Wa'alaikumussalaam!
Sidang Palanta rahimakumullah,
Ambo cubo manjawek tanyo sanak Anwar Djambak nan kritis kontrukktif ko,
Mungkin alah ado nan manjaweknyo sabalunko.
1.Ka absahan Sumpah masih bajalan ,sabab sabagian besar warga masyarakat
Minangkabau baiak nan diranah maupun nan dirantau masih
maakuinyo walaupun indak konsisten bana.
2. Nan basumpah wakatu itu tantu tokoh-tokoh adat jo agamo nan ikuik
bakumpua dibukik Marapalam itu. Bisa dicaliak disejarahnyo.
3. Dampak/konsekwensi dari Sumpah kaurang Minangkabau (nan baugamo Islam)
iyolah wajib mangamalkannyo sacaro konsisten dan konsekwen, kecuali indak
mangakui lai sabagai urang Minangkabau. Salah satu caro atau usaho nan alah
dilakukan iyolah KKM/SKM nan manghasilkan buku Pedoman Pengamalan ABS-SBK
jo upayo-upayo salanjuiknyo( mam follow up nyo ) sampai tawujuik dalam
kehidupan urang Minang sahari-hari mulai dalam keluarga masiang2, kaum,
nagari .. dst.
4. Sanksi dari indak malaksanakan sumpah, kan alah tajadi dan samo2 awak
rasokan sarupo nan sanak Anwar sabuik tu , tamasuak alah susah munculnyo
tokoh 2 nasional nan santiang sarupo dulu. Tapi Allah SWT masih sayang
kaurang Minangkabau, bencana alun sarupo nan tajadi di Aceh.
5. Sanksi Sumpah indak tajadi diranah sajo, tapi dirantau pasti ado juo,
tantu nan tau urang rantau nan taseba disalingka bumi itu sendiri.
Mudah-mudahan tanyo sanak Anwar lai tajawek ,kalau alun tantu ado nan lain
nan labiah rancak manjaweknyo.
Wassalam,
Asmardi Arbi lk, 70 ,Tangsel.
--------------------------------------------------
From: "AnwarDjambak" <[email protected]>
Sent: Monday, November 28, 2011 7:04 AM
To: <[email protected]>
Subject: [R@ntau-Net] Karma/Konsekwensi dari Sumpah Satie Puncak/Bukik
Marapalam ka urang Minangkabau kini.
Assalamualaikum!
AdiDinsanak nan di Salingka Bumi..
Sidang Palanta nan dimuliakan..!
Lah lamo jadi bahan fikiran ambo baakolah Sumpah nan lah dibuek dek Tokoh
pendahulu awak urang Minangkabau di Puncak Bukik Marapalam, dek Sumpah tu
ado sanksi nyo kalau indak diamalkan, yaitu,
"Ka Ateh indak Bapucuak.., Ka Bawah Indak ba urek/akar Tunjang... Di
Tangah-tangah digiriak/dilariak kumbang..!"
Sumpah itu adolah;
"Adaik Basandi Syarak.....Syarak Basandi Kitabullah...!"
Nan jadi fikiran dek ambo:
1. Keabsahan Sumpah ko apokah masih bajalan sampai kini..!
2. Sia sajo nan ba Sumpah wakatu itu.
3. Apokah dampak/konsekwensi dari Sumpah ko thd semua urang Minangkabau?.
Baa caronyo..?
4. Apakah sanksi dari indak malaksanakan sumpah ko bana2 akan tajadi,
ataukah sudah dan sedang terjadi, dek mancaliak bencana; alam ,
kepemimpinan, dan moral nan tajadi kini di Ranah..?
5. Apokah sanksi sumpah ko hanyo tajadi di Ranah sajo..?
Dll nan takaik nan mungkin ado di fikiran adidunsanak nan salingka
bumi....
Manyo Buya jo Niniak Mamak nan basamo, minta pencerahannyo, khususnyo ka
ambo nan sadang kusuik ko.
Sangenek,
Wassalam,
AnwarDjambak43+,L,Pyk, +60176631377 jo
+60176479347
Kualalumpur, Malaysia
Sent by Maxis from my BlackBerry® smartphone
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
