########################################################################## # If Goanet stops reaching you, contact [EMAIL PROTECTED] # # Want to check the archives? http://www.goanet.org/pipermail/goanet/ # # Please keep your discussion/tone polite, to reflect respect to others # ##########################################################################
Hydraulic Jack Ugtto Dovorcho Nhoi Resperachea misa uprant, kazaracho mhellavo (receptions) dha minutachea vatteak axil’lea Palace Hotelachea hollant dovorlolo. Kuwaitche Goemkaram modim novre-hoklechi ollokh khub. Mhonntoch, amontrit (invitees) pavneachi hollant gorddi zatli ani boska vo bosunk zago mellunk moskil zatlem, hech katir hollant bhitor sorlim. Amchea sangata hoklechim xezaream aslim. Hollant sorbhonvtim nodor bosta tea svater vochun ami zago addailo. “Tumi zanant, International crook Charles Shobraj Porvorim O’Conqueiro hea navostik khannavolint sampdailolo. Ani atam Dramapur ganvant chandanacho zokatchor (sandalwood smuggler) ani khunni Veerappan-ank , Special Task Force (STF) pulisani faran sompoilo” Konnachich zag na ti pollevn sangatak aslelea alxaechem khup uddelem te poisapak hanvem mhottlem. “Kitem!!! Dramapur? Ho ganv Xasttichea Navelim kaddlea uprant melltta ani hangasor Veerappanank jivexim marlo?” Cosmuchea bailen ojeapun vichar kelo “Na gho Bela, Tamil Nadu, Dharmapuri hea zagear Veerappanank jivechim marla. Hea amchea Lion onkolak fonkandam korpachi sonvoim mhonn nokoi tum” Santanan mhottlem. “Ami hollant chodd vegim aileant” Francisco ubgelelea porim uloilo. “Kaim nozo. Vell xarunk amcho Lion uncle asa. Koslo tori vinhod sangtolo” Borges-an tondd ghatlem ani mhojea islean tannem apli boska bhonvdaili. “Hi khori ghozal, ponn hanv nokom koxe toren ho mhojo vinhod sonvsar bhor veg- vegllea vinhod borovpeani apleak zai te toren masalo ghalun vinhodachi ruch vaddoilea poi ti. Goddie tumi vachla vo dusrea koddlean aikola asot. Ponn korem sangtolo zalear mull (original) khobor mhojea sovem ghoddlea. Hem tumkam sotmandunk moskil zatlem.” “Thoddeach vellan aichea kazarak aslelem band vazounk suru kortelem. Lok umedin nachtolo. Zannaim Lion uncle, mhojea lhan jivitan te aiz moddlea idadir meren khoimchei-i band group kazarak vo dansak addle mandde, dulpotam vazoilea viret soromb sompona, ani amkam te aikupak ani tanchea surar nachpak ami vazenant. Khup pavtti borovpam durse bhasani onnkar kortat, chorio kortat ani aplench zalolea bhaxen saddoitat. Kaim orthaborit boroupam portean ekdam vachpa vo aikopa xarkim astat ” Stellan udkacho ghontt marit aplo onnbhov sanglo, ani mhoji addli ghozal sagunk ut’tejon dilem. Voros 1977. Fonddem Khanddepar, Maddras Rubber Factory-n (MRF) maintenance department-an hanv mechanic mhonn vavurtalom. Maicho mhoino to. Xezarchea cheddvak Rai gavant khazar kelelem. Night shift sompoun nigtoch ghorant bhitor sorlolom. Donparchea 3.30 vaztam kazarak vochunk zai mhonn mhojea avoin sanglem tedna mhaka zomchena oxem tika sangtoch, ti mhojer chavolli. Hea kazarache mhellaveak vochunk Varkeanchea timanachem cheddum khas ail’lem. Taka ani tivachea cheddvak veginuch nhessunk sanglem ani vochun kazarachea horrak vorchea bosint mhaka svat samballunk tankam hukum ghatlo Kazarak vochunk khup ganvcho lok. Bosint gorddi zali. Mhoji boska mhaka mevli. Xezarcho uncle Jerambo bosichea darar ravun mhonnonk laglo “Fuddem anikui khazarachea hollant vochunk lok asa. Bhurgeank manddear bosoieat. Daddlealim sittavelem uthchem ani cheddvam-bailank bosunk divnchem” Hanv tor sittavelo konko utthpi. Konn tori lhan por dista zalear hanvem dhavea bazun pollelem. Ek mottvich choli mhojea bazuk ubi asli . Lhan choli sozmun tika mhojea manddear bosunk sanglem ani tinnem kosloch noikar dinastana mhojea dhavea zangddar aple kule tenkoule. Bos chalu zali. Bhurgeanim “Rosa tuje tambdde pole” ho manddo suru kelo. Bosicho driver motto-bharik break martana, bos alta title pavtt mhojea zangddar aslelea choliechea kulle hallunk lagle ani oxem korun tinnem ak’kech kule mhojea donui zangddar chitkaile. Mhojean nhid sosunk zaina asli. Night shift korun ailolo mhonntoch boslele kodden mhaka dollo laglo. Nidhlelea kodden mendvachea zagrutaiche xirek, mhojea zangddacher konn tori chortta oxem ghomunaka, mhoji nhid udli. Mhojea mandder bosil’li choli aple donui hatachim botam type kelelea vorim mhojea zangddar cholloitali. Kedev meren ti susegad boslea. Zap korunk hoch chance aslo. “Excuse me. Are you a typist?. Hanvem vicharlem. “How did you know that?”, tinnem dolleancheo paklli halloit mhottlem. “Simple. Your fingers are playing on my thighs,” hanvem sanglem “Oh yea, I am a typist” Bos vegant rostear dhanvtali. Rai hollant pavunk ani ek dha minutachi vatt asli. Ek sundor choli mhojea mandder bosun mhojea thaim hansun ghozali korta mhonn tea khalla velle mhoje sarkele tornateanchea potant chablem ani tannim eke dekhnni gitacho vers oxem toren gailo. ‘Apttun dopttun gho cheddvan danttem mandilem Apttun dopttun gho cheddvan danttem mandilem Lugar na mhonnon cheddvak mandder bosoilem Lugar na mhonnon cheddvak mandder bosoilem’ “Aikolam tuvem te koslem dhulpot gaitat te?” Mhoje bazuk boslelea timanachea cheddvan mhojea kannant funklem. Tika zap dinastana hanvem monnantlem monan mhottlem. “hea vellar tanchea tonddak lagop mhonnchem susegad boslelea sunknneak ‘disturb’ korop.” Oxem hanv monnantle gungunaitana ti choli mhojea tondda islean pollet mhontta. “Excuse me. Are you a mechanic?” “Surprise! Yes I am.” “So please take care of your jack. It is lifting me up” Lino B. Dourado ===== http://www.goa-world.net/poems http://www.goa-world.net/poems/lino __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com