salam alaykum manolah sagalo dunsanak ambo disaluaruh pintu angin, gadang jo ketek, uni jo uda, adiek jo kakak, bapak, ibu, jo mamak nan gadang gbasa batuah
ambo baru sajo maninjau ulang karajo ambo nan masih tabangkalai mambuek situs nagari rang Tiku. Mambaco komentar jo harapan nan dikamukokan dek dunsanak di dalam buku tamu situs nan ko, mangingekkan ambo ju utang nan alun tabayiakan, niek nan alun tasampaikan, karajo nan alun tasalaikan sekaligus mambangkitkan baliak semangat ambo untuk manaruihkan karajo ko. Mudah-mudahan Insha Allah, akan ambo taruihkan karajo bangkalai nan tun khususnyo setelah karajo nan kini sadang manyasak ko salasai. Tarimo kasih banyak atas sumbang saran nan alah dibarikan. di sampiang itu, mohon maaf kabakeh sagalo dunsanak, ambo salamoko jadi peserta pasif, dek karajo nan sadang tagaiang. Namun ambo masih tetap mangikuti perkembangan di palanta jo di surau awak ko. khusus bagi keluarga awak di milis ko nan mandapek musibah, ambo juo ikuik baduka sekaligus mandoakan semoga cobaan Allah nan tun manambah keimanan kito kapadoNyo. Bagi keluarga awak nan baru baminantu jo mandapek kawan hiduik, ambo pun turuik babahagia, sarato jo iringan doa supayo berhasil membangun keluarga sakinah, bahagia dunia jo akhirek. wasalam dari Makdang (nan sadang tagantuang di rantau jauah) __________________________________ Do you Yahoo!? Yahoo! Calendar - Free online calendar with sync to Outlook(TM). http://calendar.yahoo.com RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
