Havaim Xiii...Zaitea zannank, ek vaitt sonvoim asa. Kaim lok, khavpachekivam 
jevnnache jinnos polletoch soroll mhonntat, ‘havaim xiii...’ Jen’nammon’xachea 
jiber him utram futtat ten’nam, tachea lokxant vaitt torechem kaimek nasta, 
toruiponn; ‘havaim-xiii’, hea ollxigi sobdan, borea on’nacho ulekkorop, ek 
paddi sonvoim mhonnlear zata. Ghoddie tem onn, tuka vo mhaka, faleamna mellunk 
xokta. Dr. Michelle May, tichea pustokan boroita, ‘Eat What YouLove, Love What 
You Eat’. “Nhoikari (negative)chintnam tujea monant haddun, tujea jevnnachea 
onnbhovak ken’nanch nas korchonhoi. Tia bodol, jem kitem tum khata tacher 
purnponnim dhados za”

‘Xiii, mhaka naka’, hinvuim utram hanvem zaite pavtti aikoleant.Tujea gostachi 
vo ruchi bhaili khavpachi vost tuka dili zalear “xiii mhakanaka”, mhonnop 
chukichem. Ji vost tum khavchonam ti vost, dusro khatolo, hemzannam zaun, ‘xi’ 
ho sobd toddeanchea tonddar koso yeta, tachi mhaka zanniv na.Sobhemazar kitem 
uloita ani ulovpan koslem urmotponn asa tem sorbhonvtonncholok choturtayen 
aikota ani tujea fattlean tuzo tiatr korta. ‘Xiii, mhaka naka’,tia bodlek, 
“Mhaka naka vo mhojean hem khavunk zainam. Kiteak, godd-mutachem problem asa” 

‘Xiii, kit khat re/go?’ Orxim to/tem ‘ice-cream’ khatalo/khatalem. Ghoddie 
zait,  ice-creamkhatelim ixtt/ixttinn, kalchia disa, tivr (khor) thonddi 
duensan khoxttovtalo/khoxttovtaliani voizcho ilaz ghetalo/ghetali. Ani aiz 
kitem kai mhonntlear, ‘ice-cream’ khata. Hem pollovun ice-cream-ink ‘xi’ 
mhonnop sarkem nasta.Tunvuim ek lagincho ixtt/ixttinn mhonnon, tukai to/ti 
ice-cream vikot gheta ani ‘xiii’ mhonnom nastanam, tum ruchinkhata. 
Khoreaponnim hangasor ‘xi’ mhonnpan, dusrea torecho uchar zata. Tuzomitr zannam 
aslo kal tum duent aslo/aslem. Toruiponn voizan mona keloli ice-cream tum 
khata. Koslich malisnastana, khoxetori jiber utram fut’tant tim, 
ken’nam-ken’nam ami monank lavunghenant. Toripunn ‘xi’, hem utor vapor 
korinastona mhonnchem. “Thonddeli ice-cream khavun moronk utthla re/go?”

‘Xiii, kastad lagota’. Anik ek ulovpan chuk. Konnem tori borixi vostdili ani 
tea mon’xak gostak lagli. Tori astona to monis, ‘xi’ utracho vaporkorta. ‘ekdom 
gostachi asa vo kastad lagta’ mhononk zainam? Ponn, hangasorui‘xi’ utor ami 
monank lavn ghenant. Tannem toxem mhonnop ‘xiii, kastad lagota’,ditolo monis 
taka/tika ekdom ruchik lagli mhunn somzota. Punn, hanv mat hatuntdhados zainam. 
Kosli-i khavpachi vost ti zaum. Tika ‘xi’ mhonnop, ekdomchukichem. 

‘Xiii, nustea ghann’. Bazarant thavn haddlolem nustem, salantleantbhitor 
kuznant vetolea bapaik, vhoddli dhuv ani dusro cheddo sofar bosun mobailarchat 
kortana, nusteachea vasanpirgollun mhonnttat, ‘xiii, koslo vas nusteacho’. Punn 
ek sangpachem mhonnlear,hinch bhurgim nustea xivai xit pottant dukholnant. 
Nusteachea vasan mazor aplodis boro vetolo mhunn khuxallkayen ‘meow-meow’ korta 
zalear, ghorkarnnfattim-fuddem chintinastanam mhonntta. “Xiii, nustea ghann 
mure”. Khoreponnimti nusteak mhonnona, punn, nusteachea bazarant sovai nustem 
sodun-sodun ghorkaracheashirt-ak ghann poddlea, taka mhonntta.Nustem uzraitanam 
xezari vo xezarnn pavon sorlim zalear, to vo ti vichartat ,“koslem nustem 
haddlam? Vasacher gomta nustem tajem mhunn” Mhonntokoch,nusteache ghannik ‘xi’, 
ponn nusteaknhoi, ham!!! Oxem mu tem?

Ani Xevottak: Chodd pois kiteak vochunk zai mhaka? Amchi dhaktti dhuv, 
kantteanchemnustem mhonnlear, tichea mathear mollob poddlolea porim zata. 
Kantte nastonamnustem asonam mhunn sanglear; sungttam, tisreo, kurleo, mannkeo 
ani her sabarnanvanchi voleri mhojea hatant diloli asa. Tichea khatiruch, 
kantte naslolemnustem ‘separado’ haddchem poddta. Ekdis hanvem don vhoddlixim 
pamplittam kantto kuxin korun, chirun ghetlim.  Dhakttea porak, margelim 
pamplittam dakoitoch,tannem ‘xiii’ mhonnlem. Mhojea mostokak tiddokh choddli 
ani mhoje dolle motthekorun  ragan mhonnlem. “Henceforth, neverever utter that 
word ‘xi’. Kansular vazoitolom” 

“Mama”, dolleant dukham haddit,  tannem avoik ulo marlo.

“Kitem zalem re tumchem?”, mhozo mottho avaz ani dhuvegelobhiranticho ulo aikun 
kuznant aslolea sundoren vicharlem.

“Mama, hanvem nusteak kainch mhunnonk nam. Nusteacheakantteak mhonnlam”

Lino B. Doura     Lapitt http://aitaracheokaskuleo.blogspot.com/

Reply via email to