Another Highly Controversial Song? LAITANA DORLO Tum ganvan sarko ek rit-dekicho monis zaun bhonvtta Tujer vaitt ulounk ganvchea lokak chance na re melltta Kamank veche adim sodanch tum igorjek Misak veta Jevonn soddit, kumuneanv ghenvcho mat chukoina ixtta CHORUS Vaddean konnui lhan-vhodd ekdom borona zalear monis Tanchea duensan tum vantto gheta zaun ek korelo ixtt Tea pasot sobit tornnea cheddvanchi asa tujer dixtt Tujea rupkarak bulttat nokom zaun tuje vaitt gunnache vis II Zugar khelltoleancher tuzo asa ekdom koddok virudh Tornatteank hea vesnacho pois ravunk dita bori budd Dekunuch ganvche avoy-bapaink tum ek sorgincho dutt Punn tuje bhitorlea korneancho konnui noko koro gutt CHORUS Tujean ganvchea lokak ani somestank ghoddie fottounk zait Punn mhaka fottounk sorpem nhoi atam mhojem aik re Bobit Mhaka-i khuxi asli tuje bhaxen zaunk ek somaz-sevok pandit Tuka lagon mhaka konn lagim ghena, monis nhoi hanv nitt III Tum manachi nokri korta zhoddun hozaranche hozar benkant Hem khorem, keddnanch nagoina nhoi mhunn dukhoina yerank Tuzo masugecho sobhav vochun bosla lokachea re kallzan Tuka ek vaitt ogunn asa mhunn, ganvcho lok mat nennan CHORUS Filsu-chea barar bhitor sortona tuka hanvem pois sanv choilo Soro piyepi nhoi, borelo monis barar kitem korta dubau poddlo Tuje pattlean yevn tum kitem korta pollenvk ogich ubo ravlo Hanvem justuch tuka, Filsu kodde Kalyan motko laitana dorlo. VOILEA KANTARACHI SOMZONI: Tum soglleancho mogacho zatoch, konna ekleak tori tuji nosai zata. Tuzo osokt bindu vo weak point sodunk bhonvtat. Tuka, ganvchea lokachea nodre mukhar, sokllak udovpak vavurtat. Ganvan, Bobit zaun asa sogleanchea mogacho. Konnakui adarak pavpi ani borem asa tench sangpi. Ganvche bhurge zugar khelltat mhunn, sorkarachea mozotin ganvan ek vhodd moidann ubem kelem ani hea khatir ganvcho lok, taka dinvastat. To Filsugelea barar, ( konnank kolona toxem) ek chondd (hobby) koso, keddna-i Kalyan motko khellta. Nhoi dudvanche axek lagon. Chukon, Kaliyan ankddo ailear, te duddu apleak dovorinastana, ganvchea bhurgeank khellacheo vostu vikot ghevnk upeg korta. Ani ham! Thodde bhov aplea bolsantle duddvanchi dhengi bhi diunk to fattim na. Udar monan dita. Az nhoi falleam anikui nanv ibadd korcheleo CD vo VCD bhair sorcheo asat. Duddu komovpacho ho ek fuddarak dhonddo zatlo? Velluch sangtolo EK KODDOK XIDDKAVNNI: Kantaracho thoddo vo ak’kho bhag, bhouxik zagear (public places) vo tiatran vo VCD rupan gavpak, konnakuch sotea na. Sotea dovorlea fokot nhanean nhateleank. Mhonnchem, 'bathroom singers only' Lino B. Dourado