-------------------------------------------------------------------------- | | | Goanetters annual meet in Goa is scheduled for Dec 27, 2005 @ 4pm | | | |The Riviera Opposite Hotel Mandovi, Panjim (near Ferry Jetty/Riverfront)| | Attending.......drop a line to [EMAIL PROTECTED] | -------------------------------------------------------------------------- NATALANCHO KUNSVAR
Jezuchea zolma disak kalljin toiar korpacho, ruchin chakun ghevpacho, khuxen vanttpacho. Ruchicho korpak suchnna: 1. Zolma ievpak Jezuk ghor nam zalem. Ami tem az Taka dium-ia? Amcheam kai bhavam-bhoinnink ghor-dar nam, vo tanchem ghor sarkem korunk zai. Amchean kitem tori omkea-omkea bhava vo bhoinni pasot korunk zata, tem bhavponnachea mogan korum-ia. 2. Jezu zolma aila eka gorvanchea gottheant: to saf korunk konn naslo. Amcheach vaddeant safai asa? Ani ganvcheam ieram vaddeamnim? Tornnnatteam cheddvank ani cheddeank zagoun ani ektthaun, safaiechi ek kariavoll korum-ia. 3. Jezu gorib kuttumbant zolma ailo. Zaiteam amcheam bhavam-bhoinnincheam ghoramnim bhurgeam-ballank sarkem jevonn-khann nam, festachem mhonnlolem jevonn aschench nam. Natalanchea disa eka tori gorib familik vo bhurgeak amger jevnnak apoum-ia ani kuxal korum-ia. 4. Jezucho toxench amcheam bhurgeancho samball korunk avoibapui asat. Kitleam bhurgeank oslo rogtacho samballnnar nam, onath bhurgim tim. Amcheam bhurgeank ani tornnatteank gheun onath bhurgeanchea eka ghorak bhett diun team bhurgeank koslim-i dennim vanttum-ia, gitam-gaionam ani khell korun tankam borinch hansoum-ia ani kuxal korum-ia. 5. Jezun khub zannank buzvonn dili, kuxalkai ximpddaili. Toxench ami mhatarim ani eksurim asloleank bhett diun kuxal korum-ia. Vo zannteanchea ghorant Natalancho sontos vaddovpachi kosli-i kariavoll korum-ia. 6. Jezu Xanticho Kunvor koso ailo, Tachea zolma-somoiar devdutamnim xanti porgottli. Amchech familint vo xezariam modem xanti nam zalear, xanti korunk zata te upai gheum-ia. Osleoch ier ievzonno ek-eklean sodun kaddun vhevarant ghalum-ieta. Ruchicho, bhov svadik, konsvar zatolo amcheam bhavam-bhoinnink, amkanch, khud Jezu-Ballak ani Tache Avoik ani Taka pattoil'lea Sorginchea Bapak. Vasco do Rego s.j. Pune, India -------------------------------------------------------------------------- | Goa - 2005 Santosh Trophy Champions | | | | Support Soccer Activities at the grassroots in our villages | | Vacationing in Goa this year-end - Carry and distribute Soccer Balls | --------------------------------------------------------------------------