Suknem
Molbar nodor marxi dhektat udtim suknim hozarani
Zinxam-var rong borun aplea purai pakani
mukut pasun astat tanchea matteani
Todeachim labtim xenkrim goleani
Sokalchea parear sobit gitam gaitat zadhani
Kosleai tori praneak khaounk bounvtat jilamni
Udki marun zhaddamchea Khandeani
Pot tim oximch bortat khelot ranani
Kaiborim kheltat tim varea borobor ontrollar
Pakam sodun haloi-nastanam ubtat tim molbar
Kitleai unchaiek thaun khann disot zalear
Rocdinch zoampoi marun ghevun bostat tim khandear
Khon tamkam posta, khon tankam rakta ?
Amche baxen dusrea disachi dasti tankam nasta
Khon tankam xikoita, khon tankam dixa dakoita
Fanteparar bair soru, tilxanjer porot gunterant tim eta
Xinkop nastanam sobit sundor gharam tim bandtat
Gharant bitor cud ani malloeo pasun astat
Todim dorjieabaxen pana xivon aple gonter kortat
Tanchea hea gunnak monis pasun ojeaptat
Zodeani tim bonvtat, vetanam eka mekak sat ditat
Aplo gunter kortanam ekamekak adharn tin kortat
Aplea pilank pasun dogaim tim raktat
Aplea potantlem khann aple pilank tim khavoitat
Kitki apurbai dista polounk jin tea sukeachi
Kitki sod ghetat tim aplea pilamchi
Aplo jiv pasun divun kortat rakon aple gunterachi
Kitki vorthi votvota hi zat sukneachi
Monxeani sukneak ghalchem nui pinzreant
Aplea sontosa khatir noxt hadchem nui tanchea jivitant
Khuxall'kayen anondan udumdi ugtea molant
Magtam sutka suknea baxen amchai jivitant
Freddy Agnelo Fernandes
The content of this electronic communication is intended solely for the use of
the individual or entity to whom it is addressed and any others who are
specifically authorized to receive it. It may contain confidential or legally
privileged information. If you are not the intended recipient you are hereby
notified that any disclosure, copying, distribution or otherwise placing
reliance on the contents of this information is prohibited and may be unlawful
in certain legal jurisdictions. If you have received this communication in
error please notify the sender immediately by responding to this email and then
delete it from your system.
__
This email has been scanned by the MessageLabs Email Security System.
For more information please visit http://www.messagelabs.com/email
__
