Niniak Mamak, Alim Ulama, Cadiak Pandai, Bundo Kanduang, Urang Mudo nan capek kaki ringan tangan, ketek indak diimbau namo, gadang indak dipanggia gala. Sairiang balam jo barabah balam lalu barabah mandi sairiang salam jo sambah salam lalu sambah kumbali Assalamu'alaikum wr. wb. talatiah putiang di hulu dibawah kumpalan tali asa mulo kato dahulu tigo limbago nan tajadi partamo sambah manyambah, kaduo siriah jo pinang katigo baso jo basi, sambah manyambah dalam adat tali batali undang undang tasabuik jo muluik manih tapakai jo baso baiak, muluik manih calempong kato budi baiak gulu dibibia dalam bungka nan piawai banamo adat sopan santun. Adopun sambah nan ka ambo sampaikan: Lah baganti musim babilang tahun kami indak manjajak an kaki di ranah bundo, lah anguih jantuang dek taragak dan insya Allah kok lai garak dari Nan Satu kami Singapore Minangkabau Association ka manikam jajak lamo, manyauak aia, mamatah rantiang ranah bundo, maasah cepak jo cepong, mancaliak alam nan rancak, rang kampuang nan sopan santun babudi bahaso dan pamainan anak nagari. Bakeh dunsanak nan punyo travel agent/event organizer nan jo sanang hati ingin mambarikan pelayanan terbaik no ka kami, silahkan kirimkan program dan penawaran nan terbaik ka kami via japri. Rencana kami ka bakuliliang ranah bundo salamo sapakan akhia Nov/awal Des 2012 manikmati alam nan rancak, masyarakaik nan ramah dan sopan. urang padang mangumpa banang dikumpa lalu dilipek dilipek kudian dipatigo indak pandai marantang panjang bia dikumpa nak no singkek singkek sakiro ka paguno wassalam Junaidi (45), kandang singo.
-- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
