Assalamulaikum wr wb
Pak Saaf, pak Mochtar Naim, pak Abraham Ilyas, mak Asmun Sjueib, mak Dutamardin, mak Hilman Mahyudin, mak Darwin Chalidi, pak Afrijon Ponggok sarato pak Rahyussalim nan ambo hormati, Melalui email nan ko ambo sampaikan bahasonyo pendampingan website nagari di cluster IV Koto Aue Malintang alah salasai dilakukan, insya Allah siang bisuak ambo barangkek baliak ka Padang untuak istirahat. Paralu disampaikan bahasonyo perantau Ikako Amal meminta bantuan untuak penyerahan bantuan unit komputer kapado Polresta Pariaman basarato pelatihan webiste salamo saminggu. Mengenai jadwal bisa dilakukan dalam wakatu saminggu ka muko. Nan paralu ambo tanyokan, baa perkembangan pengurusan badan hukum LPM Marapalam salamo sabulan terakhir sajak ambo barangkek ka cluster IV Koto Aue Malintang 6 Januari 2012 nan lalu? Apokah bisa dalam 3 hari ka muko kito antakan ka notaris pengurusannyo? Selain itu, mengenai persiapan event Minangkabau Youth Camp akhir Juni 2012 mendatang, insya Allah 2 hari ka muko ambo alah bisa barangkek manuju nagari Talang Babungo untuak meliput foto dokumentasi yang dibutuhkan untuak publikasi event nan ko. Selain ka Talang Babungo, insya Allah akan diansua pulo manamui dinas Budpar kab. Solok, LKAAM kab. Solok basarato MUI Solok nan berkaitan jo event nan ko. Ambo mohon maaf pulo agak jarang maagiah kaba, sabab kondisi di cluster IV Koto Aue Malintang koordinasi ka 5 Pjs wali nagarinyo basarato camat sabana payah, sabab hanyo 2 Pjs Wali Nagari nan bisa dilakukan koordinasi menyeluruh mengenai kegiatan pendampingan website nagari walau kegiatan nan ko disupport panuah oleh perantau Ikako Amal & pemkab Padang Pariaman. Selain itu kondisi pelayanan listrik disiko sabana nauzubillah buruaknyo. Paliang indak dalam sahari ado 5 kali mati listrik, bahkan nan terparah 4 hari nan lalu, dimano salamo 2 hari baturuik-turuik listrik mati mulai dari sore hinggo siang hari bisuaknyo. Dek karano itu ambo harus melakukan maintenance pado peralatan komputer nan dibao dari Padang sahinggo hanyo bisa istrihat 2-5 jam sahari sajak awal datang di IV Koto Aue Malintang. Walaupun baitu, alhamdulillah ka 5 nagari kini alah online, 1 nagari manggunokan koneksi GSM memakai modem usb & 4 nagari dibantu jo antenna penangkap sinyal. Dokumentasi foto jo video cukuik langkok, ado sekitar 3000 file foto nan dihasilkan nan alun dipiliah-piliah bana mano nan rancak. Foto-foto mantun sebagaian alah digunokan sebagai dokumentasi pado 5 website nagari nan ado. Sadangkan untuak file video alah cubo diupload, namun acok gagal sabab dek listrik nan sabana acok bakijok di kec. IV Koto Aue Malintang nan ko. Taruih tarang, dari nagari-nagari nan ado nan alah ambo kunjungi salaruik salamo nan ko, ikolah nagari-nagari nan sabana mambuek latiah. Sabab kondisi listrik nan sabana buruak, lalu minimnyo koordinasi pemerintahan nagari nan ado jo kecamatan (padahal 5 pjs nan ado 3 adolah pegawai kecamatan - 2 dari dinas pendidikan) sarato lawehnyo wilayah kecamatan nan ko dimano jalan lingkar kondisinyo sabana buruak. Kendaaraan roda 2 nan ambo bao dari Padang alah tangga pulo spakbor bagian mukonyo dek jalan nan balubang-lubang, selain itu, kunci motor alah hilang pulo dek jalan lingkar nan balubang-lubang nan ko. Nan manambah kondisi semakin barek, adolah tipikal masyarakat nan alah kurang picayo jo urang nan datang, sabab ambo nan mambao kamera dlsr untuak mamoto panorama sawah sajo alah dicaliak-caliak jo diawasi oleh masyarakat nagari, mungkin iko imbas dari bantuan gampo nan kondisinyo berlarut-larut di nagari-nagari kab. Padang Pariaman. Walaupun baitu, dari pencapaian nan ado, cluster nan ko nan memberikan hasil nan labiah signifikan dibandiang cluster-cluster terdahulu, dimano beberapa peserta pelatihan dari 4 nagari nan mengikuti alah bisa mengedit foto menggunakan Adobe Photoshop CS 3 nan marupakan software olah digital tingkat lanjuik, dimano pado cluster terdahulu kito hanyo memberikan materi penggunaan software mengolah foto sederhana saroman photoscape. Selain itu, dari 25 peserta nan mengikuti pelatihan, 5 peserta alah bisa melakukan olah digital video sederhana sacaro basamo-samo tanpa ambo dampingi. Sadangkan untuak trik pengambilan video memang alun bisa, mudah-mudah beberapa tip & trik nan ambo tinggakan bisa dipelajari labiah lanjuik dimaso mendatang. Video-video nan alah didokumentasikan akan kito upload di Padang, sabab membutuhkan wakatu upload nan panjang -- paliang indak 1,5 - 2 jam untuk koneksi GSM nan manggunokan modem usb -- dimano kondisi kelistrikan disiko acok drop voltage dari waktu ke waktu. Dari ajo Ali Unan (wasekjen DPP PKDP) ambo mandapek kaba bahasonyo perantau dari kec. Sungai Limau alun juo ado tando-tando akan menyertakan 4 nagarinyo untuak pendampingan website nagari basamo-samo 2 nagari di kec. Batang Gasan, padahal hal iko alah kito sosialisasikan sajak bulan April 2011 nan lalu basamo-samo mak Dutamardin kutiko baliau pulang kampuang daulu. Mungkin kutiko melakukan pelatihan di Pariaman ambo bisa usahokan untuak maansua-ansua survey cluster V Koto Kampuang Dalam (2 nagari : Campago & Sikucue) - V Koto Timur (3 nagari : Padang Alai, Kudu Gantiang & Limau Puruik) sesuai permintaan pak Suhatmansyah yang berkeinginan agar nagarinyo diikutsertakan dalam pendampingan website nagari. Sesuai dengan kesepakatan DPP PKDP jo Pemkab Padang Pariaman nan lalu (Oktober 2011) nan alah mambuek MOU untuak membangun jejaring nagari cyber di 60 nagari nan tasebar pado 17 kecamatan (LPM Marapalam alah membaginyo dalam 13 cluster), seluruh biaya perangkat komputer & koneksi internet yang akan disumbangkan ka nagari beserta biaya operasional LPM Marapalam selama pelatihan dibiaya penuh oleh perantau nagari yang bersangkutan. Untuak itu, bagi angku, mamak, bundo sarato adi dunsanak sapalanta RN nan barasa dari Padang Pariaman pabilo ado keinginan untuak nagarinyo dilakukan pendampingan, silahkan hubungi ajo Muharmein Zein Chaniago (Ketua DPW PKDP DKI) & ajo Ali Unan (Wasekjen DPP PKDP) untuak melakukan koordinasi. Mengenai pembiayaan, LPM Marapalam alah mensetting agar biaya indak terlalu gadang, berkisar antara 5 - 7 juta per nagari dalam setiap clusternyo. Untuak mancaliak pengelompokan nagari per cluster silahkan dicaliak pado page/halaman Ayo Bangun Nagari pado situs jejaring sosial facebook dengan alamat url dibawah nan ko : https://www.facebook.com/media/set/?set=a.179087008780927.38308.176861319003496&type=3 Mungkin itu sajo nan bisa ambo kabakan, semoga bapaguno bagi nan lain. Iyo sabana taragak bana ambo mancaliak kasua nan mananti di rumah dek sabab sabulan nan ko bamukim di ka 5 kantua pemerintahan nagari di siko. wasalam AZ/lk/33th/caniago Balai Salasa - III Koto Aue Malintang Selatan asa nagari Kubang, 50 Koto babako ka Canduang Koto Laweh, Agam http://lpmmarapalam.wordpress.com/ http://aurmalintang.com/ http://balaibaiak.aurmalintang.com/ http://selatan.aurmalintang.com/ http://tigokoto.aurmalintang.com/ http://timur.aurmalintang.com/ http://utara.aurmalintang.com/ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
