Mamak Aslim Nurhasan, Mamak Tan Ameh jo Da Ephi,
Tarimo kasih tanggapan ateh pandangan sampik Rina tu Namonyo proses baraja, sadonyo nan awak caliak ka jadi pangajaran bagi awak iduik, kan iyo mantun kecek Rang Gaek awak saisuak. Ambo takana sebuah pelajaran waktu sakolah di Tsanawiyah dulu, namonyo Akidah akhlaq. Kato guru nan alah baumua lo waktu tu, akidah manga digandengkan jo akhlaq? Sabab akidah adolah tali luruih antaro awak individu jo Yang Maha Pencipta sedangkan akhlaq adolah hasil nan nampak kalua (horizontal). Ibaraiknyo akidah adolah ruh di dalam badan awak baa hubungan awak jo Sang Pencipta sedangkan akhlaq adolah baju nan tanampak kalua dek urang. Bukankah badan awak indak bisa dipisahkan dari baju pabilo dimuko rami bukan? Artinyo akhlaq adolah penampakan lua dari isi pribadi awak sebagai makhluk Allah SWT. Kumuah baju awak mangko kumuah pulolah isi diri awak. "Ingek-ingek kecek papatah kito ananda. ketek taranjo-ranjo, gadang tarubah tido, alah mati jadi pusako.. ngari awak bukan???? Baitulah palajaran baliau tutuik jo papatah nan mambuek bulu kuduak ambo maramang.. Ibuk guru ambo tu bacarito tanpa mamacik buku dimano ambo nan mandangakan masuak ka hati ambo sebab ambo berimajinasi dalam kapalo menggambarkan perumpamaan nan dicubo digambarkan dek Ibu Guru ambo nan di salo-salo jilbabnyo tu kalua ciek2 uban baliau. Tapulang batua apo indak kaji tu, nan dek ambo iyo taraso 'bana'-nyo. Kebenaran nan manalusup ka dalam hati saroman iko jadi pangajaran dek ambo sampai kini. Sakareh apopun barusaho untuak indak diinfeksi dek virus2 hati nan babahayo sarupo takabua, sombong, jo riya. Astaghfirullahal'adzim. Mudah2an apo nan ambo pakatokan janlah sampai malukoi siapun, banyak maaf ambo sakiko ko. Wassalam Rina, 33, batam -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
