Assalaamu'alaikum wa rahmatullaahi wa barakaatuhu Manolah dunsanak sa palanta di sabalik bumi Allah,
Alah jadi katatapan Allah SWT indak ado nan kekal jo abadi di muko bumi ko do. Tarutamu nan manyangkuik adaik jo budayo. Di nagari awak kan alah tasabuik, sakali ayia gadang, sakali tapian barubah. Ado adaik jo budayo suatu bangso batahan saolah-olah indak lapuak dek hujan indak lakang dek paneh, tapi pado hakekaikno nan sarupo itu buliah dikecek-an harapan dek nan mangecek sajo. Indak ado kaabadian sarupo itu do. Daulu, inyiak muyang awak mambuek rumah gadang jo bagotong royong. Bagotong royong mancari kayu ka rimbo. Bagotong royong mairik kayu gadang tu, sudah itu bagotong royong pulo managak-an rumah sampai salasai. Kini gotong royong ko alah tingga kenangan sajo lai. Ambo masih manapek-i katu ketek-ketek baumua 7 - 8 taun, urang bagotong royong manyabik-iriak. Nan punyo hajat hanyo manyadioan minun kawa, nasi jo samba sarato rokok untuak urang nan bakarajo bagotong royong tu. Kini indak ado saketek juo lai nan sarupo itu doh. Kini jariah manantang buliah...... Baitu juo jo rumah gadang tu. Masih ado di sabagian (ketek) nagari urang mancubo mambuek rumah gadang baru. Tapi kalau ingin nak managak-an rumah gadang, reseklah sakuih, kok lai taba, murah mailiaan karajo tu. Kok indak, jan diarok. Indak ka ado bagai urang datang bagotong royong manolong perai do. Sarupo itu kanyataanno kini. Dan rumah gadang nan ado tu, nan lai salamaik dari karusakan maso PRRI, atau dari gampo, atau dari huru-hara nan lain, umumno alah dimakan umua, dek indak diunyian urang nan punyono lai. Ado nan atokno alah takulai, atau dindiangno alah lapeh, atau janjangno alah tangga. Di pasukuan ambo masih ado ciek lai rumah gadang ko tingga, tapi manuruik catatan, alah labiah sapuluah taun indak ado anak kamanakan nan naiak ka rumah tu lai. Rumah tu alah lapuak dimakan umua. Wassalamu'alaikum Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi ________________________________ From: "[email protected]" <[email protected]> To: [email protected] Sent: Thursday, January 26, 2012 1:59 PM Subject: Re: Bls: [R@ntau-Net] "Gajah Maharam" ka Punah Sanak sapalanta dan pak Arman Bahar jo ibu Evy nan ambo hormati. Mangikuti kakhawatiran bp Arman Bahar dan Ibu Evy tantang Minangkabau dimaso yg akan datang,handaknyo dapek manjadi renungan kito basamo dan sakaligus manjadi cambuik didalam diri satiok anak nagari Minangkabau dimano sajo barado utk dapek babuat nyato,baa Minangkabau tdk manjadi catatan sejarah maso lalu bagi generasi mendatang. Untuak itu,kalau buliah ambo manyarankan : supayo kito mancari topik nan batua2 dapek mamacahkan masalah bagi jati diri Minangkabau dan dibahas sacaro terpadu dari awal jo sanak kito nan barado diranah. Itu sekedar pandapek dan kalanjutannyo biso didiskusikan sacaro batingkek. Tarimo kasih dan maaf kok ado nan indak berkenan,Wass. (Marwan Paris,Lk 68th,rang Salayo Slk,tingga di Jaktim) Powered by Telkomsel BlackBerry® ________________________________ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
