2008/9/5 Anton Méixome <meixome en mancomun.org>: > Moi interesante, > > En principio pode parecer moito diñeiro. Só con pensalo un pouco xa se ve > que resulta unha cantidade modesta aínda que faltan bastantes datos para > valorar ata onde vai traballar a toponimia mundial. > > Supoño que non se tratará dun traballo só de compilación do que hai, que > tamén, senón que en moitos casos será de auténtica elaboración de solucións > (Asia, África... abrumador) por moito que a CRTVG teña sen dúbida o maior > fondo de toponimia internacional en lingua galega, porque leva máis de 20 > anos elaborando información internacional na nosa lingua. Agora suponse que > se trata de dar tamén un paso definitivo de "fixación" para o estándar ao > facer un proxecto terminolóxico específico e público.
Si, penso que eses cartos ata poden ser poucos, só puxen a cifra para facer ver que isto non vai ser unha especie de operación a medias. E sen dúbida a participación da CRTVG é importante, xa que como comentades ten moita experiencia nisto. Agardo que nós poidamos colaborar, ou polo menos obter toda esa información a medida que se vai fixando para incorporala ás nosas traducións, e ir creando recursos para nós. Respecto do da colaboración penso que o da carta é boa idea, pero ademais un pouco de presión institucional tamén estaria ben. Ademais poderiase falar de intentar o mesmo cas moedas, linguas, xentilicios, etc, xa que só parece que se van centrar nos topónimos (estados, rexións e cidades creo). Ata logo, Leandro Regueiro