Assalaamu'alaikum wa rahmatullaahi wa barakaatuhu Tabayang-bayang di ambo proses urang Lawang mambuek gulo (sarupo urang Lasi mambuek saka), muloi dari manggiliang tabu di kilangan nan diputa dek kabau batutuik mato, sudah itu ayia tabu tu dimasak di dalam kuali gadang, (kancah gadang), baunyai-unyai mamasakno jo api dari sampalah tabu. Ayia tabu barubah manjadi tangguli pakek. Disiko nan ambo agak kailangan jajak saketek.
Di Lasi Tuo, ka arah ateh gunuang Marapi dari kampuang ambo, tangguli pakek cako dicetak urang untuak jadi saka. Ado saka kariang, ado saka nan bagadepek sarupo tangguli kareh. Samantaro gulo lawang raso-rasono sarupo bubuak bawarano coklat, antah bapangaan garan mambuekno. Apokoh saka, atau gulo lawang ko tamasuak nan ditanyoan nyiak Sunguik sabagai bagian dari 'gulo matah' atau raw sugar, iyo indak jaleh di ambo do. (Takana-kana lo kaluhan urang Lasi maso bagolak, 'pondok anguh - kilangan anguh, jo aa iduk ka diadang'.) Wassalamu'alaikum, Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi ________________________________ From: sjamsir_sjarif <[email protected]> To: [email protected] Sent: Monday, December 19, 2011 8:51 AM Subject: Re: [R@ntau-Net] ADVENTURE DE MATUR 2011 Kalau tadinyo MakNgah maangkek "Lompong Sagu Bagulo Lawang" dalam thread ko, sarancaknyo dipareso pulo bersqama ahli pertanian dan makanan apokoh "Gulo Lawang" dapek dikategorikan sebagai "Raw Sugar". Nah, kalau misanyo "Gulo Lawang" ko memang kategori "Raw Sugar" nan jauah lebih sehat dari Gulo Putiah Rancak, sarancaknyo Lawang ko di katangahkan ka Mato Dunia. Untuak muloi, dalam acara Tur Di Matur ko diusahokan mampopulerkan "Gulo Lawang" dengan tambahan keterangaan atau label "Raw Sugar" dan dibuek paket rancak (kemasan nan menarik) ketek-ketek 500 gram untuak konsumsi para pengunjung salamo di Tur tu dan untuak Souvenir dibawo pulang kamanyo ka pulang, lokal, nasional, internasional. Salain mampaopulerkan "Lompong Sagu Bagulo Lawang" dengn iringan irama lagunyo, mari kito muloi popularkan pulo "GULO LAWANG", RAW SUGAR, PRODUCT OF LAWANG, WEST SUMATRA,INDONESIA. Karano kepepet, untuak Tur kini ko cubolah pareso, kalau yakin Gulo Lawan tu memang bakategori Raw Sugar, kemaslah saketek-saketek untuak sample permulaan ka dikenang pengunjung di maso datang. Lah muloi banyak urang di dunia kini bapikia kesehatan mamiliah Raw Sugar dari pado Gulo Putiah Rancak tu. Kalau Urang Awak alun tahu kasehatan Raw Sugar ko rancak dipikiakan pulo mampalajarinyo. Orang Pertanian dan Kesehatan dapek karajo mandidik masyarakat ka arah tu. Salam, --MakNgah Sjamsir Sjarif Dec 18, 2011 -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
