www.goa-world. com Quality. Precision. Professional. Gulf-Goans e-Newsletter (since 1994) archived at www.yahoogroups.com/group/gulf-goans/"Aitaracheo Katkutleo" somarak uzvaddaileo Utorda, Goy, 8/08/08 "Dor eka mon'xak jivitant tin zobabdareo pallpacheo astat. Poili, avoichem rinn pavoupachi, dusri avoi-bhaxechem rinn farik korpachi, ani tisri aple avoi-bhuimiechem rinn farik korpachi. Aiz uzvadda ailolem 'Aitaracheo Katkutleo' pustok Lino-baban aplea avoi-bapaik (Anthonetta Dourado ani Martinho Filipe Douradok) bhettoilam. Dusre svater tea pustokachi ugtavnni tannem apleach ganvant kelea, ani tisre svater tem aple avoi-bhaxentlean chhaplam. Oxem korun tannem apleo tin-ui zobabdareo pall'leat," oxem nanvosto Konknni kothakar ani Sahit'ya Akademicho puroskar man'kari Xri. Damodar Mauzo hannem sanglem. [ 'Aitaracheo Katkutleo' pustokache ugtavnne vellar (davean thavn) Xmt Connie Dourado, Pri. Britto Fernandes, Xri Damodar Mauzo, Premanand A. Lotlikar, Jose Salvador Fernandes ani pustokacho borovpi Xri Lino B. Dourado dista]. Lino B. Douradochea 'Aitaracheo Katkutleo' pustokachi ugtavnni kortoch to mukhel soiro mhunn uloitalo. Tannem Linok hea vellar pustok uzvaddailolea khatir porbim dilim, ani Konknni bhas dor eka Gõykaran aplea ulovpant, xikpant ani spordha astat teo legun avoi-bhaxentlean korun ti bhas samballun dovorpachi goroz tannem hea vellar ugtaili. Konknnintlean pustok uzvaddailolea khatir mukhel soiro Maujean Lino B. Douradok porbim dilim, ani tachea songitkar bapaichi, sorgest Martinho Filipe Douradochi mestri mhunn nanvosto aslo tachi tust-tokhnnai keli, ani Lino Dourado aplea bapaichea panvlamni choltolo, mhonnche songitkar zatolo oxem apleak dislolem mhunn sanglem. Punn tannem ek vegllich, borovpachi vatt dhorli ti polleun aplea jivak khub borem dislem mhunn tannem sanglem. "Konknniche Romi lipintlean sahit'ya fulchem, vaddchem mhunn tem toyar kortoleank mozot korunk Dalgado Konknni Akademi (DKA) asa. Dekhun, zata titlem Romi lipintlean borovp korun Konknni bhaxechi seva korchi mhunn hea dobajeak hajir aslolo manacho soiro DKA-cho odheokx Premanand Lotlikaran sanglem. Tannem hea vellar, Lino-babak pustok uzvaddailolea khatir DKA-chea nanvan porbim dilim. Konknni borovpi Jose Salvador Fernandes-an pustokacher ulovp kelem. "Linochim borovpam heram poros vegllim asat. Tachim borovpam 'between the lines' vach'chim ani somzunchim poddtat. Je-je vixoyacher to boroita te vixoy to ugteponnim aplea borovpant kelloina, punn vachpean tacho somoz kaddun tantum to vhav dovorta. Tachea borovpant dukhoi nastana chimtto kaddpachi kola ani borovpantlean katkutleo korit thom'nne marpache gunn asat,"oxem Xri. Fernandes-an pustoka vixim uloitana sanglem. Oslea torechem borovp fokot Lino sarkea borovpeamnich korum ieta," oxea utramni Jose Salvador Fernandes-an pustokachi ugtavnni zaunche poilim kelolea ulovpantlean hajir asloleam mukhar aplem mon manddlem. Aitaracheo Katkutleo pustokachea kovracher Utord'deche doria vellechem chitr asa, tea bhair borvpean tea pustokache ugtavnnecho dobazo aplea ganv-ghora kelo hem sogllem Lino B. Douradok aplea ganvcho khub obhiman asa mhunn dakoita oxem-i tannem aple barik-sarik nodrentlean kelolea nirikxon- nantlean (observation)sanglem. Hea vellar pustokacho borovpi Lino B. Douradochem-i ulovp zalem. Aplea ulovpantlean tannem aple borovp mollavele girest onnbhov hajir asloleam mukhar manddle. "Mhojem pustok aiz uzvadda ailam dekhun az hanv bhouch khoxen bhorlam, ani tem apnnem kherit bhaxen aplea sorgest avoi-bapaik bhettioilam oxem sanglem. (Hea vellar Lino Douradochea dolleamni bhorlolim dukham polletoch aplea sorgest avoi-bapaichea ugddasache umalle tea kherit velar jite zalole distale.) Ganvcho padr vigar Britto Fernandesan-ui hea vellar ulovp korun aplo firgozkar Lino B. Douradok porbim dilim. Karyavolliche survatek Lester Dourado-n (Lino Douradocho put) hajir asloleank yeukar dilo, ani Xmt. Connie Douradon (potin) upkar attoile. Hea dobajeak Konknni borvpi ani kovi Walter Menezes, Thomas C. Fernandes, 'Jivit' masikacho sompadpi Vincy Quadros, 'Koslich Malis Nastana' pustokak Konknnicho Poilo Martir Floriano Vaz 2007 Puroskar favo zalolo Daniel F. de Souza, Romi Lipi Action Front-acho nimontrok Wilson Mazarello, Pri. Martinho Dourado, Michael Gracias, Tarkeshwar Naik, ani her Konknni mogi hajir asle. 'Aitaracheo Katkutleo' pustok Goa Konknni Akademichea 'Poilo Chonvor Yeuzonne" khal chhaplam. _________________________________ Goa's Pride - http://www.goa-world.com http://in.youtube.com/watch?v=_Avn6_AepNw&feature=related Gulf-Goans e-Newsletter is presented by Ulysses Menezes, www.goa-world.com and moderated by Gaspar Almeida (since 1994) http://www.youtube.com/watch?v=9sfeniiAVig http://www.youtube.com/watch?v=fywTuf-9S0k&feature=email
[Goanet] "Aitaracheo Katkutleo" somarak uzvaddaileo
Goa's Pride www.goa-world.com Fri, 12 Sep 2008 22:50:53 -0700
