Re: [R@ntau-Net] FW: Organisasi Rantaunet ====> Panguruih RN paralu diresmikan dan dilantik !!!

[mulyadi]

Ass, wr, wb.   Dunsanak Dewis Natra jo panguruih RN nan lainnyo (maaf, belum dilantik kan ?, mungkin paralu kito buek acara pelantikannyo !!!), iko nan ambo tunggu2, ambo nan ditunjuak sebagai perwakilan Sumsel/Palembang akan bausaho pai ka Batawi ko tgl. 2 s/d 6 Juni 2004 nan akan datang, sakalian ambo pai ka Banduang manguruih anak ambo nan ka masuak ITB.   Insya Allah, ambo lah bajanji jo Tan Bandaro Labiah akan manjapuik ambo tgl 2 Juni sanjo di Bandara Sukarno Hatta. Jadwal ambo ka Banduang dulu, sudah tu nginap samalam di rumah Tan Bandaro Labiah di Bogor.   Mako pado kesempatan iko, bisa ndak kito adokan acara peresmian atau pengukuhan panguruih nan alah di bentuk pado bulan April nan lalu tu ?. Kito adokan acara di Lapangan Tenis seperti biaso pado hari Akad tgl 6 Juni 2004 nan akan datang.   Ambo himbau juo kapado perwakilan2 daerah lainnyo dapek manyasuaikan jadwal ko. Basamo-samo kito ka Batawi sambia main Tennis kito resmikan malah organisasi/yayasan kito ko.   Masalah redaksi Anggaran Dasar nan alah di posting dek Dewis, ambo baco dulu malah agak samalam duo malam ko, dimaa kurang jo jangga nyo akan ambo sampaikan pado postingan barikuiknyo. Dek karano di kito ado nan ahli hukum dan tahu Tata Bahasa tentang penulisan perundang-undangan, kito mintak malah saran jo koreksi nyo. Pakarek-an ambo Tan Bandaro Labiah tu ahli dalam hal itu, apolagi liau kan Notaris, jadi alah biaso dalam tulih manulih perjanjian dan Bahaso Hukum.   Kapado Bundo, kami harok tetap berkiprah di RN ko sebagai nan kami tuokan dan manjadi Panasehat kami2 nan mudo matah ko.   Sakali lai, ambo tunggu komentar dari dunsanak/Panguruih nan alah ditunjuak, apo lai bisa kito batamu di hari Akad tgl 6 Juni 2004 tu. Kok lai, tolong saran jo masukkan nyo apo acara nan akan kito buek di Lapangan Tennis tu atau di dangau Bundo atau dimaa sajo nan cukuik representatif untuak acara kito tu.   Sagitu sajo himbauan dari ambo, semoga mandapek tanggapan.   Wassalam, M.St.Bangsawan   ----- Original Message ----- From: Dewis Natra To: Komunitas MINANGKABAU (Urang Awak) Pertama di Internet (sejak 1993) Sent: Friday, May 21, 2004 12:49 PM Subject: [EMAIL PROTECTED] FW: Organisasi Rantaunet   Ass.Wr. Wb. Mamak2, Apak2, bundo kanduang, uda, uni sarato adiak nan ado palanta rantaunet. Hari Rabu tgl 19 April 2004 malam kapatang dirumah bundo Nismah (sekretariat Rantaunet) alah diadokan silaturahmi beberapa warga RN sairiang kadatangan ajo duta (Dutamardin) dari USA. Silaturahmi dihadiri Ajo Buyuang (Zubir Amin) jo keluarga, Ajo Duta jo keluarga, Miko, Iraf, Nofen, Jhon, Herliyan, Rahyussalim, bundo sabagai tuan rumah. Sarato ndak lupo mamak kito Asmardi Arbi yg baru pertamo kali bakumpua jo awak di dunia real, tantu sajo harapan kami dunsanak nan lain dapek bakumpua juo sakali sakali di dunia real untuak labiah mampa arek hubungan silaturahmi antaro warga RN.   Dari hasil silaturahmi tersebut dan babarapo aspirasi dari warga palanta disepakati lah untuak malembagakan organisasi kito dalam bantuak sabuah yayasan, dengan tujuan sagalo kegiatan kito ado payuang hukumnyo. Untuak itu prosedur pembuatan  sebuah yayasan sanak nofen sadang mancari baru (apo2 syarat sebuah yayasan), kalau ado dunsanak di palanta nan dapek mambantu tantu kami harapkan bana.   Kami berharap dunsanak di palanta ko turuik sato sebagai pendiri dari yayasanko, kami harapkan namo namo nan ka ikuik sato.    Dari team pembina alah mambuek anggaran dasar Rantaunet (attachment), Kami mengharapkan masukan dari dunsanak2.       Akhir kato talabiah takurang ambo mangucapkan tarimo kasih kok kato2 ambo nan salah mohon dimaafkan.   Salam    Dewis   ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________

____________________________________________________
Berhenti/mengganti konfigurasi keanggotaan anda, silahkan ke: 
http://groups.or.id/mailman/options/rantau-net
____________________________________________________