www.goa-world.com Quality. Precision. Professional. Gulf-Goans e-Newsletter http://www.yahoogroups.com/group/gulf-goans/ (since 1994)Gõy-ak 'Special Status' kiteak zai? - Jose Salvador Fernandes Apli vollokh (Identity) samballche khatir Goyan khubxe poristithink tondd diun tantum zoitivont zalam. Gõy Maharaxttrant ghalpa vixim lok-mot ghetlem tednam niz Gõykaramni Gõychem veglleponn samballun dovorlem. Konknni Gõychi Rajbhas zaunche khatir-ui heach niz Goykaramni chollvoll keli ani bhaxecher adarun Gõychem veglleponn rakhun dovorlem. Punn aiz hem Gõychem veglleponn, tachi osmitai il'Ii-il'li korun vhanvot vochpacheo khunna distat. Gõychea veglleponnachi khobor aslolea Bharotacho adlo Prodhan Montri Jawaharlal Nehru-n Gõychem hem veglleponn ani osmitai rakhunk bhas diloli, punn ti bhas kednach vevharant yeunk na. Aiz duddvanche axen Gõykar apli moriadit (limited) bhuim vikunk fuddem sorla, ani tacho dhoko Gõyche osmitayek (identity) bospacho asa hacho sabar Gõykarank husko zala. Jea zomnicher monis ravtat¬-jiyetat ti zomin tachi osmitai ghoddoita, taka surokxa dita ani jivitant unchli tenkxi ganttunk vatt meklli korta. Gõychea sorgant zomin aplea nanvar korun ghevpachi axa aslole sonvsarantle milionar, bilddor ani bandavolleo toyar korpi thoddea Gõykarank pixeant kaddun tacheo zomni vikteo gheupache khottpott kortat. Magas zatinchea lokachea ani Purtugez Gõyant yeunche adim asloleo itlea vorsancheo Komunidadicheo zomni legit aiz kaddun ghetleat ani udorgotichea nanvan teo udyog korpeank, dhondekarank ani bandavolleo ubeo korpeank vikleat oxem mot sabar zannachea tonddantlean aikunk mellta. Bhaile lok Gõykarancheo kitleo molak zomni vikteo gheunk raji asat dekhun aiz Gõyant zomnicho bhav choddla. Aiz Gõyant ubeo zaupi bandavollimni-housing colonies, tourist resorts ani vhodd-vhodd imarotimni Gõychem veglleponn rakhpi dekhaveant legit bodol ghoddoilolo dista. Tacho porinnam' udyog-karkhanneancher, turizmacher-ui ani he-ui mollancher poddla. Hea ¬mollancher vavurpi 90 te 95 tok'ke lok bhailea rajyantle asat. Itlench nhoi, bhaji-follam vikpi bhailea lokan, amchea xetamni pikavoll kaddun aplo dispott'to zoddpi lokachea dhondeak legit mar bosoilolo disun ieta. Dusrea utramni, ho porinnam.' Gõyche sonvskrutayecher, somazacher, arthik poristithicher ani rajki osmitayecher disun ieta'. ¬ Aiz Gõyant zomin thoddi zalea, ani lok chodd zala. Aiz Gõyant bhailean yeupi odik lokak hanga zago na, kiteak hanga udkacho, bizlecho, adi. gorzancho unnav (shortage) zal'lo asa ani tacho porinnam' niz Gõykarak bhogunk poddtolo. Dekhun, dor eka Gõykaran, mullavea gorzancher ani nitoll-nivoll vatavoronnacher adarun aiz apnnak aple dhortorer dorjedar jivit (decent standar of living) jiyeunk magpacho hok'k ani goroz asa. Aiz Gõyaant udyogank, minachea dhondeak, bandavolleo ubeo kortolea zagea khatir kherit dorjeachim (special status) sompeponnan dilolim distat, punn todorzo mat chaltea Gõykarachea khuinch vantteak iena. Dekhun Bharoti Ghottnnechea 371 ankddea khal ani Ghottnneche 5ve Yeuzonne khal Gõycho lok Gõyam khatir kherit dorzo magunk aple talle ubartana aikunk ieta. Gõykarank hea 'Special Status'-a khal apli urloli zomin samballun dovorloli zai. Oslo kherit dorzo Bharoti Ghottnnechea nema pormannem Himachal Prodex, Arunachal Prodex ani Bharotachea her ut'tor-udent rajyamni chalik lailolo polleunk mellta. Kiteacher adarun 'special status ?' Bharotachi Ghottnna toyar kortale tednam Gõyant motdarsongh nasle. 'Operation Vijay', 1961 hache udexim Gõy vattar Songhacho bhag zalo. Gõychi 40 tok'ke lok-sonkhea magas zatintli asa ani tankam rakhonn zai. Gõychi kherit sonvskrutai ani somajik bandavoll khuinchea khoim virun vochunk diunk zaina. Gõyant veg-veglle dhorm ani zati-kati asat, torui xanti¬sovostkai vosta, hem khaxeleponn desant anik khuinch vosona. Gõyant bhailea rajyantlo lok aila dekhun Gõyche bhaxek-ui mar bosunk lagla. Gõyant dusrea rajyantlea lokache londde ietat tacho porinnam' rajyachea poriavoronnacher, soimbik aspoticher ani bandavollicher zata, punn hi poristithi oxich fuddem vochunk diunk zaina. Hea sogllea karonna khatir, Bharoti Ghottnne khal Gõyak kherit dorzo magunk vatt ugti asa. 27/09/2008 (c) Jose Salvador Fernandes http://www.goa-world.com/ http://sonvarchimsungttam.blogspot.com/ http://groups.yahoo.com/group/gulf-goans/message/20935 Gulf-Goans e-Newsletter (since 1994) http://www.yahoogroups.com/group/gulf-goans/ _________________________________________________________________ "KONKANI VARIETY SHOW" IN KUWAIT Date: 9th October 2008 (Thursday) Venue: Carmel School Auditorium, Kheitan - Kuwait Organized by: Kala Mogui Kuwait & Gulab Working Committee as part of GULAB SILVER JUBILEE CELEBRATIONS IN KUWAIT. All are welcome. This is a FREE show. For details, email: [EMAIL PROTECTED] or call Mob: 99391452 Visit http://www.goa-world.com/goa/ www.goa-world.com/goa/music/ KONKANI KOVITA http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado Mahableshwar http://www.mahableshwar.com St. Mary's High School - Mt Abu, Rajasthan India http://www.abusms.com Visit Goa's favourite website THE GOAN FORUM http://www.colaco.net http://www.yahoogroups.com/group/goa-goans/ GOANCAUSES http://www.yahoogroups.com/group/goancauses/ Goa World Goa Mog Goa SuRaj Super Goa (em Português) TGF Writers' Sketchpad www.colaco.net __________________________________________________________________ Gulf-Goans e-Newsletter is presented by Ulysses Menezes, www.goa-world.com and moderated by Gaspar Almeida (since 1994). http://www.yahoogroups.com/group/gulf-goans/
[Goanet] SON'VARACHIM SUNGTTAM: Gõy-ak 'S pecial Status' kiteak zai?
Goa's Pride www.goa-world.com Sat, 27 Sep 2008 01:12:22 -0700
