", ndak ado nan maikik-i; tapi urang Isilamnyo tu jauah di bawah-bawah tu ah. Rasulullah sendiri bahkan mangatokan: Kefakiran itu akan menyebabkan orang Islam tu dakek ka kufur. Al Afghani juo mangatokan: Al Islam mahjubun bil muslimin. Islam itu ditutupi oleh parangai urang Islam sendiri. Tapi mind you, iko pun adolah hukum sejarah. Ndak kurang dari urang Eropah, Amerika dan Japangpun, katiko mareka lagi di bawah dalam perjalanan sejarah mereka, dan sandirinyo dalam budaya dan sivilisasi mereka, samo juo. Katiko Isilam sadang di puncaknyo, urang Isilam mancaliak urang2 tu ka bawah dengan sagalo macam kekurangan dan kelemahannyo, baik moral, mental maupun tingkat kehidupannyo. Samo jo mareka mancaliak ka awak kini. Maadokan riset nan samo di Sumbar untuak mauji keserasian dan kompatabilitas ajaran ABS-SBK dan pengamalannyo, seperti nan dilakukan dek duo kawan awak nan dari Afganistan dan Iran tu, oke2 sajo. Tapi dengan malarikannyo ka hukum sejarah tu, apopun hasilnyo nanti awak lah takok dan tahu juo apo nan kito dapekkan. Tidak lain: incompatibility dan inconsistency antaro ajaran agamo dan pelaksanaan-pengamalannyo oleh urang Islam sendiri, notabene urang Minang nan praktis sadonyo urang Isilam. Tapi cubo juolah. Paliang kurang untuk manyadarkan awak betapa gampangnyo manyusun sebuah motto filosofi hidup, dan betapa susahnyo mangimplementasikannyo. Kalau ambo mancaliak, ABS-SBK awak kini ko satali tigo uang sajo dengan motto Pancasila dan nan wah2 lainnyo tu, dalam awak sacaro bernegara. Sisi lain, bagi mereka nan ingin meredusir potensi Islam seperti nan dilakukan oleh kelompok liberal itu, mereka akan jadikan hasil penelitian ko sebagai dalih untuk memperkuat posisi dan argumentasi mereka. Salam Selamat Hari Rayo Haji, bisuak. MN
________________________________ From: Saafroedin Bahar <[email protected]> To: Rantau Net Rantau Net <[email protected]> Cc: Mochtar NAIM <[email protected]>; Drs Farhan Muin DATUK BAGINDO <[email protected]>; Muchwardi Muchtar <[email protected]> Sent: Saturday, November 5, 2011 8:37 PM Subject: Maukua pengamalan kaislaman nagai muslim. Assalamualaikum ww para sanak sapalanta, Terlampir ambo kirimkan suatu berita nan mungkin menarik minat kito basamo, yaitu hasil suatu kajian tentang kedalaman pengamalan ajaran Islam dalam suatu negara, khususnyo nan penduduknyo mayoritas Muslim. Untuak kaparaluan pangukuran tu, ajaran Islam dikalompokkan dalam limo paket, dan diteliti baa pengamalannyo dalam kenyataan. Rancaknyo, nan diteliti hampia saluruah negara di dunia iko, sahinggo bisa dibuek 'ranking'-nyo. Agak taheran juo ambo saketek jo kasimpulan kajian tu, bahaso esensi ajaran Islam tu justru labiah banyak diamalkan di negara-negara nan penduduknyo indak muslim. Baa kok kito buek pulo kajian saroman tu, untuak maukua tingkat kedalaman pengamalan ABS SBK di Minangkabau ? Tolok ukuanyo kito buek basamo-samo, sasudah tu kito minta bantuan para peneliti profesional mudo urang awak, sarupo bung IJP, bung Andrinof, atau bung Ephi. Wassalam, Saafroedin Bahar (L, masuk 75 tahun, Jakarta; Tanjuang, Soetan Madjolelo) -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
